د سوډان په جنوب ختیځ کې پر یوه کلي د ملېشو په برید کې لږ تر لږه ۱۰۴ کسان ووژل شول

ایمانویل مکرون وویل چې په فرانسه کې به ۴۵۰۰ اوکرایني سرتیري هم روزل او د خپل هیواد د دفاع لپاره به سمبال شي.

د فرانسې ولسمشر دا ونه ویل چې اوکراین ته به څومره جنګي الوتکې ورکړي، خو دا یې ومنله چې د اوکرایین پیلوټانو لپاره د روزنې کورسونه به له پنځو تر شپږو میاشتو پورې دوام وکړي، چې د دوبي په پای کې پیلیږي.

دغه ژمنې فرانسې ته د اوکراین د ولسمشر ولادیمیر زیلینسکي په سفر کې شوې دي.

له بلې خوا مکرون ویلي، د اوکراین ولسمشر او د دفاع وزیر خپلو ټولو لویدیځو متحدینو ته په یوه رسمي لیک کې د اوکراین په خاوره کې د دغه هېواد د ځواکونو د سملاسي روزنې غوښتنه کړې ده.

په همدې حال کې، داسې ګنګوسې وې چې په فرانسه کې له ولادیمیر زیلینسکي سره له لیدنې وروسته به ایمانویل مکرون ډیر ژر اوکراین ته د فرانسوي روزونکو لیږل اعلان کړي، خو تر اوسه یې په دې اړه څه نه دي ویلي.

له بلې خوا ولسمشر مکرون ټینګار وکړ، چې له اوکراین سره د همکارۍ په اړه د فرانسې پرېکړې د دغه هېواد له متحدینو سره په مشوره شوې دي.

په دې وروستیو ورځو کې یوشمېر لویدیځو هېوادونو اوکراین ته اجازه ورکړې، چې په خپلو مرستندویه وسلو سره د روسیې په خاوره کې پر هدفونو بریدونه وکړي.

له دې پرېکړې وروسته ولادیمیر پوتین لوېدیځو هېوادونو ته خبرداری ورکړ او ویې ویل چې دا کار له "اور سره لوبې" دی.

ښاغلي پښتین پرون دا خبرې په فیسبوک کې ژوندۍ وینا سره وکړې.

هغه د پښتنو روان بد اقتصادي حالت او ناامنۍ په یادولو سره وویل، «پاکستان تل د خپلې ډالري پالیسي له مخې دغه سیمه ناامن ساتلې ده.»

منظور پښتین په خپلو خبرو کې د پاکستان او چین د اقتصادي کورېډور یا سیپېک یادولو سره وویل: «ډالري پالیسي دا ده چې پر دې خاوره روډ جوړېږي چین یې جوړوي، خو د امریکا نه دی خوښ، ځکه وايي که دا روډ جوړ شي، یوه لویه کاروباري منصوبه به د چین اړخ ته لاړه شي چې د امریکا پر اقتصاد اثر غورځوي.»

د نوموړي په خبره، «پاکستان دلته د دې پروژې لپاره یو ټوپک یو وسلوال وژنه له چین یې پیسې اخله، چې ستا سیپېک ته امنیت ور کوم او دوه جوړوه، له امریکا یې پیسې اخله چې وګوره زه خو د سیپېک پر خلاف لګیا یم. دوی تل د پښتنو په وینو او امکاناتو ډالر ګټلي.»

ښاغلي پښتین پاکستان له پښتنو سره په دوه ګوني چلن تورن کړ او ویې ویل، چې کله له افغانستان سره پر ډیورنډ کرښه را کړه ور کړه ډېرېږي، اسلام اباد په یوه بله پلمه لارې بندې کړي، خو له هند سره د پنجاب کرتاپور لار یې هیڅکله هم بنده نه کړه.

هغه زیاته کړه چې د پښتنو د تجارت مخه ځکه نیول کېږی «چې څومره دا قام غریب کېږی، نو په پنځه زره روپۍ به استعماري خلکو نوکرۍ ته مجبور وي او پر دې خاوره به کار کولو ته ور سره مجبور وي.»

د وسلوالو ډېرېدل

د پښتون ژغورنې مشر په خپله وینا کې د پښتونخوا او بلوچستان په تېره د قبایلي سیمو ناامني او د وسلوالو بریدونه هم یاد کړل.

پاکستان په پښتونخوا کې د روانې ناامنۍ لامل تحریک طآلبان پاکستان بولي او وايي چې په افغانستان کې د طالبانو واکمنېدو سره دا ډله ځواکمنه او په پاکستان کې یې بریدونه ډېر شوي دي.

پاکستان د طالبانو تر واکمنېدو وروسته له دې ډلې سره خبرې هم پیل کړې او ویل کېدل چې دې وسلوالو ته ځینې قبایلي سیمې په واک ور کوي.

منظور پښتین هغو خبرو ته په اشاره وویل: «موږ ځکه د دې مذاکراتو مخالف و چې د کامیابېدو ګرنټي یې نشته او که ناکام شول تاوان یې پښتنو ته رسېږی.»

د هغه په خبره، دا خبرې وروسته بې نتیجې پای ته ورسېدې او اوس ور سره مختلفو سیمو کې ناامني زیاته شوې ده.

منظور پښتین وویل، چې تر دې ناکامو خبرو وروسته د پلان له مخې په سیمه کې وسلوال زیات شول.

ښاغلی پښتین وايي، که څه هم اوس د پوځ مشر تابه دا پرېکړې پر ځینو مشرانو اچوي، خو د پاکستان د پوځ عمومي پالیسي همدا ده چې پښتنې سیمې نارامنه وي.

د پاکستان د کرېکټ ملي لوبډلې د لوبې په پیل کې توپ وهنه پیل کړه، چې په ټاکلو شلو اورونو کې یې ۱۵۹ منډې هدف وټاکه.

د متحده ایالاتو د کرېکټ لوبډلې په ټاکلو شلو اورونو کې ۱۵۹ منډې پوره کړې او لوبه مساوي شوه.

د کرېکټ د شل اوریزو لوبو د اصولو له مخې د دواړو لوبډلو تر منځ سوپر اور لوبه پیل شوه.

امریکا په سوپر اور کې پاکستان ته د ۱۹ منډو هدف وټاکه چې پاکستان یوازې ۱۳ منډې وکړې او لوبه د امریکا متحده ایالاتو وګټله.

دغه لوبه د امریکا د تکزاس ایالت د ډالاس په لوبغالي کې ترسره شوه.

د یادونې وړ ده، چې د امریکا د کرېکټ په تاریخ کې دا لومړی ځل دی، چې له پاکستان سره مخامخ کیږي او لوبه ترې ګټي.

مودي د چهارشنبې په ورځ د ملي دیموکراتیک ایتلاف (ان ډي اې) مشر وټاکل شو. دا کار وروسته له هغه وشو چې د مودي بهارتیا جنتا ګوند (بي جی پي) د هند په پارلماني ټاکنو کې خپل بشپړ اکثریت له لاسه ورکړ او د سیمه ییزو ګوندونو - په ځانګړي توګه د تیلوګو دسم ګوند او جنتا دل ګوند ملاتړ ترلاسه کړ.

ملي دیموکراتیک اتحاد د پارلمان له ۵۴۳ څوکیو څخه ۲۹۳ ګټلي دي. خو د مودي (بي جي پي) یوازې ۲۴۰ څوکۍ ګټلي دي.

همدا راز، د تیلوګو دسم ګوند په سویلي ایالت اترا پردیش کې هم سیمه ییزې ټاکنې وګټلې او ټاکل شوې چې نایډو به هلته وزیر وټاکل شي.

د د تیلوګو دسم ګوند یوه لوړ پوړې چارواکي رویټرز ته وویل: «موږ لا هم په خبرو اترو بوخت یو، څه چې موږ غواړو روښانه کړو هغه داده چې نایډو غوړي له مرکز (فدرالي حکومت) سره خورا ښې اړیکي وساتي، ځکه چې زموږ لومړیتوب د دولت پراختیا او ګټې دي.»

د تیلوګو سم ګوند د یوه ویاند او د ملي دیموکراتیک ایتلاف د پنځو سرچینو په حواله، دواړه ګوندونه خپلو ایالتونو ته د ځانګړي حیثیت ورکولو لپاره له اوږدې مودې راهیسې غوښتنې کوي.

ځانګړی حالت ایالتونو ته اجازه ورکوي چې په ساده شرایطو کې د فدرال پراختیایي مالي سرچینې ترلاسه کړي.

د ملي دیموکراتیک ایتلاف څخه سرچینې وویل، چې له جنتا دل ګوند څخه کمار هم په بیهار کې د فدرالي کابینې پوستونو سره د نوي صنعتي پروژو ملاتړ غواړي.

د هغه په ​​وينا، له لوژستيکي ستونزو سربیره قزاقستان په پام کې لري چې له افغانستان سره د سوداګرۍ کچه په کال کې له يو ميليارد څخه درې ميليارد ډالرو ته لوړه کړي.

د روسيې انټرفکس خبري اژانس په وینا، د قزاقستان د لومړي وزير مرستيال د دغه هېواد د ملي شورا د غونډې په څنډه کې خبريالانو ته وويل: "اوسمهال له افغانستان سره د سوداګرۍ اندازه څه باندې يو ميليارد ډالره ده، زموږ هدف دا دی چې دا اندازه درې میلیارده ډالرو ته لوړه کړو."

د ښاغلي ژومانگارینپه وینا، قزاقستان غواړي افغانستان ته د اوړو، غنمو او نورو توکو صادرات زیات کړي.

قزاقستان په پام کې لري چې د یوې نوې لارې په پرانیستلو سره له افغانستان سره سوداګري پراخه کړي. له الماتا څخه د ايټاليا د سوداګرۍ او پانګونې د اژانس د ګزارش له مخې، ښاغلي ژومانگارینوويل، چې هېواد يې هڅه کوي چې د ترکمنستان له لارې د افغانستان له لوېديځ سره يوه لنډه سوداګريزه لاره پرانيزي.

هغه زیاته کړه: "لویدیځ افغانستان ته لاسرسی به موږ ته اجازه راکړي چې خپل صادرات دې هیواد ته زیات کړو."

اوس مهال دغه هېواد له افغانستان سره د ازبکستان له لارې سوداګري کوي. ژومانگارینټینګار وکړ چې له دغه هیواد سره د سوداګرۍ زیاتول د لوژیستیکي مشکلاتو له حل وروسته شونې ده.

همدارنګه د قزاقستان د لومړي وزیر مرستیال اعلان وکړ چې "د سوداګرۍ او لوژستیک لومړنی کنفرانس به د جون په پای کې د اکتاو په ښار کې جوړ شي او د افغانستان استازي به په کې ګډون وکړي."

هغه دا هم وویل، چې د افغان سوداګرو یوه لویه ډله به د اګست له لومړۍ نیټې څخه تر پنځمې نیټې پورې دغه هیواد ته راشي او غواړي چې په الماتا کې یو لوی سوداګریز نندارتون جوړ کړي.