د کرېکټ نړۍوال جام؛ د امریکا د متحده ایالاتو د کرېکټ لوبډلې پاکستان ته ماتې ورکړه

مودي د چهارشنبې په ورځ د ملي دیموکراتیک ایتلاف (ان ډي اې) مشر وټاکل شو. دا کار وروسته له هغه وشو چې د مودي بهارتیا جنتا ګوند (بي جی پي) د هند په پارلماني ټاکنو کې خپل بشپړ اکثریت له لاسه ورکړ او د سیمه ییزو ګوندونو - په ځانګړي توګه د تیلوګو دسم ګوند او جنتا دل ګوند ملاتړ ترلاسه کړ.

ملي دیموکراتیک اتحاد د پارلمان له ۵۴۳ څوکیو څخه ۲۹۳ ګټلي دي. خو د مودي (بي جي پي) یوازې ۲۴۰ څوکۍ ګټلي دي.

همدا راز، د تیلوګو دسم ګوند په سویلي ایالت اترا پردیش کې هم سیمه ییزې ټاکنې وګټلې او ټاکل شوې چې نایډو به هلته وزیر وټاکل شي.

د د تیلوګو دسم ګوند یوه لوړ پوړې چارواکي رویټرز ته وویل: «موږ لا هم په خبرو اترو بوخت یو، څه چې موږ غواړو روښانه کړو هغه داده چې نایډو غوړي له مرکز (فدرالي حکومت) سره خورا ښې اړیکي وساتي، ځکه چې زموږ لومړیتوب د دولت پراختیا او ګټې دي.»

د تیلوګو سم ګوند د یوه ویاند او د ملي دیموکراتیک ایتلاف د پنځو سرچینو په حواله، دواړه ګوندونه خپلو ایالتونو ته د ځانګړي حیثیت ورکولو لپاره له اوږدې مودې راهیسې غوښتنې کوي.

ځانګړی حالت ایالتونو ته اجازه ورکوي چې په ساده شرایطو کې د فدرال پراختیایي مالي سرچینې ترلاسه کړي.

د ملي دیموکراتیک ایتلاف څخه سرچینې وویل، چې له جنتا دل ګوند څخه کمار هم په بیهار کې د فدرالي کابینې پوستونو سره د نوي صنعتي پروژو ملاتړ غواړي.

د هغه په ​​وينا، له لوژستيکي ستونزو سربیره قزاقستان په پام کې لري چې له افغانستان سره د سوداګرۍ کچه په کال کې له يو ميليارد څخه درې ميليارد ډالرو ته لوړه کړي.

د روسيې انټرفکس خبري اژانس په وینا، د قزاقستان د لومړي وزير مرستيال د دغه هېواد د ملي شورا د غونډې په څنډه کې خبريالانو ته وويل: "اوسمهال له افغانستان سره د سوداګرۍ اندازه څه باندې يو ميليارد ډالره ده، زموږ هدف دا دی چې دا اندازه درې میلیارده ډالرو ته لوړه کړو."

د ښاغلي ژومانگارینپه وینا، قزاقستان غواړي افغانستان ته د اوړو، غنمو او نورو توکو صادرات زیات کړي.

قزاقستان په پام کې لري چې د یوې نوې لارې په پرانیستلو سره له افغانستان سره سوداګري پراخه کړي. له الماتا څخه د ايټاليا د سوداګرۍ او پانګونې د اژانس د ګزارش له مخې، ښاغلي ژومانگارینوويل، چې هېواد يې هڅه کوي چې د ترکمنستان له لارې د افغانستان له لوېديځ سره يوه لنډه سوداګريزه لاره پرانيزي.

هغه زیاته کړه: "لویدیځ افغانستان ته لاسرسی به موږ ته اجازه راکړي چې خپل صادرات دې هیواد ته زیات کړو."

اوس مهال دغه هېواد له افغانستان سره د ازبکستان له لارې سوداګري کوي. ژومانگارینټینګار وکړ چې له دغه هیواد سره د سوداګرۍ زیاتول د لوژیستیکي مشکلاتو له حل وروسته شونې ده.

همدارنګه د قزاقستان د لومړي وزیر مرستیال اعلان وکړ چې "د سوداګرۍ او لوژستیک لومړنی کنفرانس به د جون په پای کې د اکتاو په ښار کې جوړ شي او د افغانستان استازي به په کې ګډون وکړي."

هغه دا هم وویل، چې د افغان سوداګرو یوه لویه ډله به د اګست له لومړۍ نیټې څخه تر پنځمې نیټې پورې دغه هیواد ته راشي او غواړي چې په الماتا کې یو لوی سوداګریز نندارتون جوړ کړي.

بل خوا د میارسکب نومي شرکت هغه راپورونه رد کړي،‌ چې ګواکې د دوی پر بېړۍ د حوثي ډلې له خوا برید شوی.

حوثي یاغیان چې د یمن په ډېرو سیمو کنټرول لري، له میاشتو راهیسې په سیمه کې په بېړیو بریدونه کوي او په وار - وار یې ویلي، چې دا کار په غزه کې د اسراییل د جګړې پر وړاندې له فلسطینیانو سره د پیوستون ښودلو په موخه کوي.

د حوثیانو د پوځ ویاند یحیی سري د چهارشنبه په ورځ په یوه ټلویزیوني وینا کې وویل، چې حوثیانو په سور سمندرګي کې د روزا او وانتج ډریم په نوم پر دوه کښتیو د توغنديو او ډرون پر مټ برید کړی. هغه ونه ویل چې دا بریدونه کله شوي دي.

ښاغلي سري ویلي، چې حوثیانو په عربي بحیره کې د متحده ایالاتو د مارسک سلیټار نومې بېړۍ پر وړاندې هم د ډرون برید کړی خو نور جزییات نه دي ورکړي.

د مارسک د رسنیو اړیکو مدیر کیون ډویل د پنجشنبې په ورځ وویل، چې د مارسک سلیټار له خوا د داسې کومې پیښې راپور نه دی ترلاسه شوی.

ملالې یوسفزۍ په غزه کې پر یوه ښوونځي د اسراییلي پوځ له برید وروسته ویلي دي، چې ښوونځي باید په نښه نه شي.

نوموړې پر خپلې اېکس پاڼې لیکلي، چې اسراییل یو ځل بیا هغه ښوونځی په نښه کړی، چې پکې په زرگونو ملکي خلکو پناه اخیستې وه.

ملالې د اوربند غوښتنه تکرار کړه او ویې ویل: " موږ نور د بې ګناه خلکو وژنې نه شو زغملی".

د یادونې وړ ده، چې اسراییلي پوځیانو د غزې په نصیرات کمپ کې په یوه ښوونځي کې په مېشتو فلسطینیانو حمله وکړه چې له امله یې څلویښت تنه وژل شوي دي.

د غزې د روغتیا وزارت بیا ويلي، چې په وژل شویو کې مېرمنې او ماشومان شامل دي.

د درېیو لوړ پوړو امریکایي چارواکو په وینا، چې د جګړې د ډګر پرمختګونو سره اشنا دي، د غزې د دغه حاکمې ډلې د جنګیالیو شمیر اوس ۹زره څخه تر ۱۲ زره کسانو پور راټیټ شوی دی.

د رویټرز خبری اژانس په وینا؛ د امریکا د اټکل د مخې د دغو جنګلیالیو شمېر له جګړې څخه مخکې د ۲۰ زرو او ۲۵ زرو کسانو ترمنځ‌ و.

په همدې حال کې اسراییل وايي، چې تر اوسه یې د غزې په جګړه کې ۳۰۰ عسکر له لاسه ورکړي دي.

یو امریکايي چارواکي ویلي، چې د حماس جنګیالي اوس په لویه کچه د اسراییلي ځواکونو سره له مخامخ نښتو څخه ډډه کوي. د رفح په سویلي ښار کې حماس د دې پرځای چې د اسراییل سره مخامخ جګړه وکړي، په غلچکي بریدونو، کمینونو او ځای پر ځای شویو بمونو تکیه کوي.

د ویسام ابراهیم په ګډون د غزې څو اوسېدونکو وویل، چې دوی هم د حماس د جګړې په تاکتیکونو کې بدلون لیدلی دی.

ابراهیم رویټرز ته د ټیلیفون پر لیکه وویل: "په لومړیو میاشتو کې، د حماس جنګیالیو به اسراییلي ځواکونو سمدلاسه بریدونه کول،‌ کله به چې هغوی د غزې خاورې ته راننوتل، دوامداره ډزې او مخامخ جګړه به کېده؛ خو اوس د دوی د عملیاتو په طریقه کې د پام وړ بدلون راغلی دی، دوی اوس اسراییلي ځواکونو ته انتظار باسي چې سیمه کې ځای پر ځای شي او بیا پرې غلچکي بریدونه کوي."

امریکایي چارواکو چې د خپلو نومونو د نه ښودلو غوښتنه کړې، ویلي، چې دا ډول تاکتیکونه کولی شي د راتلونکو میاشتو لپاره د حماس جنګیالیو له خوا جګړه اوږده کړي.

دغه جګړه به د غزې د تونلونو او قاچاق شویو وسلو پر مټ دوام کوی، ځکه چې غلچکي بریدونو کې لږو وسلو ته اړتیا وي او زیان یې تر ډیره پراخ وي.

داسې ښکاري چې د اسراییل لومړی وزیر بنیامین نتنیاهو هم د جګړې دغه پیچلي اړخ ته متوجې دی،‌ د هغه د ملي امنیت سلاکار ویلي، چې کېدای شي جګړه د ۲۰۲۴ کال تر پایه دوام وکړي.