د حج په مراسمو کې د سختې ګرمۍ له امله تر ۵۰۰ زيات حاجيان مړه شوي دي
په مکه مکرمه کې د حج مراسمو پرمهال د سختې ګرمۍ له امله ۵۷۷ حاجیان مړه شوي دي. د عربي رسنیو د راپورونو له مخې، د ګرمۍ له امله مړه شوي ۳۲۳ حاجیان د مصر او ۱۴۴ د اندونیزیا هېوادونو دي.
په مکه مکرمه کې د حج مراسمو پرمهال د سختې ګرمۍ له امله ۵۷۷ حاجیان مړه شوي دي. د عربي رسنیو د راپورونو له مخې، د ګرمۍ له امله مړه شوي ۳۲۳ حاجیان د مصر او ۱۴۴ د اندونیزیا هېوادونو دي.
د راپورونو له مخې، د ګرمۍ له کبله د اردن او د تونس ۳۵ حاجیان مړه شوي، په داسې حال کې چې د ایران ۱۱ او د سینیګال ۳ حاجیان مړه شوي دي.
په مکه مکرمه کې د دوشنبې په ورځ د تودوخې درجه ۵۱.۸ درجې سانتي ګراد ثبت شوې ده.سعودي چارواکو د حج مراسمو لپاره د ګرمۍ تر ټولو سترې ننګونې په پام کې نیولو سره احتیاطي تدابیر هم نیولي دي.تر دې وړاندې د سعودي د هوا پېژندنې ادارې سږ کال د حج د مراسمو پر مهال د سختې ګرمۍ وړاندوینه کړې وه او د سعودي د حج او عمرې وزارت د حاجیانو لپاره هر ډول تابیاوې نیولې وې.
