علي امين ګنډاپور: که وفاقي حکومت خپلې کړنې سمې نه کړي، نو خلک به یې په اړه غبرګون وښيي
د خېبرپښتونخوا وزير اعلی علي امين ګنډاپور وايي، که د پاکستان وفاقي حکومت خپل چلند سم نه کړي؛ نو خلک به د دغه چلند په اعتراض کې سخت غبرګون وښيي.
د خېبرپښتونخوا وزير اعلی علي امين ګنډاپور وايي، که د پاکستان وفاقي حکومت خپل چلند سم نه کړي؛ نو خلک به د دغه چلند په اعتراض کې سخت غبرګون وښيي.
هغه ويلي، چې وفاقي حکومت د برېښنا کموالي په برخه کې د خېبرپښتونخوا له ولسه غچ اخلي او په دې برخه کې له هغو سره د مور مېرې سلوک کوي.
هغه زیاته کړې، چې د واپډا ځايي چارواکي د خپلو معيارونو له مخې همکاري کوي او وفاقي حکومت پخوا هم دغې صوبې ته د برېښنا کچه کمه کړې وه.
علي امين ګنډاپور وويل، چې د برېښنا د ستونزو په اړه به ډېر ژر له اړوندو ادارو سره خبرې اترې وکړي.
د خېبرپښتونخوا وزير اعلی ويلي، چې د وفاقي حکومت لهخوا شوې ژمنې نه دي پوره شوې.
علي امين ګنډاپور وويل، وفاقي حکومت دې د خيبرپښتونخوا سره خپل چلند سم کړي.
له هغه مهاله چې د باکستان په بېلابېلو سیمو کې د ګرمۍ توده څپه راغلې؛ نو به ډېرو سیمو کې ورسره د برېښنا پرچاوي هم زیاته شوې ده.
د خیبر پښتونخوا په ډېرو سیمو کې دغه پرچاوي په یوه شپه او ورځ کې شاوخوا دوولس ساعته وي، چې له امله یې ګڼ خلک له سختو ستونزو سره مخامخ شوي دي.
د خیبر پښتونخوا د پېښور او بېلابېلو ولسوالیو خلک وايي، چې برېښنا د دوی د سیمې پیداوار دی؛ خو ګټه یې پنجاب او د پاکستان نورو سیمو ته رسېږي او دوی ته کافي برېښنا نه ورکول کېږي.
