د تایلنډ مشرانو جرګې د سې شنبې په ورځ (د غبرګولي ۲۹مه) د ودونو د مساواتو قانون تصویب کړ. تایلنډ په سوېل ختیځي اسیا کې لومړی او له نیپال او ټایوان وروسته درېیم اسیایي هېواد دی، چې د همجنس خوښو ودونه یې قانوني کړل.
دا قانون چې د همجنس خوښو ودونو ته قانوني بڼه ورکوي، د تصویب لپاره به شاهي ماڼۍ ته واستول شي.
د دغه هېواد مشرانو جرګې د سې شنبې په ورځ دغه قانون په ۱۳۰ موافقو او څلورو مخالفو رایو سره تصویب کړ.
دا قانون به په شاهي جریده کې د خپرېدو څخه ۱۲۰ ورځې وروسته نافذ شي.
تایوان په ۲۰۱۹ او تایلنډ په ۲۰۲۳ کې د همجنس خوښو واده قانوني کړ.
یو شمېر سازمانونه چې د همجنس خوښو د حقونو ملاتړ کوي د تایلینډ د مشرانو جرګې له خوا د دې قانون تصویب د پرمختګ یو لوی ګام بللی دی.
دا قانون د همجنس خوښو واده د قانوني کولو ترڅنګ، د ماشومانو لپاره د میراث او د روغتيايي پاملرنې د پرېکړې کولو حقونه هم وړاندې کوي.
