د طالبانو د کرنې وزارت د کوکنارو د بدیل کښت د ۵ کلن پلان نهايي کولو لپاره یوه کمېټه ټاکلې
د طالبانو د کرنې وزیر عطاالله عمري د شنبې په ورځ د کوکنارو د بدیل کښت د پنځه کلن پلان د نهايي کولو لپاره یوه کمېټه ټاکلې ده.
د طالبانو د کرنې وزیر عطاالله عمري د شنبې په ورځ د کوکنارو د بدیل کښت د پنځه کلن پلان د نهايي کولو لپاره یوه کمېټه ټاکلې ده.
دغه وزارت وايي، په دې پلان کې د بزګرانو سره د اقتصادي همکارۍ د پياوړتيا، د کوکنارو د کښت کمولو او له منځه وړلو او د کروندګرو د مشروع او متنوع حاصلاتو د کرلو لپاره د بديل کښت د پروژو پلي کول شامل دي.د طالبانو د کرنې وزارت د څېړنيز انسټيټيوټ عمومي مسوول نصرت الله طلحه، د دغې کمېټې د مشر په توګه ټاکل شوی دی.د طالبانو مشر ملا هبت الله ته د فرمان پر بنسټ، د کروندګرو لپاره د کوکنارو د کرکيلې د بدیل د معرفي کولو لپاره د بدیل معیشت پنځه کلن پلان تصویب شوی دی.تر دې مخکې د طالبانو د کورنیو چارو وزارت اعلان کړی و، چې نشه يي توکي په افغانستان کې له منځه تللي او دا چې افغانستان نور د نړۍ د هېوادونو لپاره ګواښ نه دی.دغه وزارت له نړۍوالو سازمانونو وغوښتل چې د افغان بزګرانو لپاره د کوکنارو د کښت بدیلې لارې چارې برابرې کړي.ملګرو ملتونو په خپل تازه راپور کې ویلي؛ که څه هم په افغانستان کې د کوکنارو د کښت کچه کمه شوې، خو د صنعتي نشه یي توکو په ځانګړې توګه د شیشې تولید په هماغه اندازه زیات شوی دی.
د جمعې په ورځ طالبانو دوه افغان موټر چلوونکي په تورخم کې د امان الله خان پر انځور د لګول شوي رنګ د پاکولو په تور بندیان کړل.
د شنبې په ورځ سرچینو افغانستان انټرنشنل ته وویل، چې طالبانو دغه دوه موټر چلوونکي خوشي کړي دي.
د هغو انځورونو له مخې چې افغانستان انټرنشنل ته رسیدلي، دوه کسان په تورخم ښارګوټي کې د شاه امان الله خان د لرې شوي انځور پر ځای د طالبانو سپین بیرغ لګوي.
شاوخوا دوه اونۍ وړاندې، په تورخم کې طالبانو د شاه امان الله خان او باچا خان په انځورونو تور رنګ شیندلی و.
وروسته له هغې چې په ټولنیزو شبکو کې د شاه امان الله خان دغه ویجاړ شوی انځور خپور شو، پرون دوو لاری چلوونکو هڅه وکړه چې د شاه امان الله خان پر انځور شیندل شوی رنګ پاک کړي.
له دې پېښې وروسته تمه کېده، چې طالبان به دغه دوه موټر چلوونکي ونيسي، چې همداسې وشول خو څو ساعته وروسته یې د خوشې کیدو خبر یې خپور شو.
په تېرو درېیو کلونو کې طالبانو هڅه کړې چې د افغانستان د تاریخي او ادبي شخصیتونو انځورونه له ښارونو او دولتي ودانیو له دیوالونو لرې کړي. دې ډلې کابل ته د راتګ په لومړي کال د ملي ټلویزیون په ودانۍ کې د شاه امان الله خان انځور وران کړ.
د طالبانو د دیني عقیدې له مخې د انسانانو او حیواناتو انځورونه اخېستل ګناه ده. د دې ډلې چارواکو د کندهار په ګډون په یو شمېر ولایتونو کې د هغو بلبورډونو پر لګولو بندیز لګولی چې د انسانانو عکسونه په کې دي.
د افغانستان د واکمنۍ په لومړۍ دوره کې طالبانو د همدې عقیدې پر بنسټ او د دې ډلې د پخواني مشر ملا محمد عمر په امر د بودا دوه لویې مجسمې په بمونو والوزولې او ویجاړې یې کړې.
