د کډوالۍ نړیواله اداره وایي، یوازې په تېره یوه میاشت کې یې ۶۲ زره او ۴۲۶ افغانانو ته روغتیايي خدمات وړاندې کړي دي. دغې ادارې په خپل اېکس کې لیکلي، چې دې کسانو ته د روغتیایي مشورو، د رواني درملنې او د ماشومانو د واکسین په برخه کې خدمات وړاندې شوي دي.
د کډوالۍ نړیوالې ادارې ویلي، چې له ۴۸۱۳۸ کسانو سره یې د روغتیایي مشورې، ۷۳۱۱ کسانو ته د رواني درملنې او ۶۹۷۷ ماشومانو ته یې د منظم واکسین په برخو کې همکاري کړې ده.
دغه نړيواله اداره همداراز زیاتوي، چې په افغانستان کې ډېری کسان با کیفیته روغتیایي خدمتونو ته د لاسرسي په لټه کې دي.
د طالبانو په نږدې درې کلنه واکمنۍ کې د نجونو او مېرمنو په منځ کې د طالبانو له ربړونو او بندیزونو سره د رواني ناروغیو کچه لوړه شوې ده.
د روان کال د وري په میاشت کې د روغتیا نړیوال سازمان ویلي و، چې اته مېلیونه افغانان له رواني روغتیا بې برخې دي او دغه ناروغان د خپلې درملنې لپاره له نشهیي توکو کار اخلي.
له دې سره، د ملګرو ملتونو د بشري چارو د همغږۍ دفتر هم څه موده مخکې ویلي و، چې په افغانستان کې د ۹،۲ میلیونه ماشومانو په ګډون ۲۳،۷ میلیونه کسان بشري مرستو ته اړتیا لري.
د طالبانو ګډې کمېټې او د صرافانو اتحادیې بیا په اطلاعیه کې د دې پرېکړې د علت په اړه څه نه دي ویلي.
د راپورونو له مخې، په شهزاده سرای کې څه باندې دوه زره د پيسو تبادلې ګرځنده «صرافان» فعاليت کوي او اوسمهال له سرای بهر هم ټولې غرفې تړل شوي دي.
دغه اطلاعیه د طالبانو د کورنیو چارو وزارت، د افغانستان د مرکزي بانک د ریاست، د طالبانو د استخباراتو د عمومي ریاست او د صرافانو د اتحادیې له خوا لاسلیک شوې ده.
دا پرېکړه تر هغه وروسته وشوه، چې یو شمېر سرچینو تېره ورځ وویل چې طالبانو د کندهار ولایت په سپین بولدک ولسوالۍ کې د صرافۍ مارکېټ هغه هټۍ بندې کړي، چې جوازونه یې نه درلودل.
د سرچینې په خبره، د طالبانو د دې پرېکړې په غبرګون کې نورو صرافانو هم خپل دوکانونه وتړل چې ور سره د ټولو تړل شویو هټیو شمېر تر ۴۰۰ رسېږي.
د دې مارکېټ د هټیو يو شمېر خاوندان وایي، د طالبانو د افغانستان بانک د جواز جوړولو لپاره شرایط سخت کړي او دوی توان نه لري، چې دغه شرایط پوره کړي.
طالبانو بیا تر اوسه په دې اړه څه نه دي ویلي.
