د طالبانو سترې محکمې د یوې خپرپانې په خپرولو سره ویلي، چې د دغې ډلې سترې محکمې د غزني ولایت په مقر ولسوالۍ کې یو کس د «نامشروع اړیکو» په تور په عام محضر کې په دورو وهلی دی.
د طالبانو سترې محکمې له لوري د سې شنبې په ورځ د (چنګاښ ۱۹مه) په یوه خپره شوي خبرپاڼه کې ویلي، چې د غزني ولایت د مقر ولسوالۍ د لومړنۍ محکمې د ېکړې سره سم یو تن ته د «نامشروع اړیکو» په تور په عام محضر کې سزا ورکړل شوه.په خبرپاڼه کې ویل شوي، چې د غزني ولایت د لومړنۍ محکمې لهخوا دغه مجرم د لس کاله تنفیذي بند تر څنګ په ۳۹ دورو هم ووهل شو.په خبرپاڼه کې په «نامشروع اړیکو» د تورن کس هویت نه دی په ډاګه شوی.د یادې ډلې د سترې محکمې په خبرپاڼه کې ویل شوي، چې پر دغه کس یې د سترې محکمې له تایید وروسته د دورو وهلو جزا عملي کړه.که څه هم پر طالبانو په عام محضر کې د بدني سزا ورکولو په اړه د بشري حقونو د ملاتړو سازمانونو له لوري سختې نیوکې کېږي؛ خو لا هم طالبان لږ تر لږه هره اونۍ د افغانستان په بېلابېلو ولایتونو کې پر خلکو په عام محضر کې بدني سزا عملي کوي.
