د طالبانو د کرنې وزارت مرستیال پروان ته د «عشر او زکات» راټولولو لپاره تللی
د طالبانو د کرنې وزارت مرستیال وايي، چې پروان ته د «عشر او زکات راټولولو لپاره د همغږۍ او همکارۍ» ترلاسه کولو لپاره تللی.
د طالبانو د کرنې وزارت مرستیال وايي، چې پروان ته د «عشر او زکات راټولولو لپاره د همغږۍ او همکارۍ» ترلاسه کولو لپاره تللی.
اغاجان اخوند په پروان کې له ځايي طالب چارواکو سره په لیدنه کې «د عشر او زکات» د را ټولولو په برخه کې د قومي مشرانو او د جوماتونو د امامانو پر همکارۍ ټینګار وکړ.
د طالبانو د کرنې، اوبولګولو او مالدارۍ وزارت د اعلامیې له مخې؛ اغاجان اخوند د سیمه ییزو عوایدو د زیاتوالي لپاره د بېرته راستنېدونکو ځمکو په اجاره ورکولو ټینګار کړی دی.
طالبان له تېرو درېيو کلونو راهیسي پرته له دې، چې خلکو ته خدمات وړاندې کړي له خلکو څخه «عشر او زکات» ټولوي.
تر دې مخکې د طالبانو رییس الوزرا ویلي وو، چې خلک دې له خدایه خپل «رزق او رزوي» وغواړي.
دا ډله په داسې حال کې له خلکو څخه «عشر او زکات» ټولوي، چې د ملګرو ملتونو د شمېرو له مخې له ۲۳ میلیونو ډېر افغانان بشري مرستو ته اړتیا لري.
