د متحده عربي اماراتو د لومړي وزیر شیخ محمد بن راشد المکتوم لور شهزادګۍ مهره د انسټاګرام ټولنیزې شبکې له لارې خپل مېړه ته طلاق ورکړ. دا په عربي اماراتو کې یوه نادره پېښه ده، چې مېرمن خاوند ته طلاق ورکوي.
شهزادګۍ مهره د تېر کال په اپریل میاشت کې له سوداګر شیخ مانع بن محمد بن راشد بن مانع المکتوم سره واده وکړ او د روان کال په می میاشت کې یې لور وزېږېده.
مهره د انسټاګرام ټولنیزې شبکې له لارې خپل مېړه ته په خطاب کې لیکلي: «کله چې ته له نورو سره بوخت یې، زه خپل طلاق اعلانوم، زه تاته طلاق درکوم، زه تاته طلاق درکوم او زه تاته طلاق درکوم. په ځان پام کوه، ستا پخوانۍ مېرمنه.»
له دې سره شهزادګۍ له خپل مېړه سره خپل ټول انځورونه له انسټاګرام ټولنیزې شبکې څخه پاک کړي دي.
د ټولنیزو شبکو کاروونکو ویلي، چې مهره او د هغې مېړه یو بل په انسټاګرام کې انفالو کړي هم دي.
اسلام د طلاق ورکولو حق مېړه ته ورکړی او ښځه یوازې د خله اخیستلو حق لري.
دا خبره د ټولنیزو شبکو ځینو کاروونکو هم کړې، چې طلاق د مېړه له خوا ورکول کیږي او ښځه یوازې خله اخیستلی شي.
د کرېکټ نړیوالي شورا د معلوماتو له مخې، د ۲۰۲۴ کال د ښځو شل اوره اسيا جام نهم پړاو د سريلانکا په کوربتوب د راتلوونکې جمعې په ورځ پيلږي.
په دې سياليو کې ۸ لوبډلې « بنګلدېش، هند، پاکستان، سریلانکا، ماليزيا، نيپال، تايلنډ او متحده عربي امارات» برخه لري.
د ۲۰۲۴ کال د ښځو شل اوره اسيا جام سيالۍ به د رواني جولای مياشتې پر ۱۹ نېټه پيل او د همدې مياشتې تر ۲۸ نېټې به دوام وکړي.
د دې جام سيالۍ پر دوو ګروپونو ويشل شوې دي.
په لومړي ګروپ کې به « بنګلدېش، هند، پاکستان او سريلانکا» سره لوبېږي.
په دوهم ګروپ کې به « ماليزيا، نيپال، تايلنډ او متحده عربي امارت» یو د بل په وړاندي ولوبيږي.
په دې جام کې ټولې ۱۵ سيالۍ تر سره کيږي.
د سريلانکا کرېکټ بورډ هم پر خپله اېکس پاڼه د پاکستان او هند ښځينه لوبډلو ته ښه راغلاست ویلی دی.