شپږېزه لیګ؛ امونهنګان لوبډلې سپين غر پړانګانو ته د ۲۸ منډو په توپير ماتې ورکړه

ملي ټلویزیون د جمهوریت پر مهال د خبرونو، سیاسي خپرونو، ځانګړو مرکو، جرګه، د کرونا ځانګړې خپرونه، ټولټاکنې، مشاعرې، شپږیزه او نورو بېلابېل پروګرامونو په ګډون زرګونه خپرونې لرلې.

افغانستان انترنشنل - پښتو د افغانستان د ملي راډیو تلویزون رسمي فیسبوک پاڼه، اېکس، یوټیوب او انسټاګرام وڅاره، چې یوازې د طالبانو خپرونې پکې خپرې ښکاري.

له دغو ټولنیزو شبکو څخه طالبانو ټولې هغه خپرونې پاکې کړي، په کومو کې چې مېرمنو ونډه لرله.

د افغانستان ملي راډیو تلویزون یوې سرچینې افغانستان انټرنشنل - پښتو ته وویل، چې د جمهوري دولت له سقوط وروسته د ملي راډیو تلویزون ټولې ټولنیزې پاڼې د جمهوري دولت پر مهال د ملي راډیو تلویزون د رییس په واک کې وې.

سرچینه زیاتوي، چې وروسته طالبانو دغه پاڼې تر لاسه کړې او د طالبانو له خوا د ملي راډیو تلویزون مشر په امر پخوانۍ ټولې ویډیوګانې او خبرونه پاک شول.

طالبانو نه یوازې دا چې د ملي راډیو تلویزون د ټولنیزو پاڼو له ارشیف څخه د دغه تلویزون ټولې پخوانۍ خپرونې ډېلیټ کړي؛ بلکې د دغه تلویزون لوګو یې هم بدله کړې ده.

د امربالمعروف وزارت مسوولينو د چهارشنبې په ورځ په يوه خبري غونډه کې د طالبانو له خوا د خلکو نيول د دغه وزارت د تېر کال کې له لاسته راوړنو او فعاليتونو څخه یاد کړل.

د دغه وزارت د راپور له مخې؛ په تېر کال کې شاوخوا نيمايي هغه کسان نیول شوي وو، چې تر ۲۴ ساعتونو څخه زيات نه دي زنداني شوي او خوشې شوې دي.

د طالبانو امربالمعروف وزارت د نیول شویو ۱۳ زره کسانو د سرغړونې څرنګوالی او جنسیت نه دی په ډاګه کړی.

د امربالمعروف وزارت د افغانانو په ځانګړې توګه د ښځو د حقونو په نقضولو کې مهم رول لوبوي.

تېر کال د امريکا د خزانې وزارت د طالبان امربالمعروف پر وزير محمد خالد حنفي او همدارنګه د علومو اکاډمۍ پر مشر فريدالدين محمود د بشري حقونو د سرغړونې له امله بنديزونه ولګول.

د طالبانو له امنيتي ليکو څخه د هغو کسانو لرې کول، چې ږيري نه لري

د طالبانو د امربالمعروف وزارت یو چارواکي محب الله مخلص وويل، چې د دغې ډلې ۲۸۱ امنیتي غړي د ږیرې نه لرلو له امله د طالبانو په لیکو کې پېژندل شوي او ایستل شوي دي.

طالبانو د دولتي ادارو (ملکي او نظامي) کارکوونکو تر څنګ د افغانستان له عامو وګړو هم غوښتي، چې ږیرې پرېږدي.

د طالبانو د امربالمعروف استازي وخت په وخت د نارینه و وېښتانو جوړولو ځايونو ته ورځي او د دوی د امر څخه د سرغړونې په صورت کې یې د تړلو امر کوي.

د طالبانو د امربالمعروف وزارت د دغه ډلې له مهمو وزارتونو څخه دی.

واک ته د طالبانو په رسېدو د ښځو چارو وزارت لغوه او دغه وزارت یې جوړ کړ.

د ښځو په وړاندې د طالبانو د امربالمعروف وزارت چلند او د ښځو پر کار، زده کړو او د بیان پر ازادۍ سخت بندیزونه د بشري حقونو د سازمانونو او ملګرو ملتونو له خوا له سختو نيوکو سره مخ شوي دي.

په ورته وخت کې دغه وزارت ويلي، چې تېر کال یې د ښځو د خرڅلاو له ۲۰۰ او د ښځو پر وړاندې د تاوتریخوالي د ۲۶۰ پېښو مخه نیولې ده.

دا په داسې حال کې ده، چې واک ته د طالبانو له رسېدو را وروسته په افغانستان کې د بشري حقونو د خپلواک کمېسیون او د ښځو د ملاتړو یوشمېر بنسټونو فعالیتونه بند شوي دي.

د طالبانو د امربالمعروف وزارت چارواکي هم وايي، چې تېر کال یې په ټول افغانستان کې د موسیقۍ ۲۱ زره ۳۲۸ الې او وسايل له منځه وړي دي.

د کندهار ملي ټلویزیون چې د طالبانو تر کنټرول لاندې دی، د دې ډلې د سیمه ییزو چارواکو په حواله په یوه راپور کې لیکلي، چې دغه مرستې نن سهار د زمري ۳۰ مه افغانستان ته راورسېدې.

طالبان دا مرستې د افغانستان په وړاندې د روسیې د ښه نیت نښه ګڼي او روسیه ټینګار کوي، چې دا مرستې په افغانستان کې د بېلابېلو ناورینونو له قربانیانو سره د مرستې لپاره ورکړل شوې دي.

دغه مرستې د روسیې د ولسمشر ولادیمیر پوتین په حکم د دغه هېواد د بېړنیو حالاتو وزارت د الوتکې په وسیله افغانستان ته را رسېدلې دي.

روسیې د روان کال د چنګاښ په میاشت کې افغانستان ته د خوراکي او لومړنیو اړتیاو په ګډون ۲۱ ټنه بشري مرستې استولې وې.

د طالبانو ویاند ‌ذبیح الله مجاهد نن سې شنبه «د زمري ۳۰مه» په خپلې اېکس پاڼه کې د یوې خبرپاڼې په خپرولو سره د طالبانو له والیانو سره د دې ډلې د مشر ملا هبت الله د لیدنې خبر ورکړ.

په دغه خبر پانه کې لیکل شوي، چې ملا هبت الله د دې ډلې والیانو ته "د ښې اسلامي حکومتولۍ، خپلو مسوولیتونو ته د پاملرني، د جهاد په نتیجه کې د راغلي اسلامي نظام د ساتني او د مجاهدینو د قربانیو د اساسي هدف چې د مقدس شریعت تطبیق دی، په اړه هر اړخیزه وینا وکړه."

ملا هبت الله همدراز خپلو والیانو ته په وینا کې ویلي، چې دوی د "جهاد" د میدان اولني فاتحین دي.

هغه زیاته کړې: "د جنګ په لومړۍ کرښه کې به تاسو واست، ستاسو تر قوماندې لاندې په لسګونو طالبان وژل شوي دي، د دوی ارمانونو ته تحقق ورکړئ، اسلامي نظام ټینګ کړئ، د شریعت قانون پلی کړئ او الهي احکام را ژوندي کړئ."

ملا هبت الله له خپلو والیانو غوښتي، چې هیچاته اجازه مه ورکوئ، چې په ولایتونو کې غیر شرعي کړنې ترسره کړي، د خلکو عقیدوي او فکري اصلاح ته لازمه توجه وکړئ او د علماو سره تعلق وساتئ.

هغه زیاته کړې، چې دیني علماء په اعتماد کې وساتئ او د دین په تنفیذ کې مشورې او کار ځني واخلئ، د ځوان نسل روزنې ته ښه توجه وکړئ او په اسلامي روحیه سمبال نسل وروزئ.

د طالبانو له خوا په خپره شوې خبرپاڼه کې همدراز لیکل شوي، په پای کې ملا هبت الله د ټولو والیانو څخه د دې ډلې د نظام د ساتني او شریعت د تطبیق اړوند نظرونه واورېدل او په اړه یې دوی ته لازم هدایات وکړل.

د طالبانو مشر ملا هبت الله چې تر اوسه یې څېره افغانانو نه ده لیدلې، د دې ډلې له چارواکو سره په منظم ډول لیدنې پیل کړې دي؛ خو په دې ناستو کې د نوموړي ویناوې تر ډېره تکراري دي او یوازې د شرعي نظام د پاتې کېدو لپاره سپارښتنې کړي دي.

د طالبانو د مشر ملا هبت الله د ټولبښنې څخه نیولې تر ځینو فرمانونه یوازې د کاغذونو پرمخ پاتې دي او د درېیو کالو په تېریدو سره تر اوسه عملي شوي نه دي.

ډېری افغانان له طالبانو غواړي، چې د عامو افغانانو په څېر دې لومړی شریعت پر خپلې ډلې عملي کړي.

د طالبانو د کندهار د والي له دفتره په خپره شوې خبرپاڼه کې راغلي، چې نن سې شنبه د زمري په ۳۰ مه په کندهار کې د دې ډلې د اطلاعاتو او کلتور رياست له لوري د "امارت پېژندنې" کتاب د ښوونځيو زده کوونکو ته د ازموينې د اخېستلو په موخه ووېشل شو.

طالبانو تر دې وړاندې هم د افغانستان په ځینو ولایتونو کې د «امارت پېژندنې» ازموینه اخیستې ده.

د طالبانو امارات پېژندنې په کتاب کې د خپلو مشرانو او پېښو په اړه په معلوماتو کې لاسوهنه کړې ده او طالبانو په دې کې د خپلو مشرانو او هېواد کې د شویو پېښو په اړه خپل تبلیغات ځای پر ځای کړي دي.

طالبان د دې کتاب په خپرولوسره هڅه کوي، چې د دې ډلې په اړه د خلکو نظر بدل کړي او په دې اړه معلومات ورکړي.

طالبانو په ۱۴۰۰ میلادي کال کې د افغانستان د واک له اخیستو راهیسې د نجونو له شپږم ټولګي پورته ښوونځي تړلي، نجونې یې پوهنتون ته له تګ څخه منع کړې او پر ښځو یې سخت بندیزونه لګولي دي.