د پاکستان پوځ: باجوړ ته له افغانستانه د وسلهوالو د ننوتو مخه ونیول شوه
د پاکستان پوځ په یوه خبرپاڼه کې ویل شوي، چې له افغانستانه باجوړ ته د ننوتو په هڅه کې پنځه وسلهوال وژل شوي او څلور نور یې ټپیان دي.
د پاکستان پوځ په یوه خبرپاڼه کې ویل شوي، چې له افغانستانه باجوړ ته د ننوتو په هڅه کې پنځه وسلهوال وژل شوي او څلور نور یې ټپیان دي.
په دغه وینا پاڼه کې راغلي، چې د ډزو په تبادله کې د دوی درې سرتېري د عنایت خان، عمر حیات او وقار خان په نوم هم وژل شوي دي.
د وینا پاڼې له مخې، دغه درې سرتېري د پېښور، خیبرپښتونخوا او مانسهرې اوسېدونکي وو.خبرپاڼه وایي، پاکستان په پرله پسې ډول د طالبانو له حکومته غوښتي دي چې د وسلهوالو ډلو له ورتګه دې مخنیوی وکړي.خبرپاڼه زیاتوي:« د طالبانو له حکومته تمه کېږي، چې خپل مکلفیتونه پوره کړي او د پاکستان پر ضد د ترهګریزو کړنو د دوام لپاره د وسلهوالو لهخوا د افغان خاورې د کارونې مخه دې ونیسي.»طالبانو او وسلهوالو ډلو لا په دې تړاو څه نه دي ویلي؛ خو پاکستان په وار، وار طالبان تورن کړي، چې په افغان خاوره کې یې ټيټيپي وسلهوالو ته ځای ورکړی او دغه ډله له هغې ځایه په پاکستان کې بریدونه پلانوي.
په همدې موخه جوړه شوې غونډه کې ملا برادر وویل؛ دغې ډلې درک کړې ده، چې د پیاوړي اقتصاد لپاره کرنه او د کرنې د پرمختګ لپاره اوبه تر هر څه مهمې دي.
د طالبانو د ریاستالوزرا اقتصادي معاونیت د یوې خبرپاڼې په خپرولو سره ویلي، چې د پلتوني بند چارې به په دوه نیمو کلونو کې بشپړې شي او په جوړېدو سره به یې سلګونو کسانو ته د کار زمینه برابره.
د خبرپاڼې له مخې؛ د دې بند په جوړېدو سره به شاوخوا ۲۵ میلیونه متر مکعبه اوبه زېرمه، ۲۵۰۰ هېکټاره ځمکه خړوبه او ۹۳۵ کیلو واټه برېښنا به هم ورسره تولید شي.
په دې غونډه کې ملا برادر زیاته کړې ده، چې یاده ډله د هېواد د اقتصادي پرمختګ او ځان بسیاینې ته د رسېدو لپاره د طبیعي سرچینو د مدیریت قوي هوډ لري او په دې برخه یې کورنیو او بهرنیو پانګوالو ته د پانګونې زمینه هم برابره کړې ده.
په خبرپاڼه کې راغلي، چې طالبانو د هېواد په کچه د هغو لویو او متوسطو بندونو ارزونه کړې، چې کارونه یې نیمګړي یا هم نه وو پیل شوي.
خبرپاڼه کې راغلي، چې د دې بند په بشپړېدو سره به د دغه ولایت پر مرکز ښرنې سربېره د نېږدې سیمو تر ځمکې لاندې د اوبو زېرمې قوي، کرنیزې ځمکې خړوبې، سېلابونه به کنټرول او د چاپېریال په خوندي ساتلو کې رغنده رول ولوبوي.
