د طالبانو د انرژۍ وزیر د ارغندې د برېښناکوټ د بشپړولو پر سر له یوې هندي کمپنۍ سره خبرې کړې
د طالبانو د اوبو او انرژۍ وزیر عبداللطیف منصور د ارغندې د ۵۰۰ کیلو ولټه برېښنا کوټ د چارو د سپارلو په موخه د یوې هندي کمپنۍ له مشر سره لیدلي دي.
د طالبانو د اوبو او انرژۍ وزیر عبداللطیف منصور د ارغندې د ۵۰۰ کیلو ولټه برېښنا کوټ د چارو د سپارلو په موخه د یوې هندي کمپنۍ له مشر سره لیدلي دي.
تر دې وړاندې طالبانو ویلي و، چې یوه خصوصي کمپنۍ د دغه برېښنا کوټ په بشپړولو کې پانګونه کوي.
د طالبانو د رییس الوزرا اقتصادي مرستیال عبدالغني برادر د چنګاښ په میاشت کې د دغه برېښنا کوټ د پاتې شویو چارو د بشپړولو پروژه د ۸ مېلیون ډالرو په ارزښت پرانیستله.د طالبانو د ټولګټو وزارت ویلي و، چې د ارغندې برېښناکوټ پروژه به د عوفي بهرام د خصوصي سوداګریز شرکت په پانګونه بشپړه شي.دغه پروژه د ترکمنستان څخه د برېښنا د لېږد په موخه د بغلان ولایت د خواجه الوان څخه د کابل تر ارغندې پورې جوړېږي او په پام کې ده، چې په راتلونکو دوو الو کې به یې چارې بشپړې شي.عبداللطیف منصور د دغې پروژې پرانېستې غونډې ته ویلي و، چې د دغې پروژې او د برېښنا په برخه کې د نورو پروژو په بشپړېدو سره چې ټولټال ۱۸۳ مېلیونه ډالره لګښت لري له ترکمنستانه به شاوخوا د زر مېګاواټه برېښنا د لېږد زمینه برابره کړي چې ورسره به په هېواد کې د برېښنا د کمي ستونزه تر ډېره بریده هواره شي.طالبانو د دغې پروژې په اړه چې د «ګودریچ لوژیستیک» په نامه یادېږي ډېر جزییات نه دي خپاره کړي.
د اوبو او انرژۍ وزارت وايي، په دغې ناسته کې عبداللطیف منصور سپارښتنه کړې چې د دغه وزارت چارواکي دې «د دغه برېښنا کوټ د ترانسفرونو د لېږدولو لپاره د پروژې سپارلو ته» چمتووالی ونیسي.
داسې ښکاري، چې د افغانستان د پخواني حکومت ملاتړی او د پاکستان دوښمن هند د منځنۍ اسیا له هېوادونو وروسته د طالبانو سره د همکارۍ لپاره ملا تړلې او په دې توګه غواړي، یو ځلې بیا د دغه هېواد په بنسټیزو پروژو کې ونډه واخلي.
په خوست کې ځینو ځوانانو نن یکشنبه افغانستان انټرنشنل ـ پښتو وویل، چې طالبانو د خوست په ښار کې له دوکانونو او ځوانانو سرې خولۍ راټولې کړي دي.
دوی زیاتوي، چې د طالبانو د خوست امنیه قومندانۍ پولیسو د سرو خولیو پلورونکو او هغه ځوانانو ته چې دغه خولۍ پر سر وې خبرداری ورکړی چې له دې وروسته دې د سرو خولیو پلور او پر سر کولو څخه ډډه وکړي.
په خوست کې ځیني فعال ځوانان وايي، چې دوی په پښتونخوا کې د پښتون ژغورنې غورځنګ د پاکستان ضد سیاستونو ملاتړ کوي او دغه خولۍ د خپل ملاتړ د سمبول په توګه کارکوي، نو ځکه طالبانو د دوی مخنوی کوي.
له خوست څخه راپورونه وايي، چې د دې ولایت د طالبانو د اطلاعاتو او فرهنګ ریس شبیر احمد عثماني چې د سراج الدین حقاني له نژدې کسانو څخه دی؛ یو شمېر ځوانان په دې کواښلي، چې څو ورځې وړاندې یې په دغه ولایت کې د ټن غر مشاعره جوړه کړې وه او د پاکستان پرضد د شعرونو د ویلو ترڅنګ د دغه مشاعرې کډونوالو ډیری سرې خولۍ پر سر کړې وې.
خوستي ځوانان همدراز زیاتوي، چې دوی د دې لپاره هم کواښل کیږي چې د ټن غر مشاعره کې ځینو شاعرانو د پښتون ژغورنې غورڅنګ د وژل شوي مخکښ غړي ګېلهمن وزیر شعرونه زمزمه کړي وو.
په خوست کې د طالبانو د اطلاعاتو او فرهنګ رییس شبیر احمد عثماني پر خواله رسنۍ اېکس د دغې ډلې د یو پلوي په ځواب کې لیکلي: « نن مې هم راغوښتي، سبا هم ادامه لري او که سبا ریاست ته راځئ نو خوشحالوونکي جریانات به ووېنئ»
د خوست ځیني فعال ځوانانو افغانستان انټرنشنل ـ پښتو ته وویل، چې د شبیر احمد عثماني له خوا یې د اطلاعاتو او فرهنګ د ریاست په دفتر کې سخته بې عزتي شوې ده او د سرو خولیو پر سرکولو ترڅنګ په ټولنیزو رسنیو کې د پښتون ژغورنې غورځنګ د ملاتړ له امله پر مرګ ګواښل شوي دي.
د پښتون ژغورنې غورڅنګ یو مخکښ کړی حنیف پښتین په خوست کې له ځوانانو سره شوي چلند په اړه لیکلي « په افغانستان کې ځوانان هره ورځ په يو او بل نوم ځورول کيږي او هلته پر ولسونو د ژوند کولو ټولې لارې چارې سختې شوي، خلک له داسې کړنو نور په تنګ راغلي او دې ته اړ شوي، چې د نظام په وړاندې بغاوت شروع کړي»
سرې خولۍ له هغه وروسته ډېرې مشهورې شوي، چې په پښتونخوا کې د پښتون ژغورنې غورځنګ مشر منظور پښتین د خپل حرکت په پیل کې په سر کړې وه.
دغه خولۍ د منظور پښتین په یو سمبول بدله شوه او اوس نه یوازې په پښتونخوا کې بلکې د افغانستان ترڅنګ په نړۍ کې پښتانه هغه د خپل ملاتړ څرګندولو په موخه کاروي.
