ټېلګراف: ښځو سره د طالبانو چلند یو "دیني عمل" نه دی، بلکې "بربریت" دی

دغې خپرونې د افغانستان د ملي مقاومت د جبهې د مسوولینو په حواله لیکلي، چې القاعده په ۲۰۲۴کال کې په افغانستان کې تر ۹ زیات نوي «ترهګریز» کمپونه جوړ کړي دي.

د مقاومت د جبهې د بهرنیو اړیکو مسوول علي میثم نظري فارن پالیسي ته وویل: «دا د نویو پوځیانو د روزنې مرکزونه دي. طالبانو القاعدې ته اجازه ورکړې، چې د پنجشیر د درې په زړه کې اډې او د مهماتو د ذخیره کولو ډیپوګان جوړ کړي.»

ښاغلي نظري د طالبانو دغه چلند یوه "نامعلومه" پېښه وبلله او ویې ویل، چې حتا القاعدې هم په ۱۹۹۰کال کې دا ډول کار ناشونی ګاڼه.

د طالبانو د مخالفې جبهې دغه چارواكي زياته كړه، وروسته له دې چې دغې ډلې په افغانستان كې بیا واک تر لاسه كړ، د تروريستي ډلو لكه القاعده، داعش، پاكستاني طالبانو او د ازبكستان د اسلامي غورځنګ شتون د اندازې او د نفوذ د پراختیا له اړخه زیات شوی دی.

په دې راپور کې ټینګار شوی، چې د افغانستان پولې د طالبانو له خوا نه دې ساتل شوي او له همدې امله له عربي هېوادونو، د منځنۍ اسیا له ګاونډیو او اروپا څخه بهرنیو وسله والو ته اجازه ورکړل شوې چې افغانستان ته دننه شي.

علي میثم نظري وویل، چې دا مهال په افغانستان کې ۲۱ ترهګرې ډلې فعالیت کوي.

ملګري ملتونه په دې باور دي، چې القاعده د افغانستان په لږ تر لږه ۱۰ ولایتونو کې روزنیز کمپونه لري.

طالبان په افغانستان کې د القاعدې شتون ردوي.

فارین پالیسي لیکي، د القاعدې مشر سیف العادل له بهرنیو وسله والو غوښتي چې افغانستان ته مهاجرت وکړي او پر لویدیځ د برید لپاره دې ځان چمتو کړي.

د افغانستان د بیارغونې لپاره ځانګړي مفتش هم د روان کال په جولای میاشت کې په یوه راپور کې وویل: «که څه هم طالبانو له داعش او ځینو نورو ډلو سره نښتې کړي او په نښه کړي یې دي، خو د القاعدې او پاکستاني طالبانو پر وړاندې یې له زغم څخه کار اخیستی.»

ښاغلي نظري دا هم زیاته کړه، چې افغانستان د پاتې شویو وسلو لپاره "پرانستې تور بازار" ګرځیدلی چې ډېری یې امریکایې دي.

فارن پالیسي د راپور له مخې؛ امریکایي چارواکي په دې اړه چې افغانستان تر کومې کچې د ترهګرو په ځاله بدل شوی شک لري.

د سي ای اې مرستیال ډېوېډ کوهن تېره اونۍ ویلي وو، چې اداره یې په افغانستان کې د تروریستي فعالیتونو د مخنیوي لپاره له طالبانو اړیکه کې دي.

د طالبانو د رییس الوزرا د اقتصادي مرستيال دفتر د سې شنبې په ورځ په يوې اعلاميه کې ويلي، چې دغه ليدنه د ازبکستان د ترمذ نړۍوال سوداګريز مرکز د پرانيستني مراسمو په څنډه کې شوې ده.

د طالبانو په اعلاميه کې راغلي، چې ملا برادر په دې ليدنه کې د دغه هېواد له خصوصي سکټور څخه غوښتي، چې په بېلابېلو برخو کې په افغانستان کې پانګونه وکړي.
په خبرپاڼه کې د اذربایجان د لومړي وزیر د مرستیال له خولې لیکل شوي، چې باکو تیار دی څو له افغانستان او د سیمې له هېوادونو سره د سوداګریزو اړیکو د پراختیا لپاره د «لاجوردو لاره» بیا فعاله کړي.
اعلاميه زياتوي، چې د اذربایجان لومړي وزیر ويلي، چې هېواد یې غواړي له افغانستان سره خپل صادرات او واردات زیات کړي او په افغانستان کې د صنعتي کارخونو جوړولو په برخه کې پانګونه وکړي.

طالبان وایي، چې په دې ليدنه کې اذربایجان د افغانستان د کانونو استخراج په برخه کې هم ليوالتيا ښودلې.

د طالبانو د رسیاست الوزرا اقتصادي مرستيال ملا برادر په مشرۍ يو پلاوی د پنجشنبې په ورځ د «ترمذ نړۍوال سوداګریز مرکز» د پرانیستې مراسمو کې د ګډون په موخه د ازبکستان هېواد ترمذ ښار ته تللی.

طالبانو په وروستیو کې د ایران په ګډون له ازبکستان سره د سوداګریزو راکړو ورکړو د زیاتېدا خبر ورکړی او ویلي یې دي، چې په دې سره به د افغانستان سوداګریزې اړیکې د سیمې هېوادونو سره لا پراخې او اقتصاد محوره شي.

د طالبانو د کورنیو چارو وزارت په یوه خبرپاڼه کې ویلي، چې په دغه برید کې د یوې ښځې په ګډون لږ تر لږه شپږ کسان وژل شوي او ۱۳ نور ټپیان دي.

بل خوا د طالبانو ځینو سرچینو ویلي، چې په چاودنه کې ۱۲ تنه وژل شوي دي.

داعش - خراسان ډلې بیا په دغه برید کې تر ۴۵ زیاتو طالبانو ته د مرګ ژوبلې اړولو ادعا کړې ده.

پېښه د دوشنبې په مازیګر هغه مهال رامنځته شوه، چې کارمندان د وتلو په حال کې وو.

د راپورونو له مخې؛ په وژل شویو کې یو شمېر د تېر حکومت ملکي کارکوونکي دي، چې د طالبانو په اداره کې یې هم کار کاوه.

په افغانستان کې د داعش - خراسان څانګې په کابل او د افغانستان په نورو برخو کې په ښوونځیو، روغتونونو، جوماتونو او د شیعه/ هزاره ګانو په سیمو کې د ډېرو پخوانیو بریدونو مسوولیت منلی دی.

که څه هم طالب چارواکو په وار - وار اعلان کړی، چې دوی په افغانستان کې د داعش حضور پای ته رسولی او دا ډله په افغانستان کې هېڅ فزیکی حضور نه لری؛ خو د دوشنبې ورځې برید وښوده چې داعش - خراسان اوس هم فعال دی او نسبتاً لوړه عملیاتي وړتیا لری.

د نړۍوالو سازمانونو له خوا د خپرو شویو راپورونو له مخې؛ داعش - خراسان یوه فعاله ډله ده، چې له افغانستانه بهر فعالیت کوي.

پاکستان په دې وروستیو کې د داعش ډلې د پیاوړتیا او بیا فعالېدا خبر هم ورکړی دی.

د طالبانو د زندانونو ادارې د سې شنبې په ورځ په يوې اعلاميه کې ويلي، چې د دوی مشر محمد یوسف مستري د افغانستان لپاره د سره صليب کمېټې د سرپرست مشر مارټن ډي بوير او د دې مرستندويه ادارې د زندانونو د فعاليتونو او همکاريو مشرې مارینا سره د ليدنې خبر ورکړی.

اعلاميه زياتوي، چې دواړو لوريو د همغږۍ، همکارۍ او مرستو پر زياتوالي خبرې کړې دي.

د طالبانو د زندانونو چارون د سمون ادارې د يکشنې په ورځ په کابل کې د يوه کنفرانس پر مهال ویلي وو، د لسګونو بهرنیو وګړو تر څنګ د هېواد په زندانونو کې شاوخوا ۱۱ زره بندیان لري، چې د دوی په خبره په بېلابېلو جرمونو نېول شوي دي.

د دوی د معلوماتو له مخې؛ په دې زندانیانو کې شاوخوا ۱۵۰ د بهرنیو هېوادونو وګړي د بېلابېلو جرمونو په تور نیول شوي او له دوی سره بندیان دي.

ویل کېږي په دې بندیانو کې زر ښځې او ۸۰۰ نور د کم عمر ماشومان هم شته دي.

په پاکستاني پاسپورت کې د هغه نوم نور جلال دی او دا پاسپورت یې په ۲۰۱۸ کال کې جوړ کړی دی، چې تر ۲۰۲۸ کال پورې اعتبار لري.

په پاکستاني پاسپورت کې د نوموړي د استوګنې ځای پېښور لېکل شوی دی.

د افغانستان انټرنشنل ـ پښتو موندنې ښه یي چې د طالبانو د عامې روغتیا وزیر پاکستانی پاسپورټ د نوموړي د پاکستاني شناختي کارت په اساس جوړ شوی دی او د شناختي کارت نمبر یې په پاسپورت کې هم درج شوی دی.

د طالبانو د عامې روغتیا وزیر نور جلال پاکستاني شناختي کارت په ۲۰۱۴ سال کې اخیستی او تر ۲۰۲۴ څلورمې میاشتې پورې د اعتبار وړ دی.

د نور جلال په پاکشتاني شناختي کارت کې پته شهید اباد ۲، شاهین مسلم ټاون پېښور لیکل شوی دی.

افغانستان انڼرنشنل ـ پښتو د طالبانو د عامې روغتیا وزیر نور جلال د محتده عربي امارتو وېزې کاپي هم ترلاسه کړې ده.

نوموړی په همدې پاکستاني پاسپورت په ۲۰۲۰ کال کې دغه عربي هېواد ته سفر کړی دی.

ښاغلی نور جلال جلالي ته په وېزه کې د دندې په ځای کې سوداګر لیکل شوی دی.

د طالبانو تر واک لاندې د افغانستان د عامې روغتیا وزارت په رسمي وېپ پاڼه کې د عامې روغتیا وزیر نور جلال جلالي ژوند لیک نشته.

ښاغلی جلالي تر دې مخکې د کورنیو چازو وزارت معین و.

د طالبانو مشر ملا هبت الله په تېره جوزا کې نور جلال جلالي د قلندر عباد پرځای د روغتیا وزیر وټاکه.

د طالبانو له اوسنیو چارواکو سره د پاکستاني پاسيورټونو لرل کومه نوې خبره نه ده.

د ۲۰۲۳ کال د ډیسمبر لومړیو کې د دوو مشهورو پاکستاني ژورنالیستانو، اعزاز سعید او عمر چیمه څرګنده کړې وه، چې د پاکستان حکومت له حقاني سره په همغږۍ د هغه پاکستانی پاسپورت باطل کړی دی.

د راپورونو له مخې د پاکستان حکومت دوه پاکستاني چارواکي چې ویل کیږي د ښاغلي حقاني د پاسپورت په صادرولو کې یې لاس درلود نیولي دي.

د طالبانو ډېری مشرانو له افغان حکومت سره د جګړې پر مهال د پاکستاني پاسپورت په کارولو سره سفر کاوه.

په ۲۰۱۶ کال کې د پاکستان په بلوچستان کې په یو هوايي برید کې د طالبانو پخواني مشر ملا اختر محمد منصور وژل کېدو وروسته څرګنده شوه، چې هغه هم پاکستاني شناختي کارت او پاسپورټ درلود او په دې اسنادو یې له پاکستانه بهرنیو هېوادونه سفرونه کول.