د حوثي جنګلیالیو توغندي د لومړي ځل لپاره مرکزي اسراییل په نښه کړی، خو زیان یې نه دی اړولی

د خیبرپښتونخوا خیبر درې له باړې څخه ځايي سرچینو افغانستان انټرنشنل پښتو ته نن یکشنبه د (وږي ۲۵مه) وويل چې زرګونو لاریون کوونکو د باړې بازار تړلی او هلته یې د امن په نوم لاریون کې ګډون کړی.

دغه لاریون کوونکي وايي، چې حکومت دې د دوی په سیمو کې د امن راوستلو مسوولیت په سم ډول پر ځای کړي.

له سیمې خبریالان وايي، چې پولیس هڅه کوي چې د لاریون د لا پراخېدو مخه ونیسي خو وايي، دغه لاریون ته نور خلک هم د ګډون لپاره ور روان دي.

پولیس وايي، لاریون د خلکو حق دی خو د تاوتریخوالي پر مهال به یې مخه ونیسي.

ازاد خبریال لال وزیر وايي، د امن په دغه لاریون کې د خيبر درې، شلمان، ميدان، لنډيکوتل، جمرود او داسې نورو سېمو اوسېدونکو ګډون کړی.

هغه وايي لاریون کوونکو ورته ویلي، چې د امن په دغه لاریون او احتجاج به د خلکو شمېر نور هم ډیر شي.

په دې وروستيو کې د خيبر ترڅنګ باجوړ، مومندو، کورمې، بنو، لکي مروت، ميران شاه، ټانک، انګور اډه او ځینو نورو سیمو کې د امن د راستلو لپاره لاریونونه او پرلتونه پیل شوي چې د ولسي خلکو ترڅنګ پوليسو هم د امن راستلو غوښتنې کړې دي.

په لکي مروت، بنو او باجوړ کې پولیسو د امن راوستلو لپاره کاري اعتصاب کړی وو او ويل یې چې پاکستانی پوځ دې د دوی له سیمو ووځي، خو وروسته د قومي مشرانو او پوځ ځينې چارواکو په منځګړیتوب پرته د پایلې له څرګندتیا پای ته ورسیدل.

د خیبرپښتونخوا په ډیرو سیمو کې دا مهال امنیت ورځ تر بلې خرابیږي او د سیمې خلک وايي، چې په هدفي وژنو، سړک غاړې بمي چاودنو او جګړو کې یې د کورنۍ غړي وژل کیږي او حکومت یې په وړاندې چوپه خوله دی.

د تایوروس کروز توغندي چې شاوخوا د ۵۰۰ کیلومتره واټن ویشتلو سره کولی شي په مسکو کې د اوکراین هدفونه په نښه کړي.

شولتس ټینګار وکړ: «ما دغې غوښتنې ته نه وویل.»

نوموړي زیاته کړه، چې دغه دریځ د نورو وسلو لپاره چې کولی شي دې واټن ته ورسیږي هم بسنه کوي.

د جرمني لومړي وزیر ویلي، پرته له دې چې نور هېوادونه څه پرېکړه کوي، جرمني به اوکراین ته دا ډول وسلې ور نه کړي.

د اوکراين ولسمشر په وار وار له خپلو لوېديځو ملګرو غوښتي، چې دغه هېواد ته د روسيې پر لوژیستيکي بنسټونو او پوځي هوايي ډګرونو د بريدونو لپاره د لېرې واټن ويشتونکي وسلې ورکړي.

هغه زیاته کړه: «د نړۍ ټول مسلمانان باید سره متحد شي او په داسې وخت کې باید د غزې له خلکو تر څنګ ودریږو.»

د حماس د سیاسي دفتر مشر اسماعیل هنیه (د جولای په ۳۱مه) په تهران کې د اسراییل په یو پیچیلي برید کې ووژل شو. د برید د څرنګوالي په اړه بیلابیل رپوټونه خپاره شوي و او اسراییل په رسمي توګه د دغه برید مسوولیت پر غاړه نه دی اخیستی.

د اسلامي همکاریو سازمان په یوه ګډه اعلامیه کې اسراییل د اسماعیل هنیه د وژنې مسوول بللی و.
ایراني چارواکو په کراتو ویلي، چې د دغه برید غچ به اخلي خو تر اوسه یې کوم عملي اقدام نه دی کړی.

دا به د اکټوبر په ۷مه پر اسراییل د حماس له برید راهیسې، د نتانیاهو د ګوند د محبوبیت تر ټولو لوړه کچه وي.

د معاریو ورځپاڼې له خوا د جمعې په ورځ ( د وږي ۲۳مه) د خپرې شوې ټول پوښتنې پایلې ښیي، که ټاکنې ترسره شي د لیکوډ ګوند کولای شي په پارلمان کې ۲۴ څوکۍ ترلاسه.
په عین حال کې، لیکود ګوند اوس مهال په کنسټ (اسراییلو پارلمان) کې ۳۲ څوکۍ لري.
د همدې ورځپاڼې سروې د ۱۴۰۲ کال د تلې میاشتې کې د اکتوبر له اوومې نېټې بریدونو لږ وروسته د تلې ۱۵مه څرګنده کړې وه چې ۸۰ سلنه اسراییلیان په دې باور دي چې نتانیاهو باید د هغو ناکامیو مسوولیت ومني چې د حماس د حملې لامل شوي.
رویټرز خبري اژانس د معاریو له قوله راپور ورکړی چې دا پایلې ښیې چې د بني ګانتس په مشرۍ د ملي یووالي ګوند چې یو معتدل ګوند دی، د ټاکنو په صورت کې به په کنسټ کې ۲۱ څوکۍ وګټي.

سروې دا هم ښیي چې د نتانیاهو د ښي اړخه ایتلاف چې له ملتپالو، مذهبي او ارتودوکس ګوندونو څخه جوړ دی، د ټاکنو په صورت کې، د اسراییل د پارلمان له ۱۲۰ څوکیو، ۵۳ څوکۍ ګټلی شي.
دا په داسې حال کې ده، چې د نتانیاهو اپوزیسیون کولای شي ۵۸ څوکۍ وګټي.
د رویټرز په وینا، د دې نظرپوښتنې پایلې ښيي، چې نتانیاهو د حماس د بریدونو په وخت کې د امنیت په برخه کې د ناکامۍ له امله د خلکو له غصې سربیره، د تېر کال راهیسې خپل دریځ پیاوړی کړی دی.
د غزې د جګړې له پیل راهیسې، په منظمه توګه ټول پوښتنو ښودلې، چې د ټاکنو د کیدو به صورت کې د لیکود ګوند به ونه شي کولی په پارلمان کې له ۱۶ څخه تر ۱۸ پورې څوکۍ وګټي.
نوې سروې ښيي چې د لومړي وزیر په توګه د نتانیاهو شخصي دریځ ښه شوی دی.

د اسراییل راتلونکي پارلماني ټاکنې به په ۲۰۲۶ میلادي کال کې ترسره شي.

د روغتیا نړۍوال سازمان وايي، چې د اسراییل او حماس جګړې د غزې روغتیایي سیسټم ویجاړ کړی او د ۳۶ روغتونونو څخه یوازې ۱۷ یې اوس مهال په جزوي توګه فعالیت کوي.

د غزې څخه مصر ته د ناروغانو لېږد لپاره د رفح لویه لاره د می له میاشتې راهیسې د اسراییل د بریدونو له امله تړل شوې ده.

د فلسطین د اشغال شوې سیمې لپاره د روغتیا نړۍوال سازمان استازي ریچارډ پیپرکورن د چهارشنبه په ورځ د ناروغانو د لېږد د عملیاتو په اړه خبریالانو ته وویل: "دا د ۲۰۲۳ کال له اکټوبر راهیسې له غزې څخه د ناروغانو د ایستلو تر ټولو لوی عملیات وو."

هغه وويل، چې په ناروغانو کې هغه کسان شامل دي چې د سرطان د وينې او پښتورګو په ناروغيو اخته دي.

دوی د اسراییل د رامون هوایي ډګر څخه ایستل شوي.

هغه وویل: "غزه طبي دهلیزونو ته اړتیا لري. موږ یو ښه منظم او دوامدار سیسټم ته اړتیا لرو چې د ۱۰ زرو څخه ډیر ناروغان له غزې څخه اوباسو."

پیپرکورن دا هم وویل، چې په غزه کې تر ۵۰۰ زرو ډېر ماشومان اوس د پولیو د کمپاین په لومړي پړاو کې واکسین شوي، چې ټاکل شوې د پنجشنبې په ورځ په شمالي غزه کې دا کمپاین پای ته ورسیږي.

په غزه کې په ۲۵ کلونو کې د دغې ناروغۍ لومړۍ پېښه تېره میاشت راڅرګنده شوه.

هغه وويل: "موږ د پوليو له دغه کمپاين څخه خوښ يو او په دې هم پوره ډاډه يو، چې په دې لنډ وخت کې مو د ماشومانو زيات شمېر واکسین کړي دي. موږ ډاډه يو چې موږ ٩٠٪ هدف ترلاسه کړی دی."

د روغتیا نړۍوال سازمان وايي، چې د غزې په جګړه کې ټپي شویو ۲۲ زره ۵۰۰ فلسطینیانو خپل د بدن غړي له لاسه ورکړي.