حنا رباني کهر: له طالبانو سره د علي امین ګنډاپور مخامخ خبرې «احمقانه» دي

د طالبانو تر واک لاندې د تخنیکي او مسلکي زده‌کړو ادارې چارواکو د خپلو کلنیو لاسته راوړونو په اړه د معلوماتو شریکولو په پروګرام کې وویل، چې دمګړۍ په دغې اداره کې ۳۵ زره طالب جنګیالي د اداري او مدیریت په برخو کې په زده‌کړو بوخت دي.

د طالبانو تر واک لاندې د تخنیکي او مسکلي زده‌کړو ادارې سرپرست مشر غلام حیدر شهامت وویل: «د روسانو پر مهال د مجاهدینو د انقلاب د ناکامۍ لامل له نظام څخه د مجاهدینو لرې والی وو، ځکه چې لوړې زده‌کړې او کاري تجربه یې نه لرله، داځل د تیرې ترخې تجربې د تکرارېدو د مخنیوي په موخه په ټول هېواد کې ۳۵ زره مجاهدین په ادارې او مدیریت برخو کې په زده‌کړو بوخت دي.»

نوموړی وایي، ډیری طالب جنګیالي یې د دوی د درسي سویې سره سم د ښوونځي په نهم او ۱۲م ټولګیو کې شامل کړي.

ښاغلی شهامت وايي، په تېر یو کال کې یې په دغې اداره کې شاوخوا ۸۰ زره زده‌کوونکي او زده‌کړیالان جذب کړي او همدارنګه تر ۲۰ زره ډیر د مسلکي او تخنیکي زده‌کړو له مرکزونو څخه فارغ شوي دي.

د طالبانو د تخنیکي او مسلکي زده‌کړو ادارې چارواکي په داسې حال کې ۳۵ زرو طالب جنګلیالیو ته د ادارې او مدیریت په برخو کې د زده‌کړو خبر ورکوي، چې دغې ډلې له نږدې ټولو مسلکي او تخنیکي ادارو څخه مسکلي او وړ کسان له دندو ګوښه کړي او پر ځای یې د جوماتونو ملایان او قاریان په دندو ګمارلي دي.

د خیبرپښتونخوا خیبر درې له باړې څخه ځايي سرچینو افغانستان انټرنشنل پښتو ته نن یکشنبه د (وږي ۲۵مه) وويل چې زرګونو لاریون کوونکو د باړې بازار تړلی او هلته یې د امن په نوم لاریون کې ګډون کړی.

دغه لاریون کوونکي وايي، چې حکومت دې د دوی په سیمو کې د امن راوستلو مسوولیت په سم ډول پر ځای کړي.

له سیمې خبریالان وايي، چې پولیس هڅه کوي چې د لاریون د لا پراخېدو مخه ونیسي خو وايي، دغه لاریون ته نور خلک هم د ګډون لپاره ور روان دي.

پولیس وايي، لاریون د خلکو حق دی خو د تاوتریخوالي پر مهال به یې مخه ونیسي.

ازاد خبریال لال وزیر وايي، د امن په دغه لاریون کې د خيبر درې، شلمان، ميدان، لنډيکوتل، جمرود او داسې نورو سېمو اوسېدونکو ګډون کړی.

هغه وايي لاریون کوونکو ورته ویلي، چې د امن په دغه لاریون او احتجاج به د خلکو شمېر نور هم ډیر شي.

په دې وروستيو کې د خيبر ترڅنګ باجوړ، مومندو، کورمې، بنو، لکي مروت، ميران شاه، ټانک، انګور اډه او ځینو نورو سیمو کې د امن د راستلو لپاره لاریونونه او پرلتونه پیل شوي چې د ولسي خلکو ترڅنګ پوليسو هم د امن راستلو غوښتنې کړې دي.

په لکي مروت، بنو او باجوړ کې پولیسو د امن راوستلو لپاره کاري اعتصاب کړی وو او ويل یې چې پاکستانی پوځ دې د دوی له سیمو ووځي، خو وروسته د قومي مشرانو او پوځ ځينې چارواکو په منځګړیتوب پرته د پایلې له څرګندتیا پای ته ورسیدل.

د خیبرپښتونخوا په ډیرو سیمو کې دا مهال امنیت ورځ تر بلې خرابیږي او د سیمې خلک وايي، چې په هدفي وژنو، سړک غاړې بمي چاودنو او جګړو کې یې د کورنۍ غړي وژل کیږي او حکومت یې په وړاندې چوپه خوله دی.

په دغه راپور کې چې د وږي میاشتې په ۲۴ نیټه خپور شو، ویل شوي، چې دغه تګلاره د ایران پارلمان له عملي کیدو وروسته د ایران اړوندو ادارو ته واکونه په لاس ورکوي.

ابراهیم عزیزي صدا او سیما خبري اژانس ته وویل: «میلمه پالنه خپل حد لري. هغه کډوال چې اسناد نه لري باید له هیواد څخه د وتلو په نوي امنیتي پلان کې همکاري وکړي او بهرني وګړي چې اسناد نه لري له ردولو وروسته باید دغه هیواد پرېږدي او که نه په وړاندې به یې سخت ګامونه واخیستل شي.»

د ایران د پوځ لوی درستیز احمدرضا رادان پنځه ورځې مخکې ویلي و، چې د روان کال تر پایه به شاوخوا دوه میلیونه ناقانونه بهرنیان له ایرانه وایستل شي.

احمدرضا رادان وویل په ایران کې د ناقانونه بهرنیانو شمېر ټاکل شوی او د ایران د کورنیو چارو وزارت به یې په رسمي توګه اعلان کړي.

ایرانپه دې وروستیو کې له اسنادو پرته د کډوالو د تنظیم او شړلو په نوم پراخ پروګرامونه په ترلاس لاندې نیولي دي.

په ورته وخت کې د افغانستان د ناوړه ټولنيزو، امنيتي او بشري حقونو د وضعيت له امله ډېرى خلک هڅه کوي چې له دغه هېواده ووځي او د کډوالۍ لاره خپله کړي.

خو ایران او پاکستان هره اونۍ زرګونه افغان کډوال نیسي او په زوره یې افغانستان ته ستنوي.

د افغانستان لپاره ‏د ملګرو ملتونو د کډوالو عالي کمیشنرۍ نن یکشنبه د (وږي ۲۵مه) په ایکس پاڼه پرته له دې چې شمېر یې یاد کړي لیکلي، چې په بامیان ولایت کې یې د ښځو دویمه ډله یې د قابله‌ګۍ په روزنیز پروګرام کې روزلې او په بریالیتوب فارغه کړې.

د ملګرو ملتونو د وګړو صندوق د روانې وږي میاشتې په سر کې ویلي و، چې افغانستان ۱۸ زره قابلو ته سملاسي اړتیا لري.

دغه صندوق خبرداری ورکړی و، چې که دغه اړتیا پوره نه شي د ډېرو ښځو ژوند به له ګواښ سره مخ شي.

د نړۍوالو روغتیايي سازمانونو د راپورونو له مخې، افغانستان د نړۍ له هغو هېوادونو دی چې د میندارو مېرمنو د مړینې تر ټولو لوړې شمېرې لري.

د ملګرو ملتونو د نفوسو صندوق په راپور کې راغلي، چې افغانستان د نړۍ له هغو هېوادونو دی چې د میندارو مېرمنو د مړینې تر ټولو لوړې شمېرې لري چې وايي، په افغانستان کې هر یو ساعت یوه ښځه د مینداورۍ د ستونزو او یا هم د زېږون پرمهال ژوند له لاسه ورکوي.

ددې صندوق په خبره، په کارپوه قابلې کولی شي، چې تر ډېره پورې د مړینې مخه ونیسي.

د ملګرو ملتونو د ماشومانو صندوق بیا راپور ورکوي، چې په هرو ۱۰۰ زرو زېږېدنو کې ۶۳۸ میندې د مینداورۍ پرمهال ژوند له لاسه ورکوي او لامل یې هم بېوزلي، روغتیایي خدمتونو ته کم لاسرسی او جنسیتي توپیر دی.

په میدان وردګ ولایت د طالبانو د اطلاعات او کلتور ریاست په یوه خبرپاڼه کې د دغه ولایت د طالبانو د امنیه قوماندانۍ ویاند یوسف اسرار له قوله ویلي، چې نن یکشنبه د (وږي ۲۵مه) د میدان ښار د تورو تیږو په سیمه کې د سورلۍ د یوه موټر او باروړونکي لارۍ د ټکر له امله د یوې کورنۍ درې غړي مړه او درې تنه نور ټپیان شوي.

په خبرپاڼه کې ویل شوي، چې په مړه شویو کسانو کې د یوې کورنۍ (پلار، مور او لور) شامل دي او د دغه کورنۍ درې تنه نور ټپي غړي د میدان ښار روغتون وړل شوي دي.

همدارنګه په فراه ولایت کې سیمه ییزو طالب چارواکو خبر وکړی، چې تېره ورځ د دغه ولایت د بالابلوک ولسوالۍ د کنسک په سیمه کې د سورلۍ یوه موټر د اوښتو له امله دوه تنه مړه شوي او شپږ تنه نور ټپیان شوي دي.

په دې ورستیو کې د افغانستان په بېلابېلو ولایتونو کې ټرافيکي پېښې خورا ډیرې شوې، چې لاملونهیې د چلوونکو بې احتیاطي، د چپ لاس موټر، ټرافیکي اصولو ته نه پاملرنه او د سړکونو خرابولی ښودل کیږي.