میدان وردګ او فراه ولایتونو کې په دوو ټرافیکي پېښو کې پنځه تنه مړه او نهه تنه ټپیان شوي

د پاکستان پخواني لومړي وزیر ټینګار کړی، چې له طالبانو سره د اړیکو ښه کول د ترهګرۍ د مخنیوي لپاره اړین دي.

نوموړي د جمعې په ورځ يې په زندان کې خبريالانو ته وويل، چې د ده د واکمنۍ پر مهال په پاکستان کې تر ټولو کمې ترهګريزې پېښې شوې دي.

تر دې مخکې د پاکستان د دفاع وزیر خواجه اصف د خیبرپښتونخوا پر سر وزیر علي‌امین ګنډاپور له طالبانو سره د مخامخ خبرو وړاندیز په اړه نیوکه کړې وه.

خو عمران خان ویلي، چې پاکستاني چارواکي باید له علي‌امین ګنډاپور وغواړي چې له طالبانو سره خبرې وکړي او له هغه څخه منندوی و اوسي.

علي امین ګنډاپور د عمران خان په مشری د تحریک انصاف ګوند غړی دی.

د خیبرپښتونخوا سر وزیر ګنډاپور د پنجشنبې په ورځ له اسلام اباده وغوښتل چې په دغه ایالت کې د امنیت په اړه له افغان طالبانو سره د خبرو اجازه ورکړي.

عمران خان وايي، چې خېبرپښتونخوا صوبه ترهګرۍ سخته ځپلې ده او باید په مخامخ خبرو اترو کې رول ولري.

نوموړي وويل: «خېبرپښتونخوا له کلونو راهیسې د ترهګرۍ بار په غاړه وړي او بې شمېره پوليسو یې خپل ژوند له لاسه ورکړی دی.»

د تحریک انصاف مشر د پاکستان د بهرنیو چارو پر پخواني وزیر بلاول بوټو زرداري نیوکه وکړه چې د بهرنیو چارو د وزیر په توګه «هېڅکله افغانستان ته نه دی تللی.»

عمران خان د پاکستان پر حکومت غږ وکړ، چې د هر هغه چا ملاتړ وکړي چې د دې ګواښ د له منځه وړلو هڅه کوي، نوموړي وویل، چې د ګنډاپور هدف «د حکومت پلويتوب دی، نه د حکومت پر ضد.»

د بشري حقونو دغه سازمان د شنبې په ورځ پر هزاره ګانو د قصدي بریدونو د عاملانو د ژر تر ژره محاکمې غوښتنه وکړه.

دغه سازمان وايي، له ۲۰۱۵ کال راهیسې په افغانستان کې هزاره ګان په عبادت ځایونو، ښوونځيو، روغتونونو، سړکونه او نورو عامه ځایونه کې په نښه شوي دي.

د بښنې نړۍوال سازمان ټینګار کړی چې د دغه برید عاملان باید ژر تر ژره د عدالت منګولو ته وسپارل شي. دغه سازمان د هزاره ټولنې د نور زیان څخه د ساتنې لپاره د ګامونو پورته کېدو غوښتنه هم وکړه.

د دغه سازمان په خبرپاڼه کې راغلي چې په دايکنډي کې پر هزاره ولسي وګړو وروستی برید په افغانستان کې د سزا ورکړې د معافيت د دوام ښودنه کوي.

د بښنې نړۍوال سازمان پر نړیوالې ټولنې غږ کړی چې په افغانستان کې د نړۍوالو قوانینو له مخې له بشري حقونو او جرمونو د پراخې او سیستماټیکې سرغړونې د مخنیوي لپاره د یوه خپلواک نړۍوال میکانیزم د رامنځته کولو لپاره کار وکړي.

داعش خراسان د پنجشنبې په ورځ په دایکنډي کې ۱۴ هزاره ولسي وګړي په ډزو ووژل. دغه برید په نړۍواله کچه له پراخو غبرګونونو سره مخ شو.

په کراچۍ د طالبانو کونسل عبدالجبار تخاري وايي، تېره ‍ورځ د ماشومان په ګډون ۴۴ افغان بندیان د سند ایالت له بېلاېلو زندانو څخه راخوشې او افغانستان ته واستول.

نوموړی وايي، د سند ایالت له زندانونو راخوشې شويو بندیانو په ډله کې ۲۱ تنه زده‌کوونکي شامل دي.

په کراچۍ کې د طالبانو کونسلګرۍ د وږي ۱۵مه د یوې خبرپاڼې په خپرولو سره ویلي و، چې په سند ایالت کې د ۲۱ تنه افغان ماشومان چې د یوې دیني مدرسې زده‌کوونکي دي په پاکستان کې د اوسیدونو د قانوني اسنادو د نه لرلو له امله بندیان وو.

ښاغلی تخاري وايي، د سند ایالت په زندانونو له ۱۵ څخه تر شلو پورې نور افغانان هم بندیان دي او دوی هڅه کوي، چې هغوی هم راخوشې او خپل هېواد ته واستوي.

په کراچۍ کې د طالبانو کونسل د پاکستان له حکومت څخه غوښتنه کوي؛ هغه افغانان چې په پاکستان کې د اوسیدو قانوني اسنادو د نه لرلو له امله نیول کیږي، هغوی دې زندانونو ته نه استول کیږي.

سیمه ییزو سرچینو افغانستان انټرنشنل ته ویلي، چې د غور او دایکنډي ولایتونو ترمنځ د قرودال په کلي کې د ناپېژاندو وسله والو په برید کې ۱۴ هزاره ولسي وګړي وژل شوي او څلور نور ټپیان دي.
د سیمې د خلکو په وینا قربانیان ټول هغه نارینه دي چې غور ولایت ته د اربعین زیارت کوونکو د هرکلي لپاره تللي وو.

داعش ډلې د پنجشنبې په ورځ په یوه بیان کې د دغه برید مسوولیت منلی او ویلي یې دي چې ۱۴ ملکي وګړي په کې وژل شوي او شپږ نور ټپیان دي.

رحمت الله نبیل د شنبې په ورځ په دایکنډي کې پر هزاره ګانو د برید په تړاو په خپله ایکس پاڼه کې خبر خپور کړ او ویې ویل، چې «هزاره ګان د تاریخ په اوږدو کې د خپل قوم او مذهب له امله له پلان شوي تبعیض او پراخ ظلم سره مخ شوي دي.»

هغه د نورو توکمونو، په ځانګړې توګه د ازبکو او ترکمنانو پر وړاندې د توپیري چلند یادونه هم وکړه او ویې ویل «موږ باید پرېنږدو چې ریښتیا پټ شياو یا کم و زیات شي.»

د بشري حقونو د څار سازمان وړاندې ویلي وو، چې د طالبانو له واک ته رسېدو راهیسې داعش د هزاره ګانو پر ضد د لږ تر لږه ۱۷ بریدونو مسوولیت منلی، چې تر ۷۰۰ ډېر کسان یې وژلي او ټپیان کړي دي.

د طالبانو تر واک لاندې افغانستان کې د هزاره ګانو هدفي وژنې د «هزاره نسل وژنې» د پیژندلو لپاره نړۍوالې هڅې ګړندۍ کړې دي.
تر دې مخکې د امریکا د مدافع وکیلانو ټولنې یو پرېکړه لیک تصویب کړ چې له هېوادونو یې وغوښتل چې په افغانستان کې د «هزاره نسل وژنه» په رسمیت وپېژني.

د بشري حقونو د څار سازمان څېړونکي باري په خپله یوه مقاله کې لیکلي، چې طالبانو د تېر حکومت په څېر د هزاره ګانو او د ټولنې د نورو زیانمنونکو طبقو د ساتنې لپاره لازم ګامونه نه دي کړي.

د دې مجلې په وینا، د مرستو د بندیو یا کمیدو په حال کې به په افغانستان کې د بې وزلۍ کچه پراخه شي او د هېواد کمزوری اقتصاد به له سقوط سره مخ شي.

ډیپلوماټ مجلې د شنبې په ورځ (د وږي ۲۴مه) په یوې مقاله کې لیکلي: «د امریکا او نورو مرستندویه هېوادونو لومړیتوبونه ښايي افغانستان ته د بشري مرستو د دوام په برخه کې بدل شي.

ډیپلوماټ مجله وايي، له افغانستان سره د امریکا متحده ایالاتو په اونۍ کې شاوخوا ۴۰ میلیونو ډالره مرسته د افغانیو د ارزښت په ساتلو کې مثبته اغېزه لري او د میلیونونو اړمنو کسانو ملاتړ کوي.

د طالبانو اداره تر نړۍوالو بندیزونو لاندې ده او یوازې د ملګرو ملتونو له لارې افغانستان ته بشري مرستې د نغدو پیسو په بڼه لېږدول کېږي.

د ځینو راپورونو له مخې، طالبان د دغو مرستو په وېش کې لاسوهنه کوي او ترې ګټه اخلي.

د امریکا د استازو د جرګې غړي ټیم بورچت تر دې مخکې ویلي و، چې د بایډن اداره له افغانستانه د وتلو راهیسې هره اونۍ طالبانو ته نغدې پیسې استوي. د بورچټ ټیم ویلي، چې "ترهګر" پیسې په افغانیو بدلوي او ویشي یې او دا چې یوه اندازه پیسې حقاني شبکې ته ځي.

خو ملګرو ملتونو په پرله پسې ډول په وروستي یوه کال کې د مرستو د کمولو اعلان کړی دی.

افغانستان له پراخې بې وزلۍ او بېکارۍ سره مخ دی او مرستندویه سازمانونو د طالبانو تر واک لاندې افغانستان کې د یو بشري ناورین خبرداری ورکړی دی.

ډیپلوماټ مجلې په افغانستان کې د ملګرو ملتونو د بشري مرستو د همغږۍ د دفتر (اوچا) وروستي راپور ته په اشارې سره لیکلي، چې سږ کال په افغانستان کې شاوخوا ۲۳،۷میلیونه خلک بشري مرستو ته اړتیا لري.

د ډیپلوماټ مجلې په مقاله کې راغلي، چې د نومبر په میاشت کې د امریکا انتخابات ښايي له افغانستان سره د مرستو په اړه سیاسي نظر بدل کړي او په نتیجه کې به یې کابل ته د ډالرو لېږل بند شي.

په دې لیکنه کې طالبانو ته په افغانستان کې د اقتصادي بحران د مخنیوي لپاره ځینې حل لارې وړاندیز شوې دي.

ډیپلوماټ مجلې طالبانو ته وړاندیز کړی، چې په لومړي ګام کې دې په راتلونکي کال کې د نړۍوالو مرستو د احتمالي بندیدو له امله د اوښتو احتمالي زیانونو اټکل وکړي او د خلکو د ژوند د ښه کولو او د خلکو د اړتیاوو د پوره کولو لپاره بدیلې لارې په ګوته کړي.

دغه مجله وايي، چې د لويو پراختيايي پروژو تر څنګ وړې پروژې هم کولاى شي په سيمه ييزه کچه کار پیدا کړي او ملي اقتصاد سره مرسته وکړي.

دغې مجلې د خصوصي سکټور پياوړتيا د افغانستان د اقتصادي بيارغونې لپاره دويمه مهمه ستراتيژي ګڼلې او زياته کړې يې ده، چې د پراختیا په حال کې یو فعال خصوصي سکټور

کولې شي د پانګونې، مصرف، د کار پيدا کولو او خالص صادراتو په برخه کې د پام وړ زياتوالى راولي.

دغې مجلې ویلي، پراختیايي بودجه مهمه ده او په دې بودجه کې باید د هېواد په کچه بېلابېلې پروژې او پروګرامونه شامل وي.

د پراختیایي بودیجې پیاوړتیا له یوې خوا د کار زمینه برابروي، د خلکو عاید زیاتوي او له بلې خوا به په راتلونکي کې د دولت لپاره ثابت عاید برابر کړي.

دې مجلې ټینګار کړی، چې له طبیعي منابعو او نورو عوایدو ټول عاید باید په ساختماني بودیجې ولګول شي.

ډیپلوماټ مجله د اوبو مدیریت د افغانستان د کرنې له اړخه یو مهم او مثبت ګام ګڼي او د لویو بندونو او زیرمو پر جوړولو هم ټینګار کوي.

د کرنې د پراختیا ترڅنګ د صنعت وده هم د ډیپلومات مجلې له خوا طالبانو ته وړاندیز شوې یوه بله حل لاره ده، چې د سوداګرۍ وضعیت به ښه کړي، د لوړ ارزښت لرونکي محصولات تولید او صادرات به زیات کړي.