د لبنان روغتیا وزارت: پر لبنان د اسراییل بریدونو نږدې ۵۰۰ کسان وژلي دي
د لبنان روغتیا وزارت وايي، د دوشنبې په ورځ پر لبنان د اسراییل په هوايي بریدونو کې د ۳۵ ماشومانو په ګډون لږ تر لږه ۴۹۲ کسان وژل شوي دي.
د لبنان روغتیا وزارت وايي، د دوشنبې په ورځ پر لبنان د اسراییل په هوايي بریدونو کې د ۳۵ ماشومانو په ګډون لږ تر لږه ۴۹۲ کسان وژل شوي دي.
د لبنان د روغتیا وزارت ویلي، چې په دغو بریدونو کې د ۳۵ ماشومانو او ۵۸ ښځو په ګډون ۴۹۲ کسان وژل شوي او ۱۶۴۵ نور ټپیان شوي دي.
د روغتیا وزیر فراس ابیاد وویل، زرګونه کورنۍ بې ځایه شوي هم دي.
اسراییل ادعا کړې، چې د حزب الله لوی شمېر جنګیالي یې په دغو بریدونو کې وژلي دي.
د راپورونو له مخې، اسراییل په سویلي او ختیځ لبنان کې شاوخوا ۱۶۰۰ ځایونه په نښه کړي دي.
له بل پلوه د عراق لومړي وزیر محمد شیعه السوداني د لبنان د کړکېچ په اړه د ملګرو ملتونو د عمومي غونډې په څنډه کې د عربي مشرانو د بړنۍ غونډې غوښتنه وکړه.
امریکا بیا وایي، له تېرو څو ورځو راهیسې د اسراییل او لبنان د جکړې د ختمولو لپاره د ډیپلوماټیکو حل لارو په لټه کې ده.
له بل پلوه د ایران ولسمشر مسعود پزشکیان بیا وایي، چې اسراییل په منځني ختیځ کې د یوې پراخې جګړې په لټه کې دی.
