ګوتریش: طالبان له قوانیو څخه په سیستماتیک ډول د ښځو او نجونو د ځورونې لپاره کار اخلي
د ملګرو ملتونو سرمنشي انټونیو ګوتریش د عمومي غونډې په پیل کې وویل، چې طالبان په افغانستان کې له قوانیو څخه په سیستماتیک ډول د ښځو او نجونو د ځورونې لپاره کار اخلي.
د ملګرو ملتونو سرمنشي انټونیو ګوتریش د عمومي غونډې په پیل کې وویل، چې طالبان په افغانستان کې له قوانیو څخه په سیستماتیک ډول د ښځو او نجونو د ځورونې لپاره کار اخلي.
ګوتریش خواشینې څرګنده کړه، چې له کلونو خبرو اترو وروسته هم په افغانستان کې جنسیتي نابرابري موجوده ده.
هغه زیاته کړه: "په دغه تالار کې چې موږ یو له لس سلنه څخه لږې ښځې په ویناوالو کې دي او دا د منلو وړ نه ده."
ښاغلي ګوترېش په منځني ختیځ کې د جګړې د پراخېدو خطر ته په اشارې سره د دغې جګړې د بندېدو جدي غوښتنه هم وکړه.
انتونیو ګوتریش وویل: "لبنان د جګړې په درشل کې دی. د لبنان، اسراییل او د نړۍ خلک نه شي کولی لبنان په بله یوې بلې غزې بدل کړي."
همدا راز، ګوتریش وویل، چې د قدرت او اټومي وسلو نمایش پر نړۍ سیوري اچوي.
ګوتریش زیاته کړه، چې حکومتونه نړۍوال قوانین او د ملګرو ملتونو منشور تر پښو لاندې کوي او فکر کوي چې هر څه کولی شي.
په اوکراین، غزې، لبنان او سوډان کې جګړو ته په اشارې سره ښاغلي ګوتریش وویل، چې ځیني حکومتونه او نورې ډلې احساس کوي چې د « ازاد کارت ترلاسه کولو » مستحق دي او هر څه چې یې زړه وغواړي ترسره کولی یې شي.
ګوتریش زیاته کړه، چې د دغه واک مثالونه په منځني ختيځ، اروپا او ټوله نړۍ کې ليدل کيږي. هغه وویل، چې مونږ په غزه کې د "نه ختمیدونکي خوب" شاهدان یوو او خبرداری یې ورکړ، چې لبنان د سقوط په درشل کې دی.
هغه د ملګرو ملتونو په عمومي غونډه کې د نړۍ مشرانو ته په خطاب کې وویل: «دوی کولی شي نړۍوال قوانین تر پښو لاندې کړي. دوی کولی شي د ملګرو ملتونو له منشور څخه سرغړونه وکړي. دوی کولی شي په بل هېواد برید وکړي، ټولې ټولنې له منځه یوسي، یا د خپلو خلکو هوساینې ته په بشپړه توګه سترګې پټې کړي او هېڅ به نه پېښیږي.»
د ملګرو ملتونو سرمنشي زیاته کړه، چې په نړۍ کې د مجازاتو څخه د معافیت کچه له سیاسي پلوه د نه منلو وړ او له اخلاقي پلوه د زغم وړ نه ده.
ګوټریش د اوکراین د جګړې په اړه هم وویل: «مرګ ژوبله زیاته شوې او ملکي کسان یې بیه پرې کوي، ژوند او ټولنې له منځه تللي دي.»
د دې سازمان سرمنشي وویل، د ملګرو ملتونو د منشور، نړۍوالو قوانینو او د ملګرو ملتونو د پرېکړه لیکونو پر بنسټ د عادلانه سولې وخت رارسېدلی دی.
ګوترېش په سوډان او د نړۍ په نورو برخو کې د جګړې د پای ته رسولو غوښتنه هم وکړه.
د ملګرو ملتونو سرمنشي همداراز د هېوادونو د اټومي دریځ او د نویو وسلو په اړه وویل، چې دا ګواښونه د راتلونکي لپاره یو تیاره لید وړاندې کوي.
ملک میر نیازی زیاتوي حاجي بهرام موسی ورسره زورواکي کوي.
په خوست کې د الخلیج سیاحتي شرکت رییس ملک میر نیازي نن سې شنبې افغانستان انټرنشنل ته وویل، چې دوی په خپله ګناه نه پوهیږي او نه هم ورته د دې چلند د علت په اړه څه ویل شوي دي.
ملک میر نیازی وايي: « تېره ورځ یې د خوست په مرکز کې زما دفتر را وتړلو او زما یو منشي یې هم ځان سره وړی او اوس له دې هم انکار کوي چې زما منشي یې نه دی وړی.»
ملک میر نیازی زیاتوي، چې د خوست امینه قوماندان حافظ عبدالرشید عمري ته څو ځله ورغلی؛ خو داسې ښکاري چې هغه نه شي کولی د هوايي ډګر د مشر مخه ونیسي.
ملک میر نیازي له افغانستان انټرنشنل سره هغه مکتوبونه هم شریک کړل، چې دوی د طالبانو د کورنیو چارو وزیر سراج الدین حقاني تره او د طالبانو د کډوالو بېرته راستنېدونکو چارو وزیر خلیل حقاني دروازه هم ټکولې ده او د دې ستونزې د حل لپاره ورغلي دي.
هغه مکتوبونه چې افغانستان انټرنشنل ته رسېدلي ملک میر نیازی د سراج الدین حقاني بل تره ابراهیم حقاني دروازې ته هم خپل دا فریاد رسولی او هغه هم د خوست هوايي ډکر رییس حاجي بهرام ته په یو مکتوب کې لیکلي، چې د ستونزو په حل کې دې ورسره "شرعي" او لازمه همکاري وکړي.
دوی همدراز زیاتوي، چې کله هم غواړي د خوست هوايی ډګر رییس حاجي بهرام موسی سره د دې ستونزې د حل په موخه وګوري؛ خو نوموړی نه حاضریږي چې د سیاحتي شرکت د تړلو او موټر وړلو په اړه وضاحت ورکړي.
د را رسېدلو معلوماتو له مخې؛ د خوست ملکي هوايي ډګر رییس نه یوازې دا چې د طالبانو د کورنیو چارو وزیر سراج الدین حقاني ترور زوی دی؛ بلکې دی د طالبانو د دفاع وزارت مرستیال مالي خان د خور زوی هم دی.
د طالبانو د خوست هوايي ډګر رییس حاجي بهرام موسی دوه کاله وړاندې د دویم واده ناوې له لوکر څخه خوست په چورلکه کې انتقال کړې وه.
دا لومړی ځل نه دی، چې د طالبانو د سیمه ییزو چارواکو په اړه دا ډول راپورونه خپریږي؛ بلکې له دې وړاندې هم د طالبانو د سیمه ییزو چارواکو څخه ورته ګیلې او شکایتونه خپره شوي دي.