طالبانو په کندهار ولايت کې د غلا په تور یو تورن کس په ۳۹ دورو وهلی دی
د طالبانو ستره محکمه وایي، چې په کندهار ولایت کې یې د غلا په تور یو کس ته ۳۹ دورې تعزیري سزا ورکړې ده.
د طالبانو ستره محکمه وایي، چې په کندهار ولایت کې یې د غلا په تور یو کس ته ۳۹ دورې تعزیري سزا ورکړې ده.
دغې محکمې په یوې خپرې شوې خبرپاڼه کې ویلي، چې د کندهار ولایت د طالبانو د مرافعه محکمې د پرېکړې له مخې یې يوه تن ته چې پر غلا تورن و؛ تعزیري سزا ورکړې ده.د خبرپاڼې له مخې، دغه کس په دوه کاله بند هم محکوم شوی دی.تېره اونۍ هم په کندهار کې د طالبانو استیناف محکمې د یوې خبرتیا په خپرولو سره د کندهار ښار اوسېدونکو ته بلنه ورکړې وه، چې د غلا او “زنا” په تور تورنو کسانو ته د سزا ورکول له نږدې وګوري.که څه هم چې د بشري حقونو نړۍوالو ادارو په عام محضر کې د بدني سزاګانو په ورکولو پر طالبانو سختې نیوکې کوي؛ خو طالبانو په عام محضر کې د سزاګانو ورکولو لړۍ دوامداره ساتلې او وايي، په دې کار سره په ټولنه کې «شریعت» پلي کوي.
