په ایران کې ۴۸ کسان د نقلي الکولو د څښلو له امله مړه شوي دي

د بې پولې ډاکټرانو په وینا، تېره ورځ لږ تر لږه ۲۰ تنه فلسطینیان یوازې په جبالیه پنډغالي کې د اسراییل په بریدونو کې وژل شوي او لسګونه نور ټپیان دي.
له بل پلوه د فرانسې ولسمشر اېمانوېل مکرون ویلي، چې په غزه او لبنان کې د کارېدونکو وسلو د صادراتو بندول د جګړې د پای ته رسولو یواځینۍ لار ده.

بل پلو، درې ورځي وړاندي د اسراييل دفاع وزير د ايران د توغندیزو بريدونو په برخه کې د اسراییل د احتمالي غبرګون په اړه وويل، چې د ايران توغنديز بريدونه مرګوني وو؛ خو د کره ‌والي د نشتوالي له امله ناکام شول.

خو تازه ایران د اسراییل د دفاع وزیر یواف ګالانت د ګواښ په ځواب کې بیا ویلي:« زموږ ګوتې هم پر ماشه دي، که اسراییل پر موږ برید وکړي؛ نو دوښمن به له خاورو سره خاورې شي.»
ایراني چارواکي وايي، چې پر ایران هر ډول اسراییلي برید به له ځوابي برید سره مخامخ شي.
اوس تازه د ایران بهرنیو چارو وزير دغو ناامنيو ته په شارې د پراخي جګړې د پېښېدو احتمالي وړاندوینه کړې ده.

د خیبرپښتونخوا څخه ځايي خبریالانو افغانستان انټرنشنل ـ پښتو ته ویلي، چې په کورمه ولسوالۍ کې پر ولسي وګړو د برید د قربانیانو شمېر ۱۵ تنو ته لوړ شوی او اوه تنه نور ټپیان دي.

سیمه ییزو خبریالانو د کورمې ولسوالۍ د پولیسو د مشر جاویدالله له قوله ویلي، چې له پېښې وروسته په سیمه کې د رامنځته شوي ترینګلي وضعیت د عادي کولو هڅې یې پیل کړې دي.

له دې پېښې وروسته د پاړه چنار او پېښور ترمنځ د تګ راتګ لاره د دویمې ورځې لپاره هم تړلې پاتې ده.

د معلوماتو له مخې په سیمه کې د وضیعت د ترینګلتیا د عادي کولو لپاره قبایلي جرګه هم وربلل شوې ده.

دا په داسې حال کې ده چې، تېره ورځ د کورمې ولسوالۍ په کنج علیزیو کې د غره په څنډو کې شیعه وګړو پر سونيانو برید وکړ، او تېره ورځ د پېښې په لومړنیو معلوماتو کې ویل شوي وو، چې په یاده پېښه کې ۱۱ کسان وژل شوي او شپږ نور ټپیان شوي دي.

دا لومړی ځل نه دی، چې په کورمه کې ورته پېښه رامنځته کیږي، له مودو راهیسې په یاده سیمه کې د سني او شیعه مذهبو ترمنځ د درنو او سپکو وسلو په کارولو سره وسله والې شخړې رامنځته کیږي او د پاکستان حکومت هم په یادو شخړو په مخنیوي کې پاتې راغلی.

په خیبر کې د پښتنو قومي جرګې په یوه برخه کې په ټوله کورمه کې د شعیه او سني د جګړې او زیانونو په اړه یادونه وشوه او جرګه والو ویل چې د پاکستان حکومت په دغې جګړې کې خپلې موخې مخته وړي.

د پولنډ لومړي وزیر ډونالډ ټاسک ومنله چې بیلاروس او روسیه په فعاله توګه د اروپايي اتحادیې د پناه غوښتنې حقونو څخه ناوړه ګټه پورته کوي. هغه وویل: «له بېلاروس څخه لېږل شوي پناه غوښتونکو د پناه غوښتنې له حق څخه، د پناه غوښتنې حق د اصل پر خلاف استفاده کیږي.»

دغه پولنډي چارواکی ټینګار کوي، چې د بیلاروس ولسمشر الکساندر لوکاشنکو د مسکو یو له نږدې متحدینو څخه ګڼل کیږي او له ۲۰۲۱ کال وروسته د بېلابېلو هېوادونو کډوال هڅوي چې له پولې واوړي.

د راپورونو له مخې، په وروستیو کلونو کې په لسگونه زره پناه غوښتونکو چې ډېری یې د منځني ختیځ او افریقا دي، هڅه کړې چې د پولنډ له پولې تېر شي او اروپايي ټولنې ته ځان ورسوي.

د پولنډ د رسمي ادارو د معلوماتو له مخې، سږ کال تر ۲۶ زرو زیات پناه غوښتونکي د بیلاروس له پولې څخه پولنډ او اروپايي ټولنې ته داخل شوي دي. ویل کېږي چې یوازې په تېره یوه میاشت کې ۲ زره او ۵۰۰ پناه غوښتونکي له دې پولې تېر شوي دي.

دا په داسې حال کې ده چې په وروستیو کلونو کې د پولنډ حکومت له بیلاروس سره د خپلو پولو د ټینګولو او پیاوړتیا لپاره د اروپایې ټولنې په مرسته په میلیونونو ډالره لګولي دي. د بیلاروس سره د پولې په اوږدو کې د دیوالونو جوړولو ترڅنګ، پولنډ سیمه ییزو چارواکو ته د قوي واک ورکولو لپاره یو ځانګړی سرحدي زون رامنځته کړی.

بل خوا، د بشري حقونو سازمان او د بښنې نړۍوال سازمان خبرداری ورکوي، چې هغه پناه غوښتونکي چې اکثره هڅه کوي له خپلو کورنیو او ماشومانو سره د پولنډ له پولې تېر شي، له تاوتریخوالي او وهلو سره مخامخ کېږي. دغه سازمان ویلي، چې ډېری پناه غوښتونکي د پوله ساتو ځواکونو له خوا د وسلو په قنداق وهل شوي دي.

چارواکو وویل، چې بریجز د ۲۰۲۳ کال د جون په ۱۴مه پر ترهګریزو تورونو اعتراف وکړ، خو حکم یې دا اونۍ صادر شو.

هغه د ۲۰۱۹ کال په سپټمبر کې د امریکا پوځ کې شامل شو.

د متحده ایالاتو د عدلیې وزارت وویل: «تر دې دمخه چې بریجز پوځ کې شامل شي، حد اقل له ۲۰۱۹ کال راهیسي، د جهادیانو او د هغوی د تاوتریخوالي ایډیالوژۍ ملاتړ یې په انلاین ټوګه پیل کړ او په ټولنیزو رسنیو کې یې د داعش او جهاد لپاره خپل ملاتړ څرګند کړ.»

د ۲۰۲۰ کال په اکټوبر کې، بریجز د ایف بي ای له یو مخفي کارکوونکي سره انلاین اړیکې ونیولې چې ځان یې په مینځني ختیځ کې د داعش وسله والو سره په تماس کې د داعش ملاتړي په توګه معرفي کړ.

چارواکو وویل، چې د دغو اړیکو په ترڅ کې، بریجز د متحده ایالاتو له پوځ څخه خپله ناهیلي څرګنده او د داعش سره د مرستې کولو هیله یې وښودله.

هغه بیا د "داعش" تورنو وسله والو ته چې په نیویارک ښار کې د احتمالي هدفونو په اړه یې پلان جوړوه، مشورې ورکولې او د هغوی روزنه او لارښوونه یې کوله.

همدا راز، بریجز داعش وسله والو ته د متحده ایالاتو د پوځ د روزنې لارښود او د نظامي جنګي تاکتیکونو لارښوونې برخې هم چمتو کړې وې، چې داعش به یې د راتلونکي برید پلان کولو کې وکاروي.

بریجز د ۲۰۲۰ په ډسمبر کې، په پرله پسې توګه د ایف بي ای کارکوونکي ته په منځني ختیځ کې پر امریکایي ځواکونو د داعش د برید په اړه لارښوونې پیل کړې.

د عدلیې وزارت په وینا، بریجز د متحده ایالاتو د ځانګړو ځواکونو د برید لپاره د داعش د کمپ د پیاوړي کولو او د امریکايي پوځیانو د وژلو لپاره پر چاودیدونکو توکو د ودانیو څخه د سیم تاوولو مشورې ورکړي.

دا قضیه چې د ایف بي ای، د متحده ایالاتو د پوځ د جاسوسی ضد کمېټې، د متحده ایالاتو د لوی څارنوالۍ دفتر، د هوایي ځواک د ځانګړو تحقیقاتو دفتر، او د پوځ د جنایي تحقیقاتو قومندانۍ له خوا وڅیړل شوه، په پایله کې تورن په لږترلږه ۱۴ کاله بند محکوم شو، چې له خوشې کیدو وروسته به تر لسو کلونو تر څار لاندې وي.

پر ناګاساکي په ۱۹۴۵ کال کې د متحده ایالاتو د بمبارۍ څخه یو ژوندی پاتې شوی شیګیمیتسو تاناکا وویل: «نړیوال وضعیت ورو ورو خرابیږي او اوس داسې جنګونه شتون لري، چې هیوادونه د اټومي وسلو کارولو ګواښ کوي.»

هغه زیاته کړه: «زه ویره لرم، چې موږ د انسان په توګه د ځان وژنې په لاره روان یو. د دې د مخنیوي یوازینۍ لار د اټومي وسلو له مینځه وړل دي.»

د ناروې د نوبل کمیټې، د هیروشیما او ناګاساکي د اټومي بمونو ژوندي پاتې شوو او همدارنګه د نړۍ د اټومي وسلو څخه د خلاصون لپاره دغې جاپاني ډلې د لسیزو اوږدې هڅې ستاینه وکړه.

دغه کمیټې وویل، چې د دې ډلې هڅې نن ورځ په نړۍ کې خورا مهمي دي.

د ناګاساکي د اټومي بم څخه د ژوندي پاتې شوو کسانو خبرداری په داسې حال کې ورکول کيږي، چې د روسیې ولسمشر ولادیمیر پوتین تیره میاشت اعلان وکړ، چې که امریکا او متحدین یې اوکراین ته اجازه ورکړي، چې د لویدیځ اوږد واټن ویشتونکي توغندي پر روسیه وکاروي، مسکو به د اټومي وسلو پر مټ ځواب ورکول په پام کې ونیسي.