د افغان ابداليانو او هنکانګ کرېکت الف لوبډلو ترمنځ د درې اړخيزه شل اوره لوبو لړۍ په دويمه سيالۍ کې افغان لوبډلې د ۷ ويکټو په توپير هانکانګ لوبډلې ته ماتې ورکړه. افغان ابدالیان الف لوبډله سبا د کوربه هیواد عمان د کرېکټ لوبډلې سره سيالي کوي.
د افغان ابداليانو او هنکانګ کريکټ لوبډلې ترمنځ د سيالۍ پچه افغان لوبډلې وګټله او لومړي يې د توپ اچونې او ډګر ساتنې پرېکړه وکړه.
هانکانګ کرېکټ لوبډلې په شل اوره کې د خپلو ۹ لوبغاړو په سوځېدو افغان لوبډلې ته ۱۱۲ منډې هدف وټاکه.
د افغان لوبغاړي په توپ اچونه کې کريم جنت ۳ او فريدون داودزي ۲ او نورو یو یو لوبغاړي وسوځول.
افغان الف کرېکټ لوبډلې په ۱۳.۵ ام اور کې د خپلو ۳ لوبغاړو په سوځېدو دغه هدف پوره کړ.
د افغان ابداليانو الف لوبډلې په توپوهنه کې کريم جنت ۴۷ ناسوځيدلي او اکبري ۳۷ منډې جوړي کړې.
کريم جنت د لوبې غوره لوبغاړي ونومول شو.
د افغانستان، عمان او هنکانګ الف کریکټ لوبډلو ترمنځ دغه درې اړخيزه لوبلړۍ د عمان په کوربتوب پیل شوي.
په لومړۍ سيالۍ کې لومړۍ لوبه د هنکانګ کرېکټ الف لوبډلې د دوو ویکېټو په توپير له عمان الف لوبډلې څخه وګټله.
