مرستندویه کارکوونکي: د غزې پر شمالي سیمو د اسراییل برید کې ۷۳ کسان وژل شوي

د خیبرپښتونخوا له پاړه‌چناره سیمه ییزې سرچینې وايي، چې د تېرو نهو ورځو راهیسې د پاړه‌چنارـ پېښور یواځنۍ لویه لاره د هر ډول تګ راتګ پر مخ تړلې ده.

د راپورونو له مخې په دغه سیمه کې د سني او شیعه مذهبو ترمنځ له تېرو څو اونیو راهیسې وسله والې نښتې دوام لري.

په دغو وسله والو جګړو کې دواړو لوریو ته مرګ ژوبله هم اوښتې ده.

له پاړه‌چناره سیمه ییز خبریالان وايي،‌ چې په کورمه ولسوالۍ کې د تېلو د نه شتون له امله د تېلو پمپونه تړل شوي او په روغتونونو کې د درملو د نه شتون له امله ناروغان بد روغتیايي حالت کې دي.

دغه خبریالان د قومي مشر میرافضل خان له قوله وايي، چې د پاړه‌چنار او پېښور ترمنځ د لارې بندیدو له امله په سیمه کې بند پاتي دي.

په پاړه‌چنار کې د سني او شیعه مذهبو ترمنځ د وسله والې شخړې د هواري لپاره د قبایلي جرګې هڅو هم تردې دمه کومه مثبته پایله نه ده ورکړې.

دا لومړۍ ځل نه دی چې په دغه سیمه کې مذهبي وسله والې شخړې رامنځته کیږي، تردې وړاندې هم په ورته پيښو کې لسګونه کسان وژل شوي او ټپیان شوي.

دغه وروستۍ لانجه د دوو قومونو ترمنځ لومړی د ځمکې پر سر پېښه شوه، چې وروسته په مذهبي شخړې واوښته، او له امله یې شاوخوا ۵۰ کسان وژل شوي او تر ۱۰۰ ډیر ټپیان شوي دي.

د راپورونوله مخې په دغه پېښه کې یو شمېر وسله وال ټپیان شوي هم دي چې کره شمېرې یې نه دي ترلاسه شوې.

ویل کیږي د وسله والو دغه دوه ډلې په څه موضوع سره اوښتې چې له امله یې جګړه شوې او دغه زیان یې اوړولی.

تر اوسه پورې په دې اړه د ټي تي پي وسله والې ډلې څه نه دي ویلي.

د یوه بل خبر له مخې تېره ورځ شنبه د (تلې ۲۸مه) د پښتونخوا لکي مروت په تختي خيلو سيمه کې هم قومي لښکر د وسله والو پر ضد پاڅون کې د فاتح په نامه د وسله والو د یوه قوماندان په ګډون دوه کسان وژلي او درې وسله وال یې ټپیان دي.

په سیمه کې خبریال لال وزیر افغانستان انټرنشنل پښتو ته ويلی، چې پښتونخوا کې د پښتنو له جرګې وروسته د وسله والو تر منځ خپلمنځي نښتې او اختلافات زیات شوي دي.

هغه وايي، له دې مخکې هم د وزیرستان په رزمک کې د ټي ټي پي يو مهم جګړه مار وژل شوی و.

تر اوسه پورې د پاکستان حکومت د دغو پېښو په اړه څه نه دي ویلي، خو تر دې وړاندې یې اعلان کړی و چې د (عزم استحکام) په نوم د وسله والو د ځپلو عملیات روان دي.

د دغه مرکز د راپور له مخې، د پولیو یادې دوه پېښې د سند ایالت په سانګړ او خاص میرپور ولسوالیو کې ثبتې شوې دي.

د پولیو د دغو دوو تازه پېښو په ثبتېدو سره په روان کال کې په دغه هېواد کې د پولیو د مثبتو پېښو شمېر ۳۹ ته لوړ شوی.

د پاکستان د بیړنیو عملیاتو د مرکز د راپور له مخې، په روان میلادي کال کې د پولیو ډیرې۲۰ مثبتې پېښې د دغه هېواد په بلوچستان ایالت کې، ۱۲ په سند ایالت کې، پنځه په خیبر پښتونخوا او یوه یوه په پنجاب او اسلام کې ثبتې شوې دي.

له دې یوه ورځ وړاندې هم د پولیو درې مثبتې پېښې په بلوچستان او یوه په خیبر پښتونخوا کې ثبتې شوې وې.

د پاکستان حکومت اعلان کړی، چې د پولیو ضد واکسین به د اکټوبر میاشتې په ۲۸مه نېټه په ټول هېواد کې پیل شي او په دغه دوره کې به له پنځو کلونو کم عمره ۴۵ میلیونه ماشومانو ته واکسین ورکړل شي.

د نوښار د پوليسو په خبره چې په یاده سیمه کې د واده په مراسمو کې د بدلو او زهرجنو شرابو څښلو له امله شپږ کسان مړه شوي، چې درې تنه یې د اټک او درې تنه یې د نوښار د نظام‌پور سيمې اوسیدونکي دي.

پولیسو د روغتون د ډاکترانو له قوله رسنیو ته ویلي، چې د پاتې نهو تنو نورو روغتیايي حالت هم د اندېښنې وړ دی.

د نوښار پوليسو رسنیو ته ویلي، چې په دې اړه یې پلټنې پيل کړې او د واده د کور ځینې کسان تر پوښتنو ګروېږنو لاندې دي.

تر وړاندې هم د پاکستان په بېلابېلو سیمو کې د زهرجنو او بدلو شرابو څښلو په پېښو کې ډیر شمېر ځوانانو مړه او تر روغتونونو رسېدلي وو.

هغه وويل په پښتني سیمو کې په چاودونو او جګړو کې د وژل شویو، تري تم شویو او د طبیعي زیرمو د ورسپارلو غږ پورته کړئ.

منظور پښتین د شنبې په شپه ناوخته په خپله اېکس پاڼه لیکلي، چې یاد پاڅونونه به په لورلايي، دوکۍ، ږوب، بنو، کویټه، شانګلې، اورګزیو، سوېلي وزیرستان، لکي مروت، ټانګ، چارسدې، صوابۍ، پښین، باجوړ، چمن، نوبیر، دره ادرم خیل، کرک، دیر، سوات، زیارت، ملاکنډ، لوړ دیر او مومندو ضلعه کې له چمنه تر خیبره په ټولو پښتني سیمو کې پاڅونونه کیږي.

دغه پاڅونونه په ځینو سیمو کې سهار او په ځینو سیمو کې له غرمې وروسته ترسره کیږي.

دغه پاڅون ته د امن پاڅون نوم ورکړل شوی دی.

د پښتون ژغورنې غورځنګ مشر منظور احمد پښتین په خپله اېکس پاڼه لیکلي، چې په دغه پاڅون کې به د «د ډالري جګړو او ریاستي پالیسیو د ختمولو، د پښتون وطن د امنیت، د پښتون وطن د وسایلو د لوټلو پر ضد، خپلو کورونو ته د کډوالو د ستنېدو، د پښتنو په سیمو کې د ځمکو د جبري غصب پر ضد، د شهیدانو د عدالت غوښتنه، د لادرکه خلکو د راپیدا کولو، د بندیانو د خلاصولو او له پاسپورټ پرته پر ډیورنډ کرښې د تګ راتګ لپاره به په ټولو پښتنو سیمو کې په یوه ورځ خپل غږ پورته کوي.»

همدارنګه د پښتون ژغورنې غورځنګ د مرکزي کمیټې غړو حنیف پښتین او زکیم خان پر خپلو اېکس پاڼو په خپرو شویو پیغامونه کې ویلي،‌ چې د پښتونو په ټولو سیمو کې په یوه ورځ د ولسي پاڅونونو د ترسره کولو پرېکړه د خیبر په قومي جرګه کې شوې وه.

دوی له خلکو غوښتي، چې د خپل وطن د امنیت او ټولو ناخوالو په وړاندې د غږ پورته کولو په اعتراضي غونډو کې دې برخه واخلي.