د غزې د روغتیا وزارت: پر غزې د اسراییلو په بریدونو کې تر ۴۳ زرو ډېر کسان وژل شوي

د دغو چارواکو په وینا، خامنه‌اي دا پریکړه د ایران د توغندیو د تولید ظرفیت، د تهران شاوخوا د هوايي دفاعي سیسټمونو، د انرژۍ مهمو زیربناوو او په سویل کې د یو لوی بندر په اړه د لوړ پوړو پوځي قوماندانانو د مفصل راپور له کتنې وروسته کړې ده.

نيويارک ټايمز د دغو دريو چارواکو په حواله ليکلي، چې خامنه اي ويلي دي، چې د اسرایيلو د بريدونو کچه او د تلفاتو شمېر چې لږ تر لږه څلور پوځيان دي، دومره لوړ دي چې له پامه نه شي غورځول کېدای او د دغو بريدونو په وړاندې د غبرګون نه ښودل به د ماتې د منلو په مانا وي.

د راپور له مخې، پوځي قوماندانان په اسراییلو کې دننه د لسګونو پوځي اهدافو نوملړ چمتو کوي، خو ښايي دا بریدونه د امریکا له ټاکنو وروسته ترسره شي، ځکه ایران اندېښمن دی چې په سیمه کې تازه کړکېچ او ګډوډي به ټاکنیز کمپاین کې د متحده ایالاتو پخوانی ولسمشر، ډونالډ ټرمپ ته ګټه ورسوي.

تېر کال، اېکس د کاروونکو د ذکر کولو ځانګړتیا اضافه کړه، چې د دغې خواله رسنۍ کاروونکو ته اجازه ورکوي چې په پوسټونو کې د تبصرو له لارې غلط یا نا تایید شوې مینځپانګې په ګوته کړي. دغه کار باید د یو اختصاصي ډلې له خوا وشي.

ایلان ماسک په کراتو له د دغې ځانګړتیا ستاینه کړې او د امریکا اصلي رسنې یې پر طرفدارۍ، سانسور او د غلطو معلوماتو په خپرولو تورنې کړې دي.

پر انټرنټ د کرکې د خپریدو سره د مبارزې مرکز د پنجشنبې په ورځ په یو راپور کې لیکلي، چې د ذکر کولو ځانګړتی د امریکا د ټاکنو په اړه له ناسمو ادعاو سره مبارزه نه شي کولی.

د دې راپور له مخې، پر انټرنټ د کرکې د خپریدو سره د مبارزې مرکز له خوا تحلیل شوي، د ۲۸۳ غلطو پوسټونو له ډلې ، په ۲۰۹ هغو کې د معلوماتو د صحت په اړه له کارکوونکو پوښتنه نه وه شوې او نه هم ورته خبرداری ورکړل شوی و.

د دغه مرکز په وینا، دغه مطالب له ۲ میلیارد ځلو څخه ډېر لیدل شوي وو.

ماسک، چې د امریکا په ولسمشریزو ټاکنو کې د جمهوري غوښتونکو د کاندید ډونالډ ټرمپ ملاتړ کوي، د امریکا د نومبر د پنځمې نیټې د ټاکنو په اړه یې د نا قانونه کډوالو د رای ورکولو په ګډون یو شمیر بې بنسټه ادعاوې کړي دي.

په ۲۰۲۱کال کې په جرمني کې د سختو سیلابونو له امله لږ تر لږه ۱۸۵ کسان مړه شول. تر دې مخکې په ۱۹۷۰ کال په رومانیا کې د سیلابونو له امله ۲۰۹ کسانو خپل ژووند له لاسه ورکړی وو، چې تر ټولو لوړه شمېره وه او یا هم په ۱۹۶۷ کې په پرتګال کې سېلابونو نږدې ۵۰۰ کسان مړه کړل.

رویترز خبري اژانس د راپور له مخې، د سې شنبې په ورځ د والنسیا سیمې په ځینو برخو کې په اتو ساعتونو کې د یوه کال په اندازه باران وشو، چې له امله یې لږ تر لږه ۱۵۵ کسان یوازې په والنسیا کې او درې نور په دوو نورو سیمو کې مړه شول.

والنسیا ښاروالې ماریا جوس کاتالا خبریالانو ته وویل، چې د ژغورونکو ډلو د پنجشنبې په ورځ د یو محلي پولیس په ګډون د اتو کسانو جسدونه وموندل چې د دغه ښار په څنډه کې په یو ګراج کې بند پاتې وو.

والنسیا ته نږدې د پایپورتا ښار ښاروالې، ماربیل البالات وویل، چې دوی د سیلاب د احتمالي خطر خبرداری نه دی ترلاسه کړی. هغې وویل، چې د هغې په ښار کې ۶۲ کسان مړه شوي دي.

د راپورونو له مخې، سېلابونو سړکونو او د اورګاډو پټلیو ته پراخ زیانونه اړولي دي. د والنسیا اوسیدونکو وضعیت "خواشینیونکی" بلل شوی. د ژغورنې ډلې د لادرکه کسانو لټون ته په داسې حال کې دوام ورکوي چې په په دغه ښار کې د ژغورنې لپاره لسګونه سرتیري پر دندو ګمارل شوي دي.

د هسپانیې لومړي وزیر پدرو سانچز د دغه هېواد له وګړو څخه غوښتي دي چې د بیړني حالت د دوام له امله په خپلو کورونو کې پاتې شي.

ډي پي اې دغه خبر د جرمني د بهرنیو چارو وزارت په حواله ور کړی.
ایران برلین کې پر سفارت سربېره، په مونشن، فرانکفورټ او هامبورګ کې کونسلګرۍ هم لري.

د جرمني بهرنیو چارو وزیره د کونسلګرو بندلو پرېکړې ته په اشاره وايي، په ځلونو یې ایران ته په ډاګه کړې چې د یوه جرمن وګړي اعدام درانده عواقب ولري: «ځکه مو تصمیم ونیو، چې په فرانکفورت، مونشن او هامبورګ کې د ایران درې کونسلګرۍ وتړو.»

نوموړې زیاتوي چې د ایران د یرغمل نیونې سیاست له امله نور جرمنیان هم ناحقه له ځان سره بندي ساتلي، خو برلین د هغوی د خلاصون لپاره نه ستړې کېدونکې هڅې جاري ساتي.

ایران تېره سې شنبه جمشېد شارمهد اعدام کړ، چې مختلفو هېوادونو او د بشري حقونو ادارو یې دا کار وغانده.

د نوموړي په اعدام پسې د ایران لپاره د جرمني سفیر له تهران ووت او په برلین کې یې د تهران سلایار هم احضار کړ.

هغه مهال د جرمني د بهرنیو چارو وزارت ویاند وویل، د ښاغلي شارمهد په اعدام پسې د تهران او برلین اړیکي سخت اغېزمن شوي دی.

جمشېد شارمهد سیاسي فعال او د ایران د پاچاهي انجمن غړی و.

نوموړی د د تندر راډیو د مدیر فرود فولاندوند تر ورکېدو وروسته د دې رسنۍ مدیریت هم پر غاړه درلود.

ښاغلی شارمهد د ۱۳۹۹ کال په دوبي کې په دوبۍ کې د ایران استخباراتو وتښتاوه او وړمه ورځ یې انقلاني محکمه کې اعدام کړ.

ممتاز زهرا بلوڅ دا هم وايي چې طالبان په افغانستان کې د ټي ټي پي او نورو وسلوالو ډلو پرضد د ګام پورته کولو مسوولیت لري.

نوموړې نن په اسلام اباد کې خبري غونډې ته د تېر په څېر دا هم وویل، په دې تړاو یې افغان طالبانو ته شواهد هم سپارلي دي.

د طالبانو حکومت د پاکستان دا ادعا ردوي او وايي پاکستاني طالبان په افغانستان کې نشته. دوی وايي ټي ټي پي په پاکستان کې پر خاوره ولکه لري او اسلااباد دې و رسره خپل مشکل پخپله حل کړي.

خو ممتاز زهرا بلوڅ وايو پاکستان له هغو ترهګرو ډلو سره د خبرو لېوالتیا نه لري چې د ولسي وګړو او امنیتي ځواکونو د وژلو مسوول دي.

د نوموړې په خبره، له طالبانو سره د خبرو وړاندیز هغو خلکو ته سپکاوی دی چې د دې ډلې د فعالیتونو له امله یې د کورنیو غړي له لاسه ور کړي دي.