اسراییل وايي، د حزب الله دوه قومندانان یې ووژل

د اسرایل پوځ وايي، د حزب الله هغه دوه ساحلي قومندانان یې وژلي چې د لبنان په سویل کې یې اسراییل ته له ۴۰۰ د زیاتو توغندیو د توغولو مسولیت په غاړه درلود. دغه دوه قومندانان په ساحلي برخه کې د حزب الله د ځواکونو قومندان موسی عزالدین او د توپخانې قومندان حسن مجید وو.

د لبنان په سوېل کې د اسراییل پوځ وايي ځواکونه یې د حزب الله پر اهدافو هدفي بریدونو ته دوام ورکوي او د دغې ډلې وسلې به کشفوي.

راپورونه وايي د اسراییل هوايي ځواکونو د جمعې په ورځ په غزه کې د حماس تر ۱۲۰ زیات مرکزونه په نښه کړل.