شهرزاد اکبر: ایران ځکه افغانان اعداموي، چې په افغانستان کې یې د پوښتنې څوک نه شته
په افغانستان کې د بشري حقونو کمېسیون پخوانۍ مشره شهرزاد اکبر وایي، په تېرې یوې میاشت کې په ایران کې ۱۳تنه افغانان اعدام شوي چې دغه شمېرې حیرانوونکې او هېښوونکې دي.
په افغانستان کې د بشري حقونو کمېسیون پخوانۍ مشره شهرزاد اکبر وایي، په تېرې یوې میاشت کې په ایران کې ۱۳تنه افغانان اعدام شوي چې دغه شمېرې حیرانوونکې او هېښوونکې دي.
نوموړې دغه څرګندونې په اېکس پاڼه خپرې کړې؛ خو په دې تړاو یې زیات مالومات نه دي شریک کړي.
هغې لیکلي، د ایران حکومت په دې پوهېږي چې افغانستان بې پوښتنې هېواد دی او حاکمان یې هم «نامشروع او ظالم» دي.هغې د طالبانو لهخوا د بيبي ګل په نوم د یوې افغانې د وهلو، ډبولو او وژنې په اړه لیکلي:« هغو نامشروع واکمنانو چې په وهلو ډبولو یې ۵۵ کلنه بيبي ګل ووژله او خلک یې هم هره ورځ له وېرې په ډلهییزه توګه له هېواده تېښتې ته اړ اېستل کېږي.»اغلې اکبر زیاته کړې، چې دغو بې پناه خلکو ته نه وطن، وطن شو او نه یې هم په کډوالۍ کې د ارام ساه واخیسته؛ ځکه هلته هم د مرګ له ګواښ سره مخامخېږي.تر دې وړاندې (د لړم په ۱۳مه) نېټه هم د ایران د بشري حقونو سازمان ویلي و، چې واک ته د طالبانو له رسېدو وروسته په ایران کې د افغانانو د اعدام شمېره لوړه شوې او له ۲۰۲۲ کال راهیسې په دغه هېواد کې ۹۰ افغانان اعدام شوي دي.د بشري حقونو د دغه سازمان شمېرې ښيي، چې سږ کال ۴۹ افغانان د ایران په بېلابېلو زندانونو کې اعدام شوي دي.
