ایران: هغه هېوادونه چې اسراییل ته وسلې ورکوي د دغه هېواد په جنایتونو کې شریک دي
د ایران د بهرنیو چارو وزارت ویاند اسماعیل بقایي وایي، هغه هېوادونه چې اسراییل ته وسلې ورکوي د دغه هېواد په جنایتونو کې شریک دي.
د ایران د بهرنیو چارو وزارت ویاند اسماعیل بقایي وایي، هغه هېوادونه چې اسراییل ته وسلې ورکوي د دغه هېواد په جنایتونو کې شریک دي.
د ایران د بهرنیو چارو وزارت پر اېکس پاڼه په سوریه او فلسطین کې د اسراییل د بریدونو په غبرګون د دغه وزارت د ویاند بیان خپور کړی دی.
په دغه بیان کې د اسماعیل بقایي له قوله لیکل شوي، چې په دمشق کې د اسراییل تېری او د لسګونو کسانو مرګ ژوبله او د زېربناوو تخریب د ایران لهخوا غندل شوي دي.نوموړي زیاته کړې ده، پر ګاونډیو هېوادونو د اسراییل د تېریو او جنایتونو پراخول او د سوریې حکومت له ځمکنۍ بشپړتیا او ملي حاکمیت څخه په پرله پسې توګه سرغړونې د ملګرو ملتونو د منشور خلاف کړنه ده.هغه په دې تړاو د ملګروملتونو د بېړني اقدام غوښتنه کړې ده.ښاغلي بقایي د دغو کړنو د پایلو په اړه خبرداری ورکړی او ویلي یې دي، چې د اسراییل لهخوا د زېربناوو له منځه وړل، د ښځو او ماشومانو په ګډون د خلکو ډلهییزه وژنه د ملګرو ملتونو د نړۍوالو حقونو سرغړونه او جنګي جنایت دی.
