د بشارالاسد پر حکومت د وسله والو د برید له پیل راهیسې تر اوسه د ۲۰ ملکي کسانو په ګډون نږدې ۴۰۰ کسان وژل شوي دي. د سوریې د دفاع وزارت بیا پر ترهګرو د ځوابي برید لپاره د چمتوالي خبر ورکوي او غواړي د حلب ښار په ګډون ټول له لاسه وتلي سیمې بېرته ونیسي.
دغه وزارت د یکشنبې په ورځ (د لېندۍ ۱۱مه) د یوې خبرپاڼې په خپرولو سره وویل، چې امنیتي ځواکونه له پرمختللو وسلو او راکوټونو سره د حما شمال ته لېږدول شوي دي.
په خبرپاڼه کې همداراز راغلي، چې د سوریې او روسيې جنګي جېټونو په ادلب او حما ولایتونو کې د مخالفینو پر مورچلو پراخ هوایي بریدونه کړي دي.
ادلب چې د ترکیې پولې ته نږدې موقعیت لري، د سوریې په کورنیو جګړو کې د مخالفینو مهمه اډه بلل کېږي.
دا سیمه له کلونو راهیسې د سوریې د مخالفینو په امن ځای بدله شوی ده او بېرته نیول یې د حکومت لپاره ستراتيژیک ارزښت لري.
دا پوځي عملیات چې د روسیې په نږدې همکارۍ ترسره کېږي، د سوریې په کورنیو نښتو کې د بشارالاسد د حکومت له نږدې ملاتړو بلل کېږي.
دغه عملیات په داسې حال کې کېږي، چې د سوریې حکومت هڅه کوي خپل موقعیت د دې هېواد په شمالي سیمو کې پیاوړی کړي او مخالفین له وروستیو اډو څخه وباسي.
که څه هم د دغو بریدونو بریا تر اوسه روښانه نه ده، خو شنونکي په دې باور دي، چې د روسیې ملاتړي له درنو وسلو څخه استفاده کولی شي، چې شرایط د سوریې د حکومت په ګټه بدل کړي.
اخوا، د دې عملیاتو د انساني پایلو په اړه هم پراخې اندېښنې شته، ځکه په نښه شویو سیمو کې ګڼه ګوڼه او د بې ځایه شویو پنډغالي دي.
په سوریه کې چې کورنۍ جګړې له ۲۰۱۱ کال راهیسې پیل شوي، همداراز د منځنۍ اسیا له پېچلو ناورینونو څخه بلل کېږي.
