طالبان: تېره ورځ له دوو ګاونډیو هېوادونو څخه تر ۲۰۰ ډېرې کورنۍ خپل هېواد ته راستنې شوې
د طالبانو تر واک لاندې باختر اژانس راپور ورکړی، چې د دوشنبې په ورځ د کندهار، ننګرهار، نیمروز او هرات ولایتونو له لارې له پاکستان او ایرانه ۲۱۲ کورنۍ راستنې شوې.
د طالبانو تر واک لاندې باختر اژانس راپور ورکړی، چې د دوشنبې په ورځ د کندهار، ننګرهار، نیمروز او هرات ولایتونو له لارې له پاکستان او ایرانه ۲۱۲ کورنۍ راستنې شوې.
دغه اژانس له ایران او پاکستان څخه د افغان کډوالو د راستنېدو په دوام خبر ورکړی، چې تېره ورځ ۲۴ کورنۍ د ننګرهار ولایت د تورخم له لارې او ۲۰ کورنۍ د کندهار ولایت د سپین بولدک له لارې له پاکستانه، دا رنګه ۳۸ کورنۍ د نیمروز ولایت د ورېښمو پله له لارې او ۱۳۰ کورنۍ د هرات ولایت د اسلام کلا له لارې له ایرانه راستنې شوې.طالبانو دا نه دي ویلي، چې راستنې شوې کورنۍ په خپله خوښه او که په زور د یادو هېوادونو څخه راستنې شوې دي؛ خو ډېری وخت د دغو ګاونډیو هېوادونو څخه کډوال په جبري ډول په جبري توګه افغانستان ته ستنول کېږي.طالبانو ویلي، چې د تازه راستنو شویو کډوالو له ډلې له اړمنو سره مرستې شوې او ۲۴ کورنۍ یې خپلو اصلي سیمو ته لېږدولې دي.پاکستان او ایران د تېر یو کال راهیسې د افغان کډوالو د اېستلو لړۍ دوامداره ساتلې ده.دا په داسې حال کې ده، چې ایراني چارواکو د لېندۍ په شپږمه رسنیو ته ویلي و چې د روان کال تر پایه به له دغه هېواده تر دوه مېلیونه ډېر بې اسناده افغان کډوال وباسي.په مشهد کې د ایران د بهرنیو چارو وزارت د استازي د دفتر مشر ویلي، چې دمګړی په ایران کې له دوو څخه تر دوه نیم مېلیونه پورې افغان کډوال د اوسېدو له اسنادو پرته ژوند کوي.
