طالبان: په پنجشېر کې تر دا مهاله د ۲.۸ مېلیونه ډالرو په ارزښت زمرد پلورل شوي
په پنجشېر ولایت کې د طالبانو د کانونو او پټرولیم ریاست مسوولین وایي، چې واک ته د طالبانو له بیا راستنېدو وروسته تر دا مهاله ۴۳ زره قیراطه زمرد پلورل شوي دي.
په پنجشېر ولایت کې د طالبانو د کانونو او پټرولیم ریاست مسوولین وایي، چې واک ته د طالبانو له بیا راستنېدو وروسته تر دا مهاله ۴۳ زره قیراطه زمرد پلورل شوي دي.
د طالبانو تر واک لاندې باختر اژانس خبر ورکړی، چې دغه زمرد ټولټال د ۲ مېلیونه، ۷۸۸ زره او ۹۴۰ امریکایي ډالرو په ارزښت پلورل شوي دي.
د دغه اژانس په وینا، د دغو پلورل شویو زمردو ۲۷۸ زره ډالره عاید یې دولت ته رسېدلي دي.دا مهال په پنجشېر ولایت کې له ۴۵۰ کانونو څخه زمرد استخراجېږي.تر دې وړاندې د طالبانو د کانونو او پټرولیم وزارت ویلي و، په پنجشېر کې د زمردو ۱۷۰۰ کانونه پېژندل شوي چې له دې ډلې ۴۵۰ یې د ملاهبت الله په ځانګړي فرمان د دغه ولایت خلکو ته ورکړل شوي او استخراج یې روان دی.تر دې وړاندې هم طالبانو ویلي و، چې د روان کال په لومړیو شپږو میاشتو کې یې په ۱۱ پړاونو کې ۳۵ زره او ۸۷۴ قیراطه زمرد د یو مېلیون او ۶۱۴ زره ډالرو په ارزښت پلورلي دي.تر ډېره بریده پر طالبانو نیوکې کېږي چې، دغه کانونه په نامسلکي توګه راباسي چې تر ډېره د کانونو اصلي زېرمو ته زیان اړوي.
