د ایران خوزستان ولایت له سهار راهیسې د زلزلې پر له پسې یوولس ټکانونو لړزولی دی
د ایران خوزستان له نن سهار راهیسې یوولس ځلې د زلزلو او د هغو د ټکانونو له امله لړزېدلی، چې تر ټولو ځواکمنه یې لومړنۍ زلزله وه.
د ایران خوزستان له نن سهار راهیسې یوولس ځلې د زلزلو او د هغو د ټکانونو له امله لړزېدلی، چې تر ټولو ځواکمنه یې لومړنۍ زلزله وه.
د ایرانۍ رسنۍ اېرنا د خبر له مخې، د خوزستان د نن ورځې ترټولو ځواکمنه زلزله په ځایي وخت ۷:۳۰ بجو د ریښتر په کچه ۵.۶ درجې په ژوروالي سره په هفتګل کې شوې ده.دغو زلزلو ۱۲کسان ټپیان کړي او ۳۳ کورونه یې برسېرن او په بشپړ ډول ویجاړ کړي دي.د ایران سرې میاشتې د دغو زلزلو د احتمالي زیانونو لپاره درې د ژغورنې ډلې ګومارلې دي.د راپورونو له مخې، له سهاره په خوزستان کې درې زلزلې او اته وروستي ټکانونه احساس شوې دي.دغه ټکانونه د اهواز، مسجدسلیمان، باوي، حمیدیه او شوشټر کې احساس شوي دي.له بل پلوه پاکستانۍ رسنیو هم په پنجاب کې د یوې زلزلې خبر ورکړی.د جیونیوز د خبر له مخې، د زلزلې یوه تېزه جټکه په خانيوال، چيچه وطني، بهلوال، چنيوټ او په حافظ اباد کې احساس شوې ده.د دغې زلزلې چټکوالی د ریښتر په کچه ۵.۲ درجې او ژورتيا يې ۱۰ کلوميټره وه؛ په داسې حال کې چې د زلزلې مرکز د مهمند چک لويديځه سيمه وه.
د دغې زلزلې له امله د اوستي زیان په اړه لاتراوسه څه نه دي ویل شوي.
