د سویلي کوریا د دفاع پخواني وزیر په زندان کې'ځان وواژه'
د سویلي کوریا د عدلیې وزارت یو چارواکي د پارلمان په غونډه کې وویل، چې د دغه هېواد د دفاع پخواني وزیر کېم یونګ-هیون، په زندان کې ځان وژلی دی.
د سویلي کوریا د عدلیې وزارت یو چارواکي د پارلمان په غونډه کې وویل، چې د دغه هېواد د دفاع پخواني وزیر کېم یونګ-هیون، په زندان کې ځان وژلی دی.
کېم یونګ- هیون د پوځي حکومت په اعلانولو کې په ناکامه هڅه تورن شوی و.
د سویلي کوریا د دفاع پخواني وزیر تېره چهارشنبه د ولسمشر لهخوا د پوځي حکومت له اعلانولو سره هممهاله استعفا ورکړه.
نوموړي په یو بیان کې ولیکل:« لومړی خو ډېر خواشینی یم، چې په داسې یو نا معلوم حالت کې د خلکو له اندېښنو سره، سره د پوځي حکومت چارې په غاړه اخلم او له دې امله مې ولسمشر ته خپله استعفا وړاندې کړه.»
ښاغلی کېم د یو لړ تورونو له هغې ډلې «د یوې بلوا پر مهال د حساسې دندې په ترسره کولو» او «د حقونو په ورکولو کې له واکه په ناوړه ګټې اخیستنې» تورن دی.
د پوځي حکومت له اعلانه وروسته تېره اونۍ د ولسمشر لهخوا د څو ساعتونو لپاره په دغه هېواد کې سیاسي اړی ګړی رامنځته شو.
تر دې وړاندې د پولیسو د پلټنې ځواک څو دولتي ادارو له هغې ډلې د ولسمشر پر دفتر هم چپاو وروړی و.
