ترکي پولیسو په یوه ورځ کې نږدې زر تنه بې اسناده پناه کډوال ونیول
د ترکیې د کورنیو چارو وزیر وايي، چې د پنجشنبې په ورځ د دغه هېواد امنیتي ځواکونو د ګډو عملیاتو په ترڅ کې ۹۸۱ پناه غوښتونکي چې د استوګنې اسناد یې نه لرل په بېلابېلو ښارونو کې نیولي دي.
د ترکیې د کورنیو چارو وزیر وايي، چې د پنجشنبې په ورځ د دغه هېواد امنیتي ځواکونو د ګډو عملیاتو په ترڅ کې ۹۸۱ پناه غوښتونکي چې د استوګنې اسناد یې نه لرل په بېلابېلو ښارونو کې نیولي دي.
د ترکیې د کورنیو چارو وزیر علي یارليکایا د جمعې په ورځ (د لېندۍ ۲۳مه) پر اېکس خپور کړي پیغام کې ویلي، چې د دغه هېواد د ځواکونو په ګډو عملیاتو کې ۳۶۶ زره او ۸۳۸ کسانو څخه څیړنې کړي دي.
د دغه هېواد د کورنیو چارو وزیر په وینا، په دې عملیاتو کې تر ۲۸زرو زیاتو امنیتي ځواکونو، ۱۵زره ۲۵۰ ځایونو کې پلټنې کړې دي. د دغه عملیاتو موده نه ده په ډاګه شوې.
علي یارلیکایا وویل، چې نیول شوي کډوال توقیف ځایونو ته لیږدول شوي او له دې هېواد څخه د دوی د اېستلو پروسه یې پیل شوې ده. نوموړي د دغو کسانو د هويت په اړه څه ونه ويل، خو په ترکيه کې مېشت ډېرى پناه غوښتونکي د افغانستان او سوريې اوسېدونکي دي.
