د ترکیې د بهرنیو چارو وزیر هاکان فیدان ویلي، چې د دغه هېواد یو ډیپلوماټیک پلاوی سوریې ته تللی او تر څنګ به یې د ترکیې سفارت د اکتوبر په ۲۴مه نېټه له ۱۲ کلونو ځنډ ورسته خپل کار بېرته پېل کړي.
ترکیې ۱۲ کاله وړاندې د بشار الاسد له حکومت سره د کړکېچنو اړیکو او د کورنۍ جګړې د زیاتېدو له کبله خپل سفارت تړلی وو.
هاکان فیدان د جمعې په ورځ له این ټي وي سره په مرکه کې وویل: «موږ غواړو چې له ترهګرۍ څخه پاکه سوریه وګورو، چیرې چې له اقلیتونو سره ناوړه چلند نه کیږي. موږ په سوریه کې ټول شموله حکومت غواړو.»
ترکیې د ۱۳۹۱ کال د غويي په میاشت کې د انقرې او دمشق ترمنځ د ترینګلو اړیکو او په سوریه کې د کورنۍ جګړې د زیاتوالي له امله په دغه هېواد کې خپل سفارت تړلی وو.
