طالبانو په پکتیکا ولایت کې یو کس د غلا په تور په عام محضر کې په دُرو وهلی

شپیګل مجلې د جرمني د بهرنیو چارو وزارت د محرمو اسنادو په حواله رپوټ ورکړی، چې په ۲۰۲۱ کال کې د افغانانو د تخلیې عملیاتو کې ۳۱ ځانګړې الوتنې شاملې وې چې لوفت‌هانزا او یوه بل هوايي شرکت ترسره کړې.

لوفت‌هانزا شاوخوا پنځه میلیونه یورو غوښتې، چې ویل کیږي دا پیسې باید د بېل له ترلاسه کولو سره سمې ورکړل شوې وای.

شپیګل وايي، د هغه وخت د جرمني د بهرنیو چارو وزیر هایکو ماس او د لوفت‌هانزا رییس کاستن سپوهر ژر او په شخصي ډول په دې هوکړه وکړه. د اسنادو له مخې، سپوهر د مرستې په دود د یوه غیر چمتو حکومت لپاره لنډمهاله الوتنې کړې.

د جرمني د بهرنیو چارو وزارت د اټکل له مخې، د ۲۰۲۱ کال په اګست میاشت کې د تخلیې ټول لګښت شاوخوا ۱۹.۹ میلیونه یورو و. د رپوټ له مخې، په دې کې شاوخوا نیمایي لګښت د بوندس ویر مستقیمو الوتنو لپاره و چې له کابل څخه ترسره شوې، پاتې نیمایي یې د لوفت‌هانزا د ۱۷ چارټر الوتنو لپاره و. نور لګښتونه د ازبکستان هوايي شرکت د هغو الوتنو لپاره وو چې د تاشکند له لارې یې کړې وې.

اسناد ښيي چې د جرمني سفارت د ازبکستان دولتي هوايي شرکت ته لږ تر لږه ۱.۹ میلیونه یورو نغدې ورکړې دي.

شپیګل مجله لیکي چې د ژغورنې دا ګرانبیه الوتنې، چې ځینې یې څو چنده ګرانې وې، د دې لپاره اړینې وې چې د انګیلا مېرکل په مشرۍ مسیحي دیموکراټ ګوند کابل ته د طالبانو له ننوتلو وړاندې سم چمتووالی نه و درلود.

لوفت‌هانزا ویلي چې د ځانګړو الوتنو لپاره «ځانګړي احتیاطي تدابیر» نیول اړین وو.

د طالبانو د ریاست الوزرا اقتصادي مرستیال ملا عبدالغني برادر په مشرۍ نن دوشنبې په ورځ «د لیندۍ ۲۶مه» د اقتصادي کمېسون په ناسته کې له کورنیو کرنیزو او مالدارۍ محصولاتو څخه د ګټې اخیستنې د کړنلارې مسوده له بحثونو وروسته تایید شوه.

دغه کړنلاره د بزګرانو او مالدارانو د اقتصادي ودې د پياوړتیا او په ورته وخت کې کورنیو کرنیزو او مالدارۍ محصولاتو ته د بازارموندنې په موخه جوړه شوې.

د طالبانو ریاست الوزرا وايي، چې له بحثونو وروسته پرېکړه وشوه چې د ملي دفاع او کورنیو چارو وزارتونه، د استخباراتو لوی ریاست او ورپسې ټولې ادارې او هېوادوال د خپلو اړتیاوو د پوره کولو لپاره وطني محصولاتو ته لومړیتوب ورکړي.
د طالبانو اقتصادي کمېسون سکټوري وزارتونو، ادارو او عامو خلکو ته سپارښتنه کړې چې د خپلو پروژو او ساختماني چارو په هغو برخو کې د غوري سیمنټو استفادې ته لومړیتوب ورکړي، چې په یادو برخو کې د دې فابریکې تولید شویو سیمنټو معیار پوره کړی دی.

د طالبانو دغه کمېسون د غوري سیمنټو فابریکې مسوولانو ته سپارښتنه کړې، چې د خپل ظرفیت لوړولو او په ټولو برخو کې د معیاري تولید په موخه هڅې ګړندۍ کړي څو هېواد د سیمنټو د تولید په برخه کې خودکفایۍ ته ورسېږي.

طالبان وايي د غوري سیمنټو فابریکه اوسمهال په ۲۴ ساعتونو کې ۷۰۰ ټنه تولید لري، چې کیفیت ته یې ځانګړې پاملرنه شوې ده.

په افغانستان کې د یونسکو مشرې دغې تاریخي ابدې ته د ځانګړې پاملرنې غوښتنه کړې.

په دې راپور کې د اغلې مک فیلیس له قوله لیکل شوي چې د سېلانیانو د تګ راتګ او اسانتیاوو لپاره به د هریرود د سیند پر غاړه دې څلي ته جوخت یو نوی پل هم جوړ کړي.

د جام څلی چې د غوریانو د تمدن یو شهکار ګڼل کېږي په ۲۰۰۲ میلادي کال کې د یونسکو له لوري د نړۍوالو کلتوري میراثونو په نوملړ کې شامل شو.

تر دې پخوا هم څو څو ځله د جام منار د ځینو برخو د نړېدو خبرونه خپاره شوي وو؛ خو بیا رغونې ته یې لا تر اوسه پورې هېڅ ډول ځانګړې پاملرنه نه ده شوې او نه هم په دې برخه کې عملي ګامونه پورته شوي دي.

تر دې وړاندې د طالبانو حکومت ځینې مشران او د افغانستان د شعیه ټولنې استازي دغې فاتحې ته له کابله پکتیا ته ورغلي وو.

په هغو انځورونو کې چې په خواله رسنیو کې خپاره شوي د کرېکټ ملي لوبغاړو له ډلې قیس احمد او شرف الدین اشرف تر څنګ د ملي لوبډلې روزنکی رییس احمدزي هم د فاتحې کوونکو په دغې ډله کې شامل دی.

په ټولنیزو رسنیو کې لاس په لاس کېدونکو انځورونو کې ښکاري چې د طالبانو د کورنیو چارو وزیر سراج الدین حقاني د فاتحې په دغو مراسمو کې نشته او د کرېکټ بورډ دغه غړو د هغه د کورنۍ یوه بل غړي ته فاتحه کړې ده.

همدا راز یو شمېر چینايي سوداګر هم پکتیا ته د خلیل الرحمن حقاني د فاتحې مراسمو ته ورغلي دي.

خلیل الرحمن حقاني چې د طالبانو د کډوالو او بېرته راستنیدونکو چارو وزارت وژل مخکنی وزیر و، پنځه ورځې وړاندې په یو ځانمرګي برید کې ووژل شو.

د حقاني شبکې د رهبرۍ د دغه غړي فاتحې ته د افغانستان د بېلابېلو ولایتونو تر څنګ د ځینو بهرنیو هېوادونه خلک هم ورغلي؛ خو د طالبانو مشر ملا هیبت‌الله نه یوازې دا چې د هغه په جنازه کې ګډون یې ونه کړ بلکې لا تر اوسه یې په فزیکي توګه د نوموړي کورنۍ ته فاتحه هم نه ده کړې.

د طالبانو د بهرنیو چارو وزارت نن دوشنبه د (لیندۍ ۲۶مه) د یوې خبرپاڼې په خپرولو سره ویلي، چې د دغې ډلې د بهرنیو چارو وزیر امیرخان متقي هرات ولایت ته د سفر په لړ کې په تور غونډۍ کې د ترکمنستان د بهرنیو چارو له وزیر رشید مرادوف سره لیدلي دي.

د طالبانو د بهرنیو چارو وزارت مرستیال ویاند حافظ ضیاء احمد وايي،‌ د افغانستان او ترکمنستان ګډې پولې ته څېرمه په دغه لیدنه کې د ټاپي نل لیکې د رغونې چارو تر څنګ،‌ د اوسپنې پټلۍ غځونې، برېښنا او په تورغونډۍ کې د اوسپنې ګودامونو پر جوړولو خبرې شوې دي.

نوموړی زیاتوي چې دواړه لوریو د اقتصادي اړیکو پر پیاوړتیا، د ټرانسپورټي چارو پر اسانتیاوو او همدا راز د ویزو د بهیر پر ساده کولو هم خبرې کړې دي.

د طالبانو د بهرنیو چارو وزارت په خپرې شوې خبرپاڼه کې دا هم ویلي چې د بهرنیو چارو وزیر په هرات کې د طالبانو له والي مولانا اسلام جار سره هم ناسته کړې او په بېلابېلو موضوعاتو یې ورسره خبرې کړي دي.

ټاپي پروژه چې د پخواني جمهوري حکومت پر مهال پیل شوې وه اوس پرې طالبان خپل تبلیغاتي فعالیتونه ګرم ساتي.

د ټاپي پروژې له لارې د ترکمنستان د ګازو سرچینې د یوې نل لیکې په وسیلهپاکستان او بیا هند ته لېږدول کېږي چې پخوا دغه پروژه د طالبانو د وسله والو فعالیتونو له کبله له خورا ډېر ځنډ او خنډ سره مخ شوې وه.

پر طالبانو نیوکه کېږي چې د جمهوریت پر مهال هغه پیل شوې پروژې چې نیمګړې پاتې دي او د نا امنۍ له کبله یې دوی مخه نیولې وه، اوس پر خپلو تبلیغاتي فعالیتونو داسې ښيې چې ګوندې هېواد کې رغنیزې پروژې دوی پیل کړې دي.