طالبانو په پکتیکا ولایت کې یو کس د غلا په تور په عام محضر کې په دُرو وهلی
طالبانو په تېرو دوو اونیو کې په سمنګان، کندوز، کابل، پکتیا، غزني، کاپیسا، میدان وردګ، فاریاب او خوست ولایتونو کې د شپږو ښځو په ګډون ۳۳ تنه په عام محضر کې په دُرو وهلي دي.
طالبانو په تېرو دوو اونیو کې په سمنګان، کندوز، کابل، پکتیا، غزني، کاپیسا، میدان وردګ، فاریاب او خوست ولایتونو کې د شپږو ښځو په ګډون ۳۳ تنه په عام محضر کې په دُرو وهلي دي.
د طالبانو سترې محکمې نن دوشنبه (لیندۍ ۲۶مه) په یوه خبرپاڼه کې لیکلي چې یاد کس ته یې نن د پکتیکا ولایت د چابران ولسوالۍ د ابتدایي محکمې له خوا د ځايي طالب چارواکو او عامو خلکو په حضور کې سزا ورکړې ده.
د طالبانو ستره محکمه زیاتوي، چې یاد کس یې په یو کال او اووه میاشتې تنفیذي بند محکوم کړی او د عامو خلکو د سترګو پر وړاندې یې ۲۵ دُرې وهلی دی.
طالبان وايي، پر دغه تورن کس یې یاد حکم د سترې محکمې تر تایید وروسته عملي کړ.
د طالبانو له لوري په عام محضر کې د بدني سزاګانو ورکولو کړنې د بشري حقونو ملاتړو ادارو او سازمانونو له سخت غبرګون سره مخامخ دي، خو یادې ډلې نړیوالو غبرګونونو ته له ځواب ورکولو پرته په تېرو دوو اونیو کې په سمنګان، کندوز، کابل، پکتیا، غزني، کاپیسا، میدان وردګ، فاریاب او خوست ولایتونو کې د شپږو ښځو په ګډون ۳۳ تنه په عام محضر کې په دُرو وهلي دي.
طالبان وايي، یاد کسان په غلا، نامشروع اړیکو، فریبکارۍ، لواطت، زنا او رشوت اخیستلو تورن وو.
