اسراییلي رسنیو د شنبې په ورځ د یمن له لوري پر تلابیب د توغنديز برید خبر ورکړی دی. د راپورونو له مخې په دغه برید کې ۱۴ تنه برسیرن ټپیان شوي. د اسراییل پوځ منلې چې له یمن څخه یې د توغندي توغول لیدلي، خو په شنډولو کې یې پاتې راغلل.
د اسراییل پوځ ويلي چې دغه توغندی په یوه سیمه لګېدلی او ویلي یې دي چې د دغه برید جزیات به له رسنیو سره شریک کړي.
اسراییلي رسنیو ویلي، له یمن څخه توغول شوی بالستیک توغندی د تلابیب په یوه پارک کې لګېدلی دی.
له دغه برید وروسته د اسراییل په مرکزي سیمو کې د خطر زنګونه وغږېدل.
د راپورونو له مخې، ډېری ټپیان له برید څخه د تیښتې پر مهال د شیشو د ماتیدو او یا له برید وروسته د تېښتې پر مهال ټپیان شوي.
