د ترکیې د بهرنیو چارو وزیر وايي، د ایران او اسراییل ترمنځ د جګړې احتمال شته

د ملګرو ملتونو د ماشومانو د ملاتړ سازمان په خپل تازه خپره شوې خبرپاڼه کې ویلي، چې په غزه کې ماشومان له بشري ناورین سره مخ دي او د ژوند ژغورلو لپاره یې بېړنیو بشري مرستو ته اړتیا ده تر څو د دوی لپاره خوندي چاپیریال رامنځته شي.

یونېسف په وار وار ویلي چې د نړۍ په هېڅ جګړه کې د فلسطین هومره ماشومان نه دي وژل شوي.

د ملګرو ملتونو د معلوماتو له مخې په غزه کې د اسراییلي ځواکونو روانې جګړې د ماشومانو ژوند ته جدي ګواښ پېښ کړی او دغلته د جګړې ۷۰ سلنه قربانیان ښځې او ماشومان دي.

د رسمي شمېرو له مخې تر دې دمه د اسراییلي ځواکونو له لوري ۴۳زره فلسطینیان وژل شوي‌ چې په وژل شويو کې ۱۳زره کوچنیان او شپږ زره ښځې شاملې دي.

تر دې وړاندې د جمعیت علمای اسلام ګوند مشر غوښتل چې په پاکستان کې د پوهنې وزارت پر ځای په ۱۸۶۰ کال کې د تصویب شوي «انجمن قانون» له مخې دیني مدرسې اداره کړي.

کله چې د دیني مدرسو د ثبتولو قانون د پارلمان په دواړو جرګو کې تر تصویب وروسته ولسمشرۍ ته واستول شو، ولسمشر اصف علي زرداري مخالفت څرګند کړ او د بیا کتنې لپاره یې پارلمان ته ولېږه.

فضل الرحمان د دیني مدرسو د ثبتولو قانون د تایید سره وویل چې دا قانون له حکومت سره د هغې د هوکړې یوه برخه وه، چې په ملي اسمبلۍ کې د اساسي قانون د ٢٦م ترمیم تصویبول دي.
فضل الرحمان دا ګواښ هم کړی، چې که مرکزي حکومت د دغه قانون له تصویب ډډه وکړي، نو د اسلام اباد پر لور به لوی لاریون پیل کړي.

د پاکستان ولسمشر اصف علي زرداري وايي، په پارلمان کې د دیني مدرسو د ثبت قانون د تصویب لپاره د مولوي فضل الرحمن ټینکار د هېواد د ملي ګټو لپاره ډېرې بدې پایلې لري.

زرداري وويل:« دغه لايحه د نړيوالو سازمانونو په ځانګړې توګه د نړيوال تروريزم سره د مبارزې په چوکاټ کې د پيسو مينځلو په وړاندې د مبارزې لپاره د نړيوالو بنسټونو د غبرګون سبب کيداى شي.»

هغه همداشان زیاته کړه: «د دیني مدرسو د ثبتولو د قانون د تصویب لپاره هر ډول اقدام به په پاکستان کې فرقه ییزو اختلافاتو ته لمن ووهي.»

فضل الرحمان د سې شنبې په ورځ له رسنیو سره په خبرو کې وویل چې په دې غونډه کې یې خپل دریځ تکرار کړ.

هغه وويل: "که ولسمشر پر دې قانون اعتراض ولري، يو ځل يې مخکې هم کړى دى ، نو د ولسي جرګې رييس د هېواد د اساسي قانون او قوانينو له مخې لازم اصلاحات ترسره کړي او د هغه د اعتراض ځواب یې ور کړى دى."

هغه زیاته کړه: "ولسمشر د دې ځواب په وړاندې کوم غبرګون وښود او نه یې هم په خپل اعتراض ټینګار وکړ."

په پاکستان کې د مدرسو په اړه یوازې د دغه هیواد حکومت اندېښنې نه لري؛ بلکې د پاکستان په ګاونډ کې پراته هیوادونه هم شکایت کوي چې له دغو مدرسو افراطیت د پاکستان په ګډون ورڅېرمه هیوادونو ته خپریږي.
له ۲۰۰۴ کال نیولې بیا تر ۲۰۲۱ پورې د افغانستان تېرو جمهوري حکومتونو په افغانستان کې د حکومت پر خلاف د نا امنۍ په رامنځته کېدو کې د دغو مدرسو رول ډیر بللی وو او د پاکستان حکومت ته یې په دغه موده په رسمي او نا رسمي ډول خپل شکایتونه هم کړي وو، خو پاکستان پرې غوږ نه ګراوه.
اوس تازه د پاکستان حکومت په دغه هیواد کې د نا امنۍ تر ډېرېدو وروسته د دیني مدرسو د ثبت چاره پیلوي چې د مذهبي ګوندونو له سخت غبرګون سره مخ شوې ده.

دغه اداره د ۲۰۲۳ کال د مۍ مياشتې لاريونونه د دغه هېواد د تاريخ یو تیاره فصل بولي.

دغه لاريونونه د پاکستان د پخواني لومړۍ وزير عمران خان د نیولو پر ضد شوي وو.

د پوځ مطبوعاتي دفتر وایي، چې په دې لاريونونو کې ۲۵ کسان محاکمه شوي، چې له دوو تر ۱۰ کلنو د بند سزا ورکړل شوې.

په اعلاميه کې راغلي: « دغه سزاګانې ملت ته د عدالت د رسولو په برخه کې یو مهم ګام» دی.

د دوی په خبره، چې عدالت به هغه وخت حاکم شي، چې د لاريونونو پلان جوړونکې او مسولين هم محاکمه شي.

د اعلاميې له مخي، نورو تورنو کسانو ته به هم له قانوني پوښتنو او څېړونو وروسته سزا اعلان شي.

د پوځ په دې اعلاميه کې ویل شوي: «هغوی چې د شخصي ګټو په اساس بې قانونه کړنې تر سره کوي او قانون په خپل لاس کې اخلي له دې محاکمې دې عبرت واخلي.»

په اعلامیه کې د همدې محاکمه شويو ۲۵ کسانو هویت او مالومات هم خپاره شوي دي.

د پاکستان پوځي محکمې دغو کسانو ته سزا پر داسي مهال اعلان کړې، چې د پاکستان د ځمکنیو، هوايي او بحري قواوو د ګډ استخباراتي سازمان ای ایس ای د پخواني رییس متقاعد جنرال فیض حمید محاکمه هم په رسمي توګه په یوه پوځي محکمه کې د دسمبر په یوولسمه نیټه پیل شوه.

په فیض حمید څو تورونه لګیدلي دي؛ چې هغه په سیايی فعالیتونو کې برخه اخستي، نوموړي دولتي اسرار افشا کړي، د ای اېس ای د رئیس په توګه هغه له خپلو صلاحیتونو ناوړه استفاده کړې او د یوه سړي په کور یې حمله کړې او ډیره دارايي یې ورنه چورکړې ده.

د پوځ په خبر پاڼه کې دا هم راغلي وو چې د ۲۰۲۳د مۍ د میاشتې په نهمه نیټه د پاکستان په مختلفو ښارونو کې د پوځ په مرکزونو باندې شویو بریدونو کې د فیض حمید د نقش په باره کې پلټنې روانې دي.

افغانستان انټرنشنل پښتو ته نن شنبه د (مرغومي لومړۍ نیټه) له سوېلي وزیرستان څخه باوري سرچینو ويلي، چې تېره شپه د مکین په لیټه سیمه کې یوې لویې ډلې وسله والو د پاکستاني پوځ پر یوه مرکز برید کې د جګړې پر مهال ۱۶ پاکستاني عسکر وژلي او اته نور یې ټپیان کړي دي.

تحریک طالبان پاکستان د دغه برید مسوولیت منلی او ادعا یې کړې چې په دغه برید کې ېې تر ۵۰ پاکستاني پوځیان وژلي او تپیان کړي دي.

پاکستاني رسنۍ خراسان ډایري هم په خپله ایکس پاڼه لیکلي، چې په تیرو میاشتو کې په یوه تر ټولو لوی برید کې، د خیبرپښتونخوا د سوېلي وزیرستان په مکین سیمه کې ۱۶ پوځیان وژل شوي او اته نور ټپیان شوي دي.

وايي، یوه حکومتي چارواکي خراسان ډایري ته وویل: «د لیټه په سیمه کې یوه امنیتي پوسته د شپې ناوخته تر برید لاندې راغلې.»

په سیمه کې خپلواک خبریال لال وزیر هم افغانستان انټرنشنل ته ویلي، چې د مکین په لیټه کې د پاکستان پوځ پر پوسته سخته جګړه شوې چې په پایله کې یې دغه مرګ ژوبله اوښتې ده.

ویل کیږي، تېرې څو ورځې په دغې سیمه کې د پاکستاني پوځ له لوري د وسله والو پر ضد چاڼیز عملیات روان وو.

مکین په سویلې وزیرستان د وسله والو تر ټولو لوی خوندي ځای ګڼل کیږي او تر دې وړاندې هم هلته په پاکستاني پوځ سخت بریدونه شوي او درنه مرګ ژوبله یې ور اړولې ده.

د ساکسوني-انهالټ ایالت لومړي وزیر رینر هاسیلوف وویل، ددې پېښې په وژل شویو کې یو یې ماشوم دی او نږدې ۶۰ کسان ټپیان شوي دي.

هاسیلوف زیاته کړه، چې ددې پېښې په تړاو یې یو ډاکټر چې د سعودي عبربستان تبعه دی نیولی دی.

هاسیلوف وویل: "دا یوه وحشتناکه تراژیدي ده او د مګدبورګ ښار، د دولت او په ټولیزه توګه د جرمني لپاره یو ناورین دی."

پولیسو د تلفاتو د شمېر له ورکولو څخه ډډه کړې، خو په دغه بازار کې چې د کریسمس لپاره په کې خلکو راټول شوي، په لویه کچه تصفیوي عملیات تاییدوي.

د جرمني صدراعظم اولاف شولز وویل، راپورونه ښيي چې یو ناوړه پیښه رامنځ ته شوې .

نوموړي پر اېکس پاڼې د قربانیانو له کورنې سره همدردي ښودلې.

مګډبورګ د برلین سویل لویدیز شاوخوا ۱۵۰ کیلومتره کې موقعیت لري.

تر دې مخکې د ۲۰۱۶ کال د ډسمبر په ۱۹مه د داعش یوه تونسي غړي د برلین د کریسمس په بازار کې پر خلکو برید کړی و چې ۱۲ کسان ووژل او ۴۸ نور یې ټپيان کړل.