د بې پولې خبریالانو سازمان پر طالبانو غږ کړی، چې د ارزو خصوصي ټلویزیون ۷ کارکونکي چې د جلا وطنه رسنیو سره د همکارۍ په تور یې د روانې میاشتې په اتمه نېټه محاکمه ده باید دغه تورونه ترې لرې کړای شي.
دغه سازمان د جمعې په ورځ (د جدي ۷ مه) پر اېکس لیکلي: "د ارزو تلویزیون د اوو کارکوونکو محاکمه چې له ۱۴ ورځو توقیف وروسته په ضمانت خوشې شوي، سبا به پیل شي."یاد سازمان ویلي چې د ارزو تلویزیون کارکوونکو لګېدلي تورونه باید لغوه شي.په کابل کې د ارزو تلویزیون د دفتر مدیر امان الله عظیمي، خالد بارکزی مدیر، امیر حسین اتریان پروډیوسر او اداري مدیر، ظهیر فیضي د تولیداتو د څانګې مسوول، سمیع احمد بیک، هارون عرفان او بکتاش رووفي د تلویزیون د تولیدي څانګې کارکوونکي، نیول شوي او د پلچرخي زندان ته لیږدول شوي وو.دوی د لیکلي تضمین په ورکولو سره له بند څخه خوشې شوي چې دوی به د کابل څخه نه وځي او د محکمې په غونډه کې به ګډون وکړي.تر دې مخکې د افغانستان د خبریالانو مرکز اعلان کړی و چې طالبانو په کابل کې د دې رسنۍ دفتر تړلی او تر دې دمه ورته د فعالیت اجازه نه ده ورکړل شوې.
