د خوست پخواني والي حلیم فدایي د افغانستان او پاکستان وروستیو ترینګلتیاوو او په سوشل میډيا کې د واخان کوریډور په اړه پروپاګنډ ته په غبرګون کې ویلي، په دې کار پاکستان هڅه کوي څو نیابتي ملیشې جوړې او په خپله امنیتي خپلواکۍ کنټرول وساتي.
په سوشیل میډيا داسې اوازې دي، چې د افغانسان واخان سیمه پاکستاني پوځ نیولې او یا یې نیسي څو د پاکستان برخه یې وګرځوي.
حلیم فدایي په خپل اېکس کې لیکلي: « څوک یې په ډېورنډ او څوک یې په واخان بوخت کړي دي. پاکستان له نېمې پېړۍ زیات په همدې موخه نیابتې ملیشې جوړوي ترڅو د هېواد سیاسي او امنیتي استقلالیت او بشپړ مدیریت لاس کې واخلي.»نوموړی زیاتوي، چې پاکستان زیات شمېر خلک ګومارلي څو د افغانستان د قومونو ترمنځ هویتي حساس بحثونه راولاړ کړي، خو هغه څه چې ستونزه حل کوي هېڅوک هم ورته متوجه ندي.د فدایي په خبره د افغانستان د سیاسي واک غم خوړل پکار دي.وروسته له هغې چې د پاکستان او افغانستان ترمنځ اړیکې ترینګلې شوې او په یو بل یې بریدونه وکړل، نو په سوشل میډيا د افغانستان د واخان سیمې موضوع ګرمه شوه چې ګنې پاکستانی پوځیان هڅه کوي، چې دغه سیمه د پاکستان برخه وګرځوي.خو د چارو پوهاند په دې اند دي، چې د پاکستان استخباراتي ادارې دا ډول کیسې او مانورونه هغه مهال کوي، چې کله ولس ته د ویلو لپاره ډېر څه نه لري.پخوا هم ورته اوازې خپرې شوې وې، چې د طالبانو دفاع وزیر ملا یعقوب پرې سخت غبرګون وښود او واخان یې د افغانستان د سر په توګه یاد کړ او ویې ویل، چې د سر په بدل به د خپل هېواد له سر څخه ساتنه وکړي
