امریکا په یمن کې د حوثیانو په دفاع وزارت برید کړی
د امريکا د پوځ د مرکزي قومندانۍ سنټکام اعلان وکړ، چې امریکایي ځواکونو په صنعا کې د ایران تر ملاتړ لاندې د حوثي وسله والو پر څو اډو او د یمن په شاوخوا نورو سواحلي سیمو بریدونه وکړل.
د امريکا د پوځ د مرکزي قومندانۍ سنټکام اعلان وکړ، چې امریکایي ځواکونو په صنعا کې د ایران تر ملاتړ لاندې د حوثي وسله والو پر څو اډو او د یمن په شاوخوا نورو سواحلي سیمو بریدونه وکړل.
حوثي وسله والو ویلي، چې په دې بریدونو کې په صنعا کې د دفاع وزارت ودانۍ هم په نښه شوې ده.
د سنټکام د اعلامیې له مخې، امریکا دغه بریدونه د دوشنبې او سې شنبه په ورځو د حوثي وسله والو د وسلو د تولید په تاسیساتو او نورو پر مختللو وسلو کړي دي.
په اعلامیه کې دغه راز زیاته شوې ده، چې حوثي وسله والو له دغو تاسیساتو څخه په سویلي سور سمندر او د عدن په خلیج کې د امریکا په پوځي او سوداګریزو کار اخیسته.
د سنټکام په خبره، د امریکایانو او حوثي وسله والو په دغو نویو بریدونو کې امریکایي ځواکونو او تجهیزاتو ته کوم زیان نه دی اوښتی.
له دې سره، د یمن د حوثي وسله والو ویاند بیا په خپل اېکس کې د امریکا بریدونو ته په غبرګون لیکلي، چې دغه ډله به د یمن دفاع ته دوام ورکړي.
له دغو بریدونو سره سم، امریکا له عراق څخه غوښتي چې د حوثیانو دفتر ور بند کړي او مشران یې له دې هېواد څخه وباسي.
عراق بیا تر اوسه د امریکا د دغې غوښتنې په اړه څه نه دي ویلي.
