پاکستاني رسنۍ: د حکومت او تحریک انصاف ګوند ترمنځ د خبرو دویم پړاو به نن پیل شي
پاکستاني رسنۍ اردو نیوز راپور ورکړی، چې د پاکستان د حکومت او تحریک انصاف ګوند ترمنځ د خبرو اترو دویم پړاو به نن پیل شي.
پاکستاني رسنۍ اردو نیوز راپور ورکړی، چې د پاکستان د حکومت او تحریک انصاف ګوند ترمنځ د خبرو اترو دویم پړاو به نن پیل شي.
په دغه راپور کې راغلي، چې د قامي اسمبلۍ مشر سردار ایاز صادق به د دغو مذاکراتي کمېټو د غونډې مشري کوي.
د راپور له مخې، د نن ورځې په غونډه کې به تحریک انصاف خپل وړاندیزونه وړاندې کړي.
دارنګه د تحریک انصاف ګوند به د عمران خان د خوشې کېدو ترڅنګ د خپلو نورو بندیانو د خوشې کولو غوښتنه هم وکړي.
له بل پلوه د پاکستان د دفاع وزیر خواجه اصف بیا ويلي، چې حکومت له تحریک انصاف ګوند سره د ملي ګټو لپاره مذاکرات پیل کړي دي.
هغه د یوې رسنۍ سره په مرکه کې د پاكستان تحريك انصاف له مشرانو وغوښتل، چې د ملي ګټو لپاره كار وكړي.
تر دې دوه ورځې وړاندې د خيبر پښتونخوا سر وزير علي امين ګنډاپور ويلي و، چې په بهرني فشار باور نه لري؛ بلکې د خلکو په زور به د پاکستان د تحريک انصاف بنسټګر عمران خان خوشې کېږي.
هغه له جيو نيوز سره په خبرو کې د مذاکراتو په اړه ویلي و: «زه به په مذاکراتي کمیټه کې هرو مرو شامل شم.»
د هغه په وینا، عمران خان د خپل ځان پر ځای د پاكستان د راتلونکې لپاره مذاكراتي كمېټه جوړه كړې ده.
