پاکستاني رسنۍ وایي تیر زیږدیز کال په دغه هېواد کې نږدې ۳۵۰ ناموسي وژنې شوېدي
د پاکستان ډان ورځپاڼې لیکلي چې د تېر ۲۰۲۴ کال له جنورۍ څخه تر نومبر میاشتې په دغه هېواد کې د ناموس او عزت ساتلو په نوم ۳۴۶ میرمنې وژل شوې دي.
د پاکستان ډان ورځپاڼې لیکلي چې د تېر ۲۰۲۴ کال له جنورۍ څخه تر نومبر میاشتې په دغه هېواد کې د ناموس او عزت ساتلو په نوم ۳۴۶ میرمنې وژل شوې دي.
دغې ورځپاڼې د پاکستان د بشري حقونو له قوله لیکلي چې لا هم د دغه هېواد په بېلابېلو سیمو کې ناموسي وژنې یو جدي ستونزه او ننګونه ده، چې ګڼې کورنۍ یې د شرم او پیغور له امله د خپلو کورنیو نجونې او مېرمنې وژني.
دغه کمیسیون ویلي، چې د دغو وژنو ډېرې یې په سند او پنجاب صوبو کې شوې، چې له امله یې د دغه کمیسیون اندیښنې یې زیاتې کړې دي.
د پاکستان د بشري حقونو کمیسیون ویلي، د تېر کال په اکتوبر کې یو کس د خپلې مور په ګډون د خپلې کورنۍ څلور مېرمنې د ټیک ټاک ویډیوګانو په تور ووژلې.
نوموړي پولیسو ته ویلي و چې د دوی له خوا خپرو شویو ویډیو ګانو د دوی کورني عزت ته زیان رسولی و.
دا رنګه د نومبر په میاشت کې د پنځو ماشومانو مور په فیصل اباد کې د خپل خاوند او ورور له خوا ووژل شوه، د راپورونو له مخې دغه میرمن په جنسي اړیکو تورنه شوې وه او د خښتو او ډبرو په ویشتلو سره په قتل رسیدلې وه.
د پاکستان په ډېرو ښارونو کې دا مهال د نا امنۍ د پیښو د زیاتیدو تر څنګ ډېر خلک له رواني ستونزو سره هم مخامخ شوي چې د ناموسي وژنو یو لامل هم همدغه رواني ستونزې یادیږي.
