د طالبانو پر ضد جګړه کوونکې د ملي مقاومت په نامه جبهې د بهرنیو اړیکو مسوول علي میثم نظري د (مرغومې ۱۸مه) پر خپلې اېکس پاڼه د طالبانو تر واک لاندې افغانستان سره د امریکا لوري هره اونۍ د څلوېښت میلیونه ډالرو د نغدي کڅوړې پر ورکړې توندې نیوکې کړي دي.
هغه ادعا کوي چې د امریکا له لوري طالبانو ته هره اونۍ ورکول کېدونکې څلوېښت میلون ډالري کڅوړو څخه د دغې ډلې تر څنګ القاعده او ۲۱ نورې ترهګرې ډلې مالي ملاتړ ترلاسه کوي.علي میثم نظري زیاته کړې چې د طالبانو تر واک لاندې اوس په افغانستان کې القاعده او نورې ترهګرې ډلې پټنځایونه لري.هغه ویلي چې د بایډن تر مشرۍ لاندې حکومت په افغانستان کې طالبانو ته د ۷ میلیارده ډالرو په ارزښت پوځي وسایل پرېښودل او د جمهوري نظام تر نسکوریدو وروسته یې یاده ډله په خپلو مالي مرستو لا مظبوطه کړه.دغه څرګندونې داسې مهال کېږي چې د امریکا د طالبانو تر واک لاندې له افغانستان سره د امریکا څلوېښت میلیون ډالري کڅوړو مرستې جدي اندیښنې او بحثونه راپارولي دي. د امریکا د استازو جرګې غړي په یوه لیک کې د امریکا له نوي ټاکل شوي ولسمشر ډونالډ ټرمپ څخه غوښتي چې ژر تر ژره پر طالبانو اونیزې نغدي کڅوړې بندې کړي.تازه د افغانستان د پخواني جمهوري نظام مرستیال امرالله صالح هم د بایډن پر ادارې توندې نیوکې کړي او د طالبانو په مالي ملاتړ یې تورنه کړې ده.په ورته مهال د نړۍ ستر شتمن او امریکایي میلیارد له طالبانو سره د امریکا پر نغدي کڅوړو حیرانتیا ښودلې ده.
