جوبایډن: په غزه کې توپونه خاموشه دي او سیمه په بنسټیز ډول بدله شوې ده
ولسمشر جو بایډن د یکشنبې په ورځ په غزه کې د اسراییل او حماس ترمنځ د اوربند هرکلی وکړ او ویې ویل "سیمه په بنسټیز ډول بدله شوې ده."
ولسمشر جو بایډن د یکشنبې په ورځ په غزه کې د اسراییل او حماس ترمنځ د اوربند هرکلی وکړ او ویې ویل "سیمه په بنسټیز ډول بدله شوې ده."
د اوربند له عملي کېدو څو ساعته وروسته بایډن وویل: "له دومره درد، مرګ او ژوند له لاسه ورکولو وروسته نن په غزه کې توپونه خاموشه شوي دي."
دغه خبرې بایډن د خپلې ولسمشرۍ په وروستۍ ورځ سویلي کارولینا ته د سفر په جریان کې وکړې.
ډونالډ ټرمپ د هغه ځای ناستی ټاکل شوی او په غزې ټرانګه کې د یوې دوامداره سولې لپاره د لومړني اوربند په اړه ورته پېچلې دنده په میراث پاتې ده.
بایډن په خپلو خبرو کې د اسراییل د کلک ملاتړ ژمنه تکرار کړه او زیاته یې کړه، چې د اسراییل لپاره امریکا په پراخه جګړه کې راښکېل کېدای شي.
نوموړي وویل: "اوس سیمه په بنسټیز ډول بدله شوې ده."
د دې خبرې په څرګندولو سره بایډن وویل، چې د حماس لوړپوړي مشران وژل شوي او "په منځني ختیځ کې د هغې تمویل کونکي د متحده ایالاتو په ملاتړ د اسراییلو لخوا خورا کمزوري شوي دي.
سربېره پردې بایډن زیاته کړه: "په سوریه کې د بشارالاسد رژیم له منځه تللی او لبنان ته یې د ایران چمتو لاسرسی بند کړی دی. ایران په څو لسیزو کې تر ټولو کمزوری حالت کې دی.»
د بایډن همکارانو ویلي، چې د اوربند وروستي شرایط په پراخه کچه د هغه اوربند طرحې تعقیبوي، چې د مې په میاشت کې وړاندیز شوې وې.
مګر ټاکل شوي ولسمشر ټرمپ او د هغه مشاورین وايي، چې یوازې د بایډن ټیم سره د هغه د خپلو همکارانو ښکېلتیا ددې لامل شوه، چې په غزه کې د ټوپکو غږونه خاموشه کړي.
ډاکټرانو ویلي، چې سیف علي خان له خطر څخه وتلی او له روغتون نه رخصت شوی دی.
د ممبۍ د پولیسو مرستیال کمشنر دکیت ګیدم رسنیو ته وویل، « لومړني شواهد ښيي چې نیول شوی سړی د بنګله دیش تابعیت لري او هند ته له غیرقانوني راتګ وروسته یې خپل نوم بدل کړی دی».
دغه دویم مشکوک کس، چې د ممبۍ ښار په څنډو کې نیول شوی، د وېجي داس نوم کاراوه خو ګومان کیږي چې هغه محمد شریف الاسلام شهزاد نومیږي او پنځه یا شپږ میاشتې مخکې ښار ته له راتګ وروسته یې ددندو له یوې ادارې سره کار کاوه.
خان، چې عمر یې ۵۴ کاله دی، په خپل کور کې د غلا د هڅې پر مهال د یوه بریدګر له خوا د چړې شپږ وارونه خوړلي دي.
ډاکټرانو وویل چې هغه د غاړې او لاسونو په برخو کې له ټپونو وروسته عملیات شوی.
له افغانستان سره تاریخي تړاو
د سیف علي خان کورنۍ د هندي کلتورونو یوه ګډوله ده ځکه دواړې میندې یې هندوې وې او ده هم له هندوې کرینا کپور سره واده کړی.
د هندي رسنیو د رپوټونو له مخې، د سیف علي خان اړوند پټوډي کورنۍ ریښې د افغانستان کندهار ولایت ته ورګرځي چې وروسته په هند کې مېشت شول.
فایز طالب خان د دې کورنۍ بنسټګر د دویمې انګلو-مرهټه جګړې پرمهال له ایسټ انډیا کمپنۍ سره همکاري درلوده او د دې مرستې په بدل کې د بریتانیا پوځي افسرانو هغه ته په۱۸۰۴ کال کې پټوډي ملکیت ورکړ. په ځانګړې توګه، د خان نیکونه د کندهار پښتانه دي.
د فایز طالب خان نسلونو تر ۱۹۴۹ پورې پر دې ملکیت حکومت وکړ تر دې چې د هند له استقلال وروسته دا ملکیت له پنجاب سره یوځای شو. د پټوډي وروستی رسمي نواب منصور علي خان پټوډي و. هغه مشهور کرکټ لوبغاړی و. منصور له خپل پلار افتخار علي خان پټوډي څخه دا ویاړ ترلاسه کړ.
سیف علي خان: د کرکټ میراث
منصور علي خان پټوډي د ۲۱ کالو په عمر کې د هند د کرکټ ټیم تر ټولو ځوان کپتان شو. د هغه پلار افتخار علي خان هم د ټیم کپتان و. منصور د بالیووډ له لوبغاړې شرمیلا ټاګور سره واده وکړ او دوی درې ماشومان درلودل - سیف علي خان، سوها علي خان او سبا علي خان.
سیف علي خان دوه ځلې واده کړی دی. د هغه لومړی واده له سینمايي لوبغاړې امرېتاسینګ سره و، چې له هغې دوه ماشومان سارا علي خان او ابراهیم علي خان لري.له طلاق وروسته سیف له کرینا کپور سره واده وکړ او دوی دوه زامن تیمور علي خان او جېه علي خان لري. د سیف خور سوها علي خان له سینمايي لوبغاړي کنال کمیو سره واده کړی. د هغه بله خور سبا مجرده او د سرو زرو ډیزاینره ده.
د هند له استقلال وروسته چې د ۱۹۷۱ کال شاهي لقبونه لغو شول، د پټوډي کورنۍ رسمي وضعیت د سیمه ییزو شاهانو په توګه پای ته ورسېد. د دې کورنۍ ګڼ شمېر غړي، چې د پاکستان کرکټ بورډ پخوانی رییس شهریار خان هم پکې شامل و، پاکستان ته کډه شول.
