قطر وایي دوی د امریکا او طالبانو تر منځ د بندیانو په تبادله کې بریالی کردار لاره
د قطر د بهرنیو چارو وزارت ویلي دوی د امریکا او طالبانو تر منځ د بندیانو د تبادلې په کار کې اسانتیاوې برابرې کړې وې چې په وینا یې ډېرې بریالۍ هم وې.
د قطر د بهرنیو چارو وزارت ویلي دوی د امریکا او طالبانو تر منځ د بندیانو د تبادلې په کار کې اسانتیاوې برابرې کړې وې چې په وینا یې ډېرې بریالۍ هم وې.
د قطر د بهرنیو چارو وزارت په یوې خبرپاڼه کې د وزیر محمد بن عبدالعزیز بن صالح الخلیفه له قوله، د چهارشنبې په ورځ د (مرغومي په درېیمه) لیکلي، د دوی ډیپلوماټیکې هڅې د دې لامل شوې چې یو طالب بندي د دوو امریکایي بنديانو سره تبادله شي.
په خبرپاڼه کې دا رنګه ویل شوي، چې قطر په افغانستان کې د سولې او ټیکاو پلوی دی او د دغه هېواد له خلکو څخه دوامداره ملاتړ ته دوام ورکوي.
د دغې تبادلې په پایله کې د یکشنبې په ورځ رایان کوربېټ او ویلیم مګ کنټي هغه دوه امریکایي بندیان و چې د طالبانو د یو غړي خان محمد په بدل کې د قطر په منځګړیتوب تبادله شول.
تر دې وړاندې داسې ګنګوسې هم وې چې په دغه تبادله کې افغان توکمه امریکایي تبعه محمود شاه حبیبي هم تبادله کیږي، خو لا هم د هغه د برخلیک په اړه معلومات نه شته او طالبانو د هغه د نیولو او ځای ځایګي په اړه هم تر اوسه څه نه دي ویلي.
