اتلانو جام: په دوبۍ کې د هند او پاکستان د سیالۍ لپاره ټکټونه په یوه ساعت کې پلورل شوي

د ۱۹ کلنو کم عمره نجونو نړۍوال جام سیالۍ چې د مالیزیا په کولالمپور کې روانې وې په پای لوبه کې یې سوېلي افریقا کرېکټ لوبډلې په ټاکلو شلو اورونو کې د ټولو لوبغاړو په سوځېدو سره ۸۲ منډې وکړې.

د هندي لوبډلې توپ اچوونکې ګوګانډي ترېشا تر نورو ښه توپ اچونه وکړه او په څلورو اورونو کې یې د ۱۵ منډو په ورکولو د مقابلې لوبډلې درې ویکټې واخیستي.

د هند له ۱۹ کلونو کم عمره ملي لوبډلې د سوېلي افریقا له خوا ورکړی هدف په دولسم اوور کې د یوې لوبغاړې په سوځېدو پوره کړ او د نړۍوال جام اتلولي يې په خپل نوم کړ.

دا دویم ځل دی، چې هندوستان د نولس کلنو کم عمره لوبډلې نړۍوال جام ګټي.

د کرېکټ بورډ چارواکو ویلي، چې دغه سیالۍ یوه یې له نیوزلینډ کرېکټ لوبډلې سره او بله یې د پاکستان اولف لوبډلې سره ده.

دغه چارواکو دا نه دي ویلي، چې یادې تمریناتي سیالۍ کله او چېرته ترسره کېږي.

د اتلانو جام لپاره په متحده عربي اماراتو کې د افغان لوبغاړو تمرینات روان دي.

تر دې وړاندې کرېکټ بورډ په خپلې فېسبوک پاڼې د افغان لوبغاړو د ځينو نمایشي انځورونو په خپرولو سره د اتلانو جام سیالیو لپاره د پوره چمتوالي خبر ورکړی وو.

یاده دې وي، چې اوسمهال زیات شمېر افغان لوبغاړي په تجارتي سیالیو کې بوخت دي.

د اتلانو جام سيالۍ د پاکستان په کوربتوب په کراچۍ، لاهور او راولپینډۍ کې د روانې فېبرورۍ مياشتې په ۱۹ مه نېټه پيلېږي او د مارچ تر ۹ مې نېټې به دوام وکړي.

له هندوستان کرېکټ لوبډلې سره د دغه جام کېدونکې سیالۍ په پاکستان کې نه ترسره کېږي.

دا په داسې حال کې ده، چې پاکستانی کرېکټ‌پوه زاهد مقصود وايي، هغه مهال چې د چمپينز ټرافي (اتلانو جام) ګروپونه اعلانېدل، شکر یې وکړ، چې د هېواد کرېکټ ملي لوبډله یې له افغان ملي لوبډلې سره په یو ګروپ کې نه‌ده.
مقصود د جمعې په ورځ (د سلواغې ۱۲مه) له اېکسپرېس خبري شبکې سره په یوې مرکه کې زیاته کړې، چې د افغانستان کرېکټ ملي لوبډلې د ۲۰۲۳ نړۍوال جام پرمهال پاکستانۍ لوبډلې ته «ډېره شرموونکې» ماتې ورکړې وه.
هغه زیاتوي: «افغان کرېکټ ټیم خورا پياوړی دی او دا مهال ترې د لوبې ګټل ستونزمنه ده. افغانستان د نړۍ ټول ټیمونه مات کړي او یوازې هندوستان ترې پاتې دی.»

د اسټرالیا او انګلنډ د ښځینه وو لوبډلو ترمنځ یوازینۍ ټېسټ لوبې پر مهال د اسټرالیا لوبډلې په درېیمه ورځ په خپله لومړۍ پاڼۍ کې د انابیل سدرلینډ ۱۶۳ او بیټ موني ۱۰۶ منډو په مټ ۴۴۰ منډې جوړې کړي.

د لوبې په دوهمه پاڼۍ کې د اسټرالیا توپ اچوونکو د سیالې لوبدلې په وړاندې د پام وړ توپ اچونه وکړه او دغه تاریخي لوبه یې له انګلنډ د یوې پاڼۍ او ۱۲۲ منډو په توپیر وګټله.

دې سره اسټرالیا د ښځو د ایشز لوبو کې ۱۶ د صفر په وړاندې لوبې ګټلو سره تاریخ جوړ کړ.

د کرېکټ نړیوالې شورا د معلوماتو له مخې په دغه لوبه کې د اسټرالیا یو شمېر لوبغاړو نوي ریکارډونه جوړ کړل.

د پوپ اچونې په برخه کې الاناکینګ د خپل مسلک غوره توپ اچونه نندارې ته وړاندې او د ۹۸ منډو په بدل کې یې ۹ ویکیټې واخیستې.

همدارنګه ګارډنر هم د ۳۹ منډو په بدل کې څلور ویکټې واخیستې.

د توپ وهنې په برخه کې بیا سدرلینډ ۱۶۳ او موني ۱۰۶ منډي جوړې کړې.

د کرېکټ نړیوالې شورا ویلي، چې د موني لپاره دا د هغې لومړۍ ټیسټ سلیزه وه او دې سره نوموړې د اسټرالیا یوازینۍ لوبغاړې شوه چې د کرېکټ په ټولو فارمیټونو کې سلیزې وهې.

د راپورونو له مخې، د اسټرالیا د کرېکټ په تاریخ کې تردې مهاله درېیو نارینه وو، شین واټسن، ګلین میکسویل او ډیویډ وارنر د کرېکټ به ټولو فارمټونو کې سلیزې وهلې دي خو موني د اسټرالیا لومړنۍ لوبغاړې ده، چې د کرېټ په ټولو فارمټونو کې یې د سلیزو وهلو په نوملړ کې ځان شامل کړ.

د راپور له مخې، د دغې لوبې په ګتلو سره اسټرالیا د ایشز (تېسټ لوبو) پر مهال خپل کور کې په ټوله سیالۍ کې ماتې نه خوړونکې لوبډله پاتې شوه او ۱۶ نمرې یې ترلاسه کړې.

د پاکستان په اعلان شوې لوبډله کې لوبډلمشر محمد رضوان، مرستيال لوبډلمشر سلمان علي اغا، بابرعظم، فخرزمان، کامران غلام، سعود شکيل، طایب طاهر، فهیم اشرف، خوشيدل شاه، عثمان خان، ابرار احمد، حارث روف، محمد حسنین، نسیم شاه او شاهد افريدي شامل دي.

د کرېکټ بورډ د مالوماتو له مخي، د پاکستان همدا لوبډله د اتلان جام تر پيل مخکې په لاهور او کراچۍ کې د نیوزيلينډ او سويلي افريقا سره درې اړخيزې یو ورځنۍ سيالۍ هم کوي

په همدې لوبډله کې د پاکستان قوي پيليز لوبغاړی سایم ایوب د خوږ له کبله او رو توپ اچوونکی شاداب نه دي انتخاب شوي.

یو شمېر کرېکټ څارونکي د پاکستان د لوبډلې قوت تېز توپ اچونه يادوي.

د پاکستان کرېکټ بورډ ویلي، چې د اتلانو جام سیالۍ به د پاکستان په لاهور، کراچۍ او راولپنډۍ کې تر سره شي.

د مالوماتو له مخې، چې د هند ټولې سيالۍ بیا په دوبۍ کې تر سره کيږي.

د افغانستان د ښځو کرېکټ لوبډلې لوبغاړې چې د طالبانو له واکمنیدو سره سم اسټرالیا ته کډوالې شوې اوس یو ځل بیا راټولې شوي او په یاد هېواد کې یې د خپل شتون د اعلان تر څنګ سیالۍ هم پیل کړي دي.

یادې لوبډلې په جلاوطنۍ کې خپله لومړۍ سیالي د بې پولې لوبډلې سره وکړه؛ خو د اوه وېکټو په توپیر یې ترې ماتې وخوړله.

دغه لوبه د اسټرالیا هېواد په مبلورن ښار کې وه او تمریني بڼه یې درلوده.

د طالبانو تر واکمنیدو ورسته دا لومړی ځل و چې د افغانستان د ښځو لوبډلو له هېواده بهر د سیالیو ډګر ته کیوته.

پخوانی ولسمشر حامد کرزی هیله څرګنده کړې چې د کرېکټ د ښځینه لوبغاړې به د خپلو نارینه ورونو لوبغاړو تر څنګ خپل هېواد ته ځانګړې بریاوې او ویاړونه راوړي.

هغه تر دې پخوا هم د کرېکټ لوبغاړو سره ځانګړې ناستې کړي او د کرېکټ سره یې د خپلې لېوالتیا یادونه کړې ده.

لا تر اوسه پورې د ښځو د کرېکټ د راتلونکو سیالیو په تړاو څه نه دي ویل شوي.

د بشري حقونو په برخه کې د ملګرو ملتونو د راپور ورکوونکي هم د افغان ښځو د لوبډلې بیا راپورته کیدل ستایلي او طالبانو ته په اشارې یې ویلي چې د ښځو غږ به هېڅکله چوپ نه شي.

د جمهوري نظام پر مهال د بهرنیو چارو وزیر محمد حنیف اتمر هم د یادې لوبډلې بیا راښکاره کیدل د ښځو د بریا یوه هڅه ګڼلې وه.
تېر کال د اسټرالیا هېواد له لوري‌ د افغانستان د نارینه وو کرېکټ لوبډلې سره له دې کبله خپلې سیالۍ لغوې کړې چې ګني په هېواد کې د ښځو پر ورزش بندیزونه لګیدلي او کرېکټ بورډ د ښځو لوبډله هم نه لري.

د ورزشي چارو کاروپوهان په دې باور دي چې له ټولو ورزشونو او په ځانګړي ډول له کرېکټ سره دې نړۍوال سیاسي چلند نه کوي او په افغانستان کې اوس یوازې همدا ورزش دی چې خلکو ته یې خوشالۍ ورکړي دي.