طالبان وايي د هېڅ هېواد په کورنيو چارو کې لاسوهنه نه کوي

تر اوسه، طالبانو یوازې د تسلیت څرګندونې کړې دي او د برید رسمي تلفات یې نه دي په ډاګه کړي.

د معلوماتو له مخې، ځانمرګي بریدګر د کندز ښار د کابل بانک څانګې په ورودي دروازه کې د طالبانو پر هغو سرتېرو برید وکړ چې د خپل میاشتني معاش د ترلاسه کولو لپاره په کتار کې ولاړ وو.

د کندز حوزوي روغتون سرچینو افغانستان انټرنشنل ته تایید کړه چې ۱۸ مړي او ۱۴ ټپيان دغه روغتون ته انتقال شوي دي. د محلي سرچینو په وینا، په وژل شویو کسانو کې د طالبانو سرتېري، د پوهنتون یو استاد او یو شمېر ملکي کسان شامل دي.

د طالبانو ریاست الوزرا دغه پېښه د اسلام او بشریت ددښمنانو کار بللی دی.

د طالبانو مرستیال ویاند وايي، چې د پېښې په اړه څیړنې او پلټنې روانې دي.

له دې وړاندې د کندز امنیه قوماندانۍ ویاند جمعه دین ویلي و، چې دا برید ځانمرګی و.

هغه د پېښې په اړه وویل: « یو ځانمرګی بریدګر چې ځان سره یې چاودېدونکي توکي لېږدول، د کندز ولایت د کابل بانک څانګې پر وړاندې ځان والوزاوه».

پخواني ولسمشر حامد کرزي، د سولې عالي شورا مخکیني رییس ډاکتر عبدالله، د قطر هېواد پر دې پېښه خواشیني ښودلې ده.

دغه برید داسې مهال کیږي چې له دې وړاندې د طالبانو دفاع وزارت او استخباراتو ولایتي چارواکو او د اردو قوماندانانو ته سپارښتنه کړې وه، چې معاشونه د بانک پرځای په خپلو قرارګاوو کې واخلي.

افغانستان انټرنشنل په دې اړه د اړوندو چارواکو مکتوبونه هم خپاره کړي وو.

داعش ډلې له دې وړاندې په کندهار کې د طالبانو د هغو سرتېرو او مامورانو په منځ کې ځان والوزاوه، چې د معاشونو ترلاسه کولو لپاره د کابل بانک پر وړاندې راټول شوي وو.

د دوشنبې په ورځ په ملګرو ملتونو کې د پاکستان‬⁩ استازي منير اکرم ‪وویل چې«افغانستان د داعش خراسان‬⁩ څانګې د ګومارنو اصلي مرکز دی او موږ هغه ادعاوې ردوو، چې ویل کېږي په پاکستان کې دغه ډول استخدام ترسره کېږي.»
اکرم‬⁩ د ملګرو ملتونو د امنیت شورا غونډې ته د وینا پرمهال وویل، چې د داعش په ګډون د افغانستان دننه له شلو ډېرې وسله‌والې ډلې فعالیت لري.

خو د نوموړي ادعاوو ته په غبرګون نن سې شنبه (د سلواغې ۲۳مه) د طالبانو د بهرنیو چارو وزارت ویلي نړۍوالې ټولنې ته ډاډ ورکوي چې د دوی له واک څخه وروسته په افغانستان کې داعش او نورې وسله والې ډلې ځپل شوې دي.

اعلامیه زیاتوي: " پر نړۍوالې ټولنې غږ کوو، چې ځینې هېوادونه د دې پر ځای چې خپلو کورنیو سیاستونو کې د سمونونو له لارې خپل سياسي، امنيتي او اقتصادي ثبات ته كار وكري، هڅه كوي افغانستان د ناسمو تبليغاتو له مخې بې ثباته وښيي."

په اعلامیې کې طالبانو ادعا کړې ده، چې پاکستان د طالبانو او نړۍوالې ټولنې تر منځ بې باوري رامنځته کوي.

په ملګرو ملتونو کې د چین سفیر فو کانګ د دوشنبې په ورځ د امنیت شورا په غونډه کې وویل، چې داعش او څو نورې ترهګرې ډلې په افغانستان کې فعالې دي او له یو بل سره همکاري کوي.

هغه ټینګار وکړ ،چې دغه ډلې د سیمې او نړۍ امنیت ته ګواښ بلل کېدای شي.

د ملګرو ملتونو د امنیت شورا په غونډه کې پاکستان ته ورته ادعا چین هم کړې او د چین استازي په افغانستان کې د داعش، القاعدې او شرقي ترکستان ډلو د وسله والو په موجودیت اندېښنه څرګنده کړه.

هغه د طالبانو له حکومته وغوښتل چې "په افغانستان کې د مېشتو ترهګرو ډلو د له منځه وړلو لپاره کوټلي او مشخص اقدامات وکړي."

فو کانګ دغه راز څرګنده کړه، چین ژمن دی چې په افغانستان کې د ترهګرو ډلو د له منځه وړلو لپاره له طالبانو سره د همکارۍ لپاره د منځنۍ اسیا د هېوادونو او د شانګهای د همکارۍ سازمان له هڅو ملاتړ وکړي.

طالبانو د چین او روسیې د استازو پر څرګندونو خاموشي غوره کړې ده.

دا سند چې د ۱۴۰۳ کال د مرغومي پر ۱۲مه په تهران کې د افغانستان سفارت ته لیکل شوی، د پوهنې وزارت د هغه لیک له مخې چې د مرغومي پر ۱۹مه وزارت ته لېږل شوی، د تلې، لړم او لیندۍ میاشتو کې د پوهنې اتشې دوو مامورینو او دوو سیمه ییزو کارکوونکو معاشونه مشخص کوي.

د طالبانو د بهرنیو چارو وزارت په سند کې راغلي چې په تهران کې د طالبانو د پوهنې اتشه احسان الله خطاب درې میاشتنی معاش ۷،۵۲۷ ډالر او ۷ سینټه دی او د یادې ډلې د پوهنې اتشې مامورینو کفایت الله مظهري او محمود هاشمي هر یوه معاش ۷،۳۰۳ ډالر او ۵ سینټه دی.

په سفارت کې د پوهنې اتشې په څانګه کې د دوو سیمه ییزو کارکوونکو معاش هم یو زر و ۱۲۷ ډالر ښودل شوی دی.

په دغه سند کې، چې ناڅرګندو هېکرانو خپور کړی او افغانستان انټرنشنل ترلاسه کړی، په تهران کې د طالبانو له خوا اداره کیدونکي افغان سفارت د دریو ډېپلوماتانو او ځایی کارکوونکو لپاره د "معاشونو او طبي لګښتونو" لپاره ټولټال ۲۴ زره او ۳۸۸ ډالره ذکر شوي دي.

د هرات د رسنیو دفتر ددغه ولایت د سوداګرۍ خونې اجرایوي امر محمد یوسف په حواله وايي، چې د هرات د نهو میاشتو ټول صادرات ۱۱۹ میلیونه او ۳۲ زره ډالرو ته رسېدلي، چې پکې کرنیز محصولات، وچې مېوې، معدني توکي او قیمتي ډبرې شاملې دي.

د هرات د کرنې او مالدارۍ خونې رییس بشیر احمد بهادري ویلي، چې په دغه ولایت کې ۱۲ زره او ۶۳۰ هکتاره ځمکه د پستې تر کرکېلې لاندې ده.

نوموړي زیاته کړې، چې دا مهال په هرات کې د پستې ۶۰۰ هکتاره بڼونه دي او د پراختیا په حال کې دي.

بلخوا د هرات لپاره د طالبانو والي مولانا اسلام جار د روان کال لپاره د پستې، بادامو او غوزانو بڼونو د پراختیا خبر ورکړی دی.

د هغه په وینا، د دې پروژې موخه د اقلیمي کډوالۍ مخنیوی او خلکو ته د کاري زمینو برابرول دي.

اسلام جار زیاته کړې، چې سیمه‌ییزه اداره به په کشک رباط سنګي، کشک کهنه، شینډنډ، ادرسکن او نورو غرنیو سیمو کې د پستې نیالګي کېنوي.

د یادونې وړ ده، چې د للمي پستې ځنګلونه یوازې په کشک کهنه او رباط سنګي کې شته، خو په نورو سیمو کې د پستې کرکیله اوبیزو بڼونو ته اړول شوې ده.

د خپر شویو احصایو له مخې، دغه اندازه د تیر کال په ورته موده کې ۲۶۲ میلیونه او ۵۸۳ زره ډالر وه.

په کلني پرتلیز ډول، افغانستان ته د پاکستان صادرات ۲۴۸.۴۵ سلنه زیات شوي، ځکه د ۲۰۲۳ کال په دسمبر میاشت کې د صادراتو اندازه ۲۸ میلیونه او ۱۹ زره ډالر وه چې په ۲۰۲۴ کال کې بیا ۹۷ میلیونه او ۶۳۴ زره ډالرو ته رسېدلي دي.

خو په میاشتنۍ پرتلنه کې افغانستان ته د پاکستان صادرات ۱۵.۰۲ سلنه کم شوي دي، ځکه د ۲۰۲۴ کال نومبر میاشت کې صادرات ۱۱۴ میلیونه او ۹۰۲ زره ډالر وو، خو په دسمبر میاشت کې دغه صادرات ۹۷ میلیونه او ۶۳۴ زره ډالر ته کم شوي دي.

په وارداتو کې پاکستان هم له افغانستان څخه د وارداتو زیاتوالی تجربه کړی دی.

د ۲۰۲۴ مالي کال په لومړیو شپږو میاشتو کې له افغانستان څخه د پاکستان واردات ۱۲۵.۸۵ سلنه زیات شوي، ځکه د تېر کال د ورته مودې په پرتله د وارداتو اندازه له څلور میلیونه او ۴۲۵ زره ډالرو څخه ۹ میلیونه او ۹۹۴ زره ډالرو ته رسیدلې ده.

د پاکستان دولتي بانک د احصایو له مخې، په کلنۍ پرتلنه کې له افغانستان څخه واردات ۱۸.۴۱ سلنه زیات شوي، ځکه د ۲۰۲۳ کال په دسمبر میاشت کې واردات یو میلیون او ۲۳۸ زره ډالر وو چې په ۲۰۲۴ کال کې یو میلیون او ۴۶۶ زره ډالرو ته رسېدلي دي.

سربېره پر دې، د میاشتنۍ پرتلنې له مخې، له افغانستان څخه د پاکستان واردات ۸.۲۷ سلنه زیات شوي ځکه د ۲۰۲۴ کال په نومبر میاشت کې واردات یو میلیون او ۳۵۴ زره ډالر وو چې په دسمبر کې بیا یو میلیون او ۴۶۶ زره ډالرو ته رسېدلي دي.