طالب وزیر وايي ددوی په منځ کې هیڅ راز اختلاف نشته

تېره اونۍ، عبدالغني برادر په دوحه کې د قطر له لومړي وزیر او بهرنیو چارو وزیر سره ولیدل.

خو د ملګرو ملتونو امنیت شورا په دې وروستیو کې یوه خبرپاڼه خپره کړې، چې ښيي د طالبانو پر دغه لوړ پوړي چارواکي یې شاوخوا یوه میاشت د سفر بندیز لرې کړی.
طالبانو تر اوسه د ملا برادر د دوحې د سفر دلیل نه دی روښانه کړی خو د امنیت شورا اعلان په خبرپاڼه کې ویلي چې هغه د درملنې لپاره قطر ته په شخصي سفر تللی دی.

دا لا څرګنده نه ده چې هغه په ​​کومه ناروغي اخته دی، ځکه طالبان د خپلو مشرانو د روغتیايي حالت او شخصي ژوند په اړه معلومات نه افشا کوي.

د ۱۹۹۰ مې لسیزې په لومړیو کې د طالبانو د واکمنۍ پر مهال، پاکستان د دې ډلې دویم کور و، او د طالبانو چارواکو به د درملنې لپاره اسلام اباد، کراچۍ او پیښور ته سفرونه کول خو اوس قطر له افغانستان څخه بهر د طالبانو اصلي مرکز ګرځېدلی دی.

ملا برادر، چې له کلونو راهیسې د پاکستان په زندان کې و، له اسلام اباد سره ښې اړیکې نه لري.

د طالبانو پر ډېرو چارواکو د ملګرو ملتونو امنیت شورا له خوا د سفر بندیزونه لګول شوي او دوی د امنیت شورا له اجازې پرته نه شي کولای چې له افغانستان نه بهر ته سفر وکړي.

د طالبانو او امریکا تر منځ د دوحې تړون له مخې امریکا باید له تور لېست څخه د طالبانو مشران وباسي خو تر دې دمه امریکا دا شرط نه دی پلی کړی او نه یې هم د طالبانو با بار غوښتنو ته مثبت ځواب ویلی.

دا په داسې حال کې ده، چې د طالبانو ترمنځ داخلي اختلافاتو له کبله د طالبانو د بهرنیو چارو وزارت سیاسي مرستیال عباس ستانکزی له هېواد څخه ووت او دویۍ ته ولاړ.

د تاج بیګ ماڼۍ د بنسټ ډبره په ۱۷۹۵ میلادي کال کې د شاه زمان له خوا کیښودل شوه.

په بېلا بېلو وختونو کې د جګړو پر مهال د دې ماڼۍ ډیرې برخې ویجاړې شوې او بیا څو ځله رغول شوې ده. د وروستي ځل لپاره په ۱۳۹۷ کال کې د یادې ماڼۍ د رغونې چارې پیل شوې.

په شاهي دوره کې په دې ماڼۍ کې د پاچا امان الله خان میرمن ملکه ثریا اوسیده.

د راپورونو له مخې، دغه ماڼۍ د حفیظ الله امین د حکومت په وروستیو او بیا د کورنیو جګړو پر مهال ویجاړه شوه او د جګړې د یوې نښې په توګه پاتې وه.

د یادې ماڼۍ د بیا رغونې لپاره په تېر جمهوري حکومت کې ۲۸۶،۳ میلیونه افغانۍ ځانګړې شوې او تر ۲۰۲۱ کال یې د بیا رغولو چارې نږدې بشپړې شوې وې. خو اوس یوځل بیا د طالبانو تر واک لاندې ملي ټلویزیون راپور ورکړی، چې د یادې ماڼۍ پر بیارغولو باندې ۱۵۹ میلیونه افغانۍ لګښت راغلی او د رغولو چارې یې ۹۵ سلنه بشپړې شوې دي.

د طالبانو د اطلاعات او کلتور وزارت وايي، چې د تاج بیګ ماڼۍ او ټولو تاریخي او فرهنګي سیمو ساتنې ته ژمتیا لري.

ددې ماڼۍ د امنیت ساتلو لپاره وسله وکسان ګومارل شوي او عام خلک د ورتلو او لیدلو اجازه نه لري.

رویټرز خبري اژانس د خپلو سرچینو په حواله لیکلي چې د متحده ایالاتو د نړیوالې پراختیا ادارې د فعالیتونو په ځنډېدو سره د سترو طبیعي پېښو پر وړاندې د متحده ایالاتو نړیوال پروګرام هم درول شوی دی.

په راپور کې راغلي چې د «USAID» په له منځه وړلو سره، د متحده ایالاتو د بېړني غبرګون ټیمونه «ډي اې ار ټي» چې په نورو هېوادونو کې مېشت دي، نه شي کولی خپل فعالیتونه جاري وساتي.

ویل کیږي د «DARTs» ټیمونه له روزل شویو او تخنیکي پرسونل څخه جوړ شوي چې له ناورین وروسته له ۲۴ تر ۴۸ ساعتونو پورې د بېړنيو خدماتو په چمتو کولو کې تخصص لري.

د طبیعي پېښو د بېړني غبرګون ټیمونه په مختلفو هېوادونو کې مېشت دي او په وروستیو لسیزو کې یې د نړۍ د لویو طبیعي پېښو او بېړنیو حالتونو په مدیریت کې پام وړ رول لوبولی دی.

دغو ټیمونو په ډېرو بدو حالاتو کې بېړنۍ مرستې چمتو کړې دي.

د راپورونو له مخې، د امریکا د بېړنیو حالاتو د غبرګون ټیمونو د هایټي د ۲۰۱۰ کال زلزله کې چې ۳۰۰،۰۰۰ کسان یې ووژل، په جاپان کې د ۲۰۱۱ کال زلزله او سونامي چې د فوکوشیما اټومي بټۍ د ویجاړیدو لامل شوه، د عراق، سوریې جګړو او په ټوله نړۍ کې د دیو شمیر لویو پېښو پرمهال په بېړنیو مرستو کې رول لوبولی دی.

ویل کیږي د بېړني غبرګون په هره ډله کې له متحده ایالاتو بهر له۱۰ څخه تر ۵۰ پورې د ناورین مدیریت متخصصان شامل دي چې د متحده ایالاتو د نړیوالې پراختیا ادارې د چارو ځنډېدو له امله وزګار شوي دي.

د امریکا د نړیوالې پراختیایي ادارې (USAID) د بشري مرستو لپاره د بهرنیو چارو وزارت پخوانۍ مرستیالې مارسیا وانګ وویل: "د امریکا نوې اداره د امریکا د حکومت بې ساری ملکي ظرفیت له منځه وړي."

د امریکا حکومت له بهرنیو چارو وزارت سره ددې ادارې د یوځای کولو په اړه غور کوي.

ویل شوي چې له دغه اقدام وروسته به د یاد سازمان له لس زره کارکوونکو څخه یو کوچنی شمیر کار ته دوام ورکړي.

د یو اېس ای ډي یو شمېر کارکوونکو رویټرز ته وویل چې د متحده ایالاتو حکومت تیره اونۍ دوی ته خبر ورکړ چې یوازې ۶ سوه اړتیا وړ کارکوونکي به په اداره کې کار ته دوام ورکړي.

په برلین کې د افغانستان سفارت او په بن او مونشن کې افغان کونسلګریو د شنبې په ورځ په يوه ګډه اعلاميه کې ويلي چې دغه استازولۍ د دې وحشتناکې پېښې له امله ژورې اغیزمنې او خواشینې دي.

دغو استازولیو، چې د افغانستان د پخواني حکومت ډيپلوماتانو له خوا اداره کيږي، د پېښې له قربانيانو او د هغوی له کورنيو سره خواخوږي ښودلې ده.

افغان ډيپلوماتانو د امنیت او قانون پلیتابه په تړاو د جرمني چارواکو د هڅو ملاتړ کړی دی.

په دې اعلاميه کې ټينګار شوی چې دغه استازولۍ به د مجرمانو د ايستلو په بهیر کې له جرمني چارواکو سره همکاري وکړي.

په مونشن کې يوه ۲۴ کلن افغان د پنجشنبې په ورځ د کارګرو پر یوه لاریون موټر ور وځغلاوه، چې په پایله کې یې ۳۶ تنه ټپیان شوي.

د سلطان برکات بنسټ د "بین الافغاني خبرو اترو" په چوکاټ کې د ۱۳۹۹ کال د تلې په ۱۰مه په قطر کې د طالبانو له پلاوي سره د ۴۵ افغان سیاسي او مدني فعالانو د غونډې یو تسهیلوونکی اړخ و.

هغه نن د شنبې په ورځ د سلواغې ۲۷مه ولیکل چې د ددې میاشتې له ۲۴مې څخه تر ۲۶مې پورې په یوه غونډه کې د افغانستان دننه او بهر د ټولو سیاسي او قومي ډلو څلوېښتو با نفوذه افغانانو افغانستان ته د ور پېښو ننګونو په اړه خبرې اترې وکړې.

ګډونوالو د ترسره شویو پرمختګونو ارزونه وکړه او د افغانستان پر داخلي او بهرنیو ستونزو یې خبرې وکړې، چې د نجونو پر زده‌کړو د طالبانو د بندیز لغو کول او د افغانستان د اقتصادي ژغورنې لارې چارې پکې شاملې وې.

په دې خبرو اترو کې په ځانګړي ډول د ټرمپ ادارې د بشري مرستو له ناڅاپي بندیدو وروسته د افغانستان اقتصادي وضعیت څیړل شوی.

برکات وايي، له فکري اختلافاتو سره سره د فورم ګډونوالو په یوه خوله جګړه رد کړه او د افغانستان د ستونزو د سوله‌ییز حل پر اړتیا یې ټینګار وکړ.

هغه دا هم لیکلي چې د افغانستان د راتلونکې فکر فورم خپل وړاندیزونه قطري ډېپلوماتانو ته وړاندې کړل او دغه هېواد موافقه وکړه چې دا مسایل به تعقیب کړي.

د طالبانو له واکمنۍ نژدې څلور کاله تېریږي خو دغې ډلې تر اوسه پورې د نجونو پر زده کړو بندیز لګولی او له خپلو سیاسي مخالفونو سره د هېڅ ډول خبرو لپاره چمتووالی نه ښيي.