اسراییل او حماس د اوربند د بل پړاو خبرو لپاره چمتووالی ښودلی دی

په دغه خبرداري کې ویل شوي، چې امریکایان باید بلوچستان او خېبر پښتونخوا ته په ځانګړي ډول قبایلي سیمو ته له سفرونو بېخي ډډه وکړي؛ ځکه هلته وسله‌وال بریدونه او نا امنۍ ډېرې شوې دي.

دغه راز امریکايي وګړو ته ویل شوي، چې د هند او پاکستان پولې ته نږدې سیمو ته هم ولاړ نه شي؛ ځکه هلته هم د جګړې او ترهګرۍ ګواښونه شته.

د امریکا د بهرنیو چارو وزارت وايي: «ترهګر لا هم په پاکستان کې د بریدونو پلانونه لري. په بلوچستان او خیبر پښتونخوا کې وخت ناوخت لوی بریدونه کېږي او کوچني بریدونه هم ډېر عام دي.»

دغه وزات زیاته کړې: «ترهګر پاکستان کې اکثره ملکي خلک، پولیس او امنیتي ځواکونه په نښه کوي. هغوی پرته له خبرتیا پر بازارونو، هوایي ډګرونو، ښوونځیو، روغتونونو، جوماتونو او دولتي دفترونو بریدونه کوي. ان امریکايي ډېپلوماټان هم له دغو بریدونو سره مخ شوي دي».

د امریکا د بهرنیو چارو وزارت ټینګار کوي، چې د پاکستان امنیتي وضعیت بې‌ ثباته دی او هر وخت بدلېدای شي؛ خو په لویو ښارونو لکه اسلام‌ اباد کې امنیتي ځواکونه شته، چې بېړنیو حالاتو ته ځواب ورکولی شي.

امریکایانو ته همدا راز لارښوونه شوې، چې د هند او پاکستان پولې ته نږدې سیمو ته ولاړ نه شي؛ ځکه چې وسله‌والې ډلې هلته هم فعالې دي او د دواړو هېوادونو د کرښې د کنټرول(LoC) پر سر یې ډېر شمېر پوځیان ځای پر ځای کړي‌ دي.

امریکا خپلو وګړو ته ویلي، چې یوازینۍ رسمي سرحدي لاره د واګه پوله ده چې پاکستان د پنجاب ایالت له لارې له هندوستان سره نښلوي.

همدا راز د بلوچستان په اړه د امریکا خبرداری وايي: «بلوچستان ته مه ځئ. هلته وسله‌والې ډلې بریدونه کوي او ملکي خلک، مذهبي لږکي، دولتي دفترونه او پاکستاني ځواکونه په نښه کوي.»

همداراز د امریکا وګړو لپاره په دې امنیتي خبرداري کې ویل شوي، چې وسله‌والې ډلې په پاکستان کې د پولیو واکسین ټیمونه، پولیس او پوځیان هم په نښه کوي او د انسان تښتونې پېښې هم ډېرې کېږي.

په راپور کې راغلي، چې وسله‌والو بریدګرو د یکشنبې سهار د (کب ۱۹مه) پر پاکستاني‌ ځواکونو مخامخ بریدونه وکړل.

دغه بریدونه د کورمې ولسوالۍ د علیزۍ او پاړه چنار سیمې ترمنځ په چنارک سیمه کې شوي دي. که څه هم لا تر اوسه پورې کومې وسله‌والې ډلې د دغه برید مسوولیت نه دی منلی؛ خو په دې وروستیو کې «ټي‌ټي‌پي» په یاد ایالت کې خپل بریدونه ډېر کړي‌ دي.

هم‌مهاله په کورمه کې د سنیانو او شعیه مذهبو ترمنځ هم د ځمکو او غرونو د وېش پر سر له تېرو څلور میاشتو راهیسې وخت ناوخت شخړې کېږي.

دغه کړکېچ هم په سیمه کې د نا امنیو د پراخېدو یو لوی لامل بلل کېږي.

د شمالي او سویلي وزیرستان په ګډون د خېبر پښتونخوا له بېلابېلو سیمو څخه هره ورځ د «ټي‌ټي‌پي» وسله‌والو او پاکستاني ځواکونو ترمنځ د نښتو خبرونه ترلاسه کېږي او دواړه لوري یو بل ته د مرګ ژوبلو د اوښتو ادعاوې کوي.

له دې سره هم‌مهاله د پاکستان پوځ تازه ادعا کړې، چې د خېبر پښتونخوا په ټانک ولسوالۍ کې یې د «ټي‌ټي‌پي» درې وسله‌وال په یو لړ استخباراتي عملیاتو کې وژلي دي.

«ټي‌ټي‌پي» د مارچ په ۷مه په یوې خبرپاڼه کې ویلي، چې د دوی د وسله‌الو بریدونه موخه یوازې پاکستاني امنیتي ادارې او د دوی لاسپوڅي دي.

خبرپانه کې زیاته شوې، چې د پاکستان دننه سیاسي او مذهبي ګوندونه د دوی په وسله‌والو هدفونو کې نه راځي.

وروسته له هغې چې طالبانو په افغانستان واګی ترلاسه کړ او ورسره هم‌مهاله پاکستاني طالبانو هم سترګې وکړې او د خېبر پښتونخوا په ګډون یې په بلوچستان کې خپل وسله‌وال فعالیتونه چټک کړل.

د خېبر پښتونخوا سر وزیر علي امین ګنډاپور ویلي، چې غواړي په خپل ایالت کې د نا امنیو د مخنیوي او کمېدو لپاره له افغان طالبانو سره مذاکرات وکړي؛ خو د پاکستان مرکزي حکومت ورسره همکاري نه کوي.

د خېبر پښتونخوا ځیني سیاست‌وال د پاکستان مرکزي حکومت تورنوي، چې په دغه ایالت کې یې نا امنیو ته په لوی لاس زمینه برابره کړې او د پوځ د ناکاره تګلارو له کبله پښتونخوا د ترهګرۍ په اور کې سوځي.

د عوامي نېشنل ګوند ایالتي مشر اېمل ولي خان هم تازه خبرداری ورکړی، چې د پاکستان له لوري امریکا ته د داعش ترهګرې ډلې د یوه غړي «محمد شریف الله» سپارل کېدل به یو ځل بیا پښتونخوا د ترهګرۍ قرباني کړي.

د اوکراین د بېړنیو خدمتونو ادارې ویلي، د جمعې ناوخته د روسیې یو برید د اوکراین د ختیځ دونتسک ولایت په دوبروپیلیا ښار کې شوی چې ۱۱ کسان پکې وژل شوي او ۳۰ نور ټپیان دي.

همداراز د ختیځ خارکیف ولایت د پوځي ادارې مشر اولېګ سینه‌ ګوبوف ویلي، چې د شنبې سهار د روسیې یو ډرون برید د بوګودوخیو ښار کې ۳کسان وژلي او ۷ تنه یې ټپیان کړي دي.

راپورونه کاږي، چې روسیې پر بوګودوخیو ښار ۲ توغندي او ۱۴۵ ډرون الوتکې وېشتلې دي.

دغه بریدونه وروسته له هغې شوي، چې د امریکا ولسمشر ډونالډ ټرمپ ګواښ وکړ چې پر روسیه به نور بندیزونه او تعرفې ولګوي؛ خو په ورته وخت کې یې ویلي، چې له مسکو سره د جګړې د پای ته رسولو لپاره خبرې کول د اوکراین پرتله «اسانه» دي. 

ولسمشر زېلنسکي د خپل ټیلیګرام کانال له لارې ویلي: «دغه ډول بریدونه څرګندوي، چې د روسیې موخې نه ‌دي بدلې شوې؛ نو ځکه دا مهمه ده چې د خلکو د ژغورنې لپاره خپل هوایي دفاعي سېسټم پیاوړی کړو او پر روسیې نور بندیزونه هم ولګول شي».

بل خوا د امریکا د بهرنیو چارو وزارت خبر ورکړی، چې وزیر مارکو روبیو د جمعې په ورځ له خپل اوکرایني سیال اندري سیبیها سره ټیلیفوني خبرې کړې دي.

روبیو دغو ټلېفوني خبرو کې ویلي، ولسمشر ټرمپ هوډ لري چې د روسیې او اوکراین جګړه ژر تر ژره پای ته ورسوي.

نوموړي د فاکس نیوز له پخواني کوربه ټوکر کارلسون سره په مرکه کې پر ایران د احتمالي برید او فارس خلیج د هېوادونو په اړه خبرې کړې دي.

هغه زیاته کړې:« د بوشهر پر اټومي بټۍ د برید په صورت کې؛ چې یاده بټۍ دوحې ته نږدې پرته ده، د دواړو هېوادونو ترمنځ ګډې اوبه په بشپړه توګه په راډیو اکټیف موادو ککړې کړي او کېدای شي، قطر په درېیو ورځو کې د خپلو اوبو زېرمې له لاسه ورکړي. موږ د خپل هېواد د اوبو د زېرمو ظرفیت لوړ کړی دی؛ خو حقیقت دا دی، چې له داسې پېښې سره به قطر، کویټ او امارات اغېزمن شي او خپلو خلکو ته به د اوبو په رسولو کې له ستونزو سره مخامخ شي.»

د قطر د بهرنیو چارو وزیر د کارلسون د یوې پوښتنې په ځواب کې وویل، چې د تهران او واشنګټن ترمنځ د منځګړیتوب د احتمال په اړه د ډیپلوماټیک حل موندل اړین دي.

نوموړي په ټینګار سره ویلي، چې قطر د هر ډول پوځي اقدام ملاتړ نه کوي.

هغه وړاندې ویلي:« زه فکر کوم چې موږ باید دواړه اړخونه خبرو ته کېنوو او که هرڅه د نړۍوالو معیارونو سره سم ترسره شي، زه هیڅ کوم لامل نه وینم، چې هوکړې ته ونه رسېږي.»

دغه قطري لوړپوړي چارواکی د ایران پر وړاندې د پراخو بندیزونو په اړه ویلي، بندیزونو په ټولیز ډول عامه خلکو ته تاوان رسولی دی او د مهمو مسلو په حل کې یې هیڅ پایله نه لرله.

د قطر لومړي وزیر دارنګه ویلي:« په تېرو لسو کلونو کې ما په ډېرو هېوادونو کې بندیزونه لیدلي او زه پر دې باوري یم، چې د دغو بندیزونو څخه کومه پایله نده ترلاسه شوې.»

د قطر لومړي وزیر د خپلو خبرو په یوه بله برخه کې ادعا وکړه، چې د ایران پر اټومي تاسیساتو د هوايي برید په برخه کې د ګډون او یا تصویبولو لپاره د سپینې ماڼۍ او د امریکا د کانګرس ډېر فشارونه شته؛ خو هغه ټینګار وکړ چې سیمه په لویه کچه جګړه کې نه غواړي.

هغه همدا راز زیاته کړه:« د اټومي وسلو درلودل د سیمې د هېڅ هېواد لپاره د نه منلو وړ نه دي او موږ یې ملاتړ نه کوو.»

په تېرو کلونو کې قطر په سیمه کې د یوه مهم ډیپلوماټیک ځواک په توګه خپل دریځ پیاوړی کړی او د ایران او امریکا ترمنځ په مهمو مسلو کې منځګړیتوب کوي.

د قطر د بهرنیو چارو وزارت د چهارشنبې په ورځ اعلان وکړ، چې دغه هېواد چمتو دی د ایران له اسلامی جمهوریت سره د خبرو اترو لپاره له امریکا سره مرسته وکړي.

په همدې حال کې د قطر د بهرنیو چارو وزارت ویاند په یوه خبري ناسته کې ویلي:« قطر تل په سیمه کې د سولې او ثبات د ټینګښت په لټه کې دی او موږ چمتو یو، چې د امریکا او ایران ترمنځ د هر ډول خبرو اترو د اسانتیا لپاره رول ولوبوو.»

د قطر لومړی وزیر دغه څرګندونې داسې مهال کوي، چې د امریکا ولسمشر ډونالډ ټرمپ د جمعې په ورځ اعلان وکړ چې علي خامنه‌يي ته یې یو لیک استولی دی.

هغه بیا په سپینه ماڼۍ کې له خبریالانو سره په خبرو کې منلې، چې د ایران د اټومي مسلې په اړه خبرې اترې وروستي پړاو ته رسېدلې دي او دغه ستونزه به یا د خبرو اترو او یا هم د پوځي اقدام له لارې هواره شي.

د پاکستان پوځ ویلي، چې په دغو عملیاتو کې یې له وسله‌والو یو شمېر سپکې او درنې وسلې هم نیولې دي.

که څه هم د پاکستان د پوځ خبرپاڼه کې دا نه دي‌ ویل شوي، چې دغه وژل شوي وسله‌وال کومې ډلې پورې تړاو لري؛ خو وژل شویو ته د «خوارجو» کلېمه کارول شوې ده. د پاکستان پوځ په دغه هېواد کې فعاله د «ټي‌ټي‌پي» اورپکو ته همدغه لفظ کاروي.

په خبرپانه کې دارنګه راغلي، چې په ټانک ولسوالۍ کې د وسله‌والو ځپل کېدو په موخه د پاکستاني پوځیانو عملیات لاهم روان دي.

ورته مهال د خېبر پښتونخوا والي فیصل کریم کنډي له پاکستاني پوځیانو مننه کړې او ډاډ یې ورکړی، چې د دغه ایالت اوسېدونکي یې د ترهګرو د ځپلو له عملیاتو څخه په بشپړه توګه ملاتړ کوي.

بل لوري د پښتون ژغورنې په ګډون یو شمېر خوځښتونه په خېبر پښتونخوا کې د پاکستاني پوځیانو عملیات غندي او نیوکې کوي، چې ګوندې په لوی لاس غواړي د پښتنو په سیمو کې د جګړې اور بل وساتي.

وروسته له هغې چې د افغانستان پخوانی جمهوریت وپرځېد؛ د افغان طالبانو ملګرې ډله «ټي‌ټي‌پي» په خېبر پښتونخوا کې خپل فعالیتونه خورا چټک او پراخ کړل.

د پاکستان حکومت ادعا لري، چې د یادې وسله‌والې ډلې د فعالیتونو د پراخېدو یو لوی لامل دا دی چې افغان طالبانو په خپله خاوره کې ورته پناه ځایونه ورکړي او له هماغه ځایه په دغو ایالتونو کې بریدونه تنظیموي.

پاکستان په نړۍوالو غونډو او رسنیو کې غوغا جوړه کړې، چې طالبان د افغانستان خاوره د دوی پر ضد کاروي.

افغان طالبانو بیا تل د پاکستان دغه ادعاوې رد کړې او «ټي‌ټي‌پي» یې د یاد هېواد کورنۍ امنیتي ستونزه بللې ده.

ده ټایمز اف اېنډیا په نوم یوې هندي رسنۍ په خپل یوه تازه راپور کې ادعا کړې، چې «ټي‌ټي‌پي» په پاکستان کې خپل فعالیتونه څو چنده پراخه کړي او د یادې ډلې په بریدونو کې ۹۰سلنه زیاتوالی راغلی چې له دې سره دغه ډله د نړۍ په خورا خطرناکو وسله‌والو ډلو کې شمېرل شوې ده.