د کرېکټ نړۍوالې شورا د اتلانو جام د غوره لوبغاړو لوبډله اعلان کړه

د یو ورځنیو نړیوالو (ODI) سیالیو دغه جام د کرکټ نړیوالې شورا لپاره د عوایدو یوه مهمه سرچینه وه، خو دا یې تضمین نه شوای کړای چې دا بڼه به د شل اوریزو لیګونو تر سیوري لاندې خپل اهمیت وساتي.

د پاکستان په کوربه توب لوبو کې د هند ګډون، چې د هرې کرکټ سیالۍ د تجارتي بري لپاره مهم بلل کېږي، نامعلوم و.

د هند کرکټ بورډ پاکستان ته د سفر نه کولو په تړاو خپله پالیسي جاري وساتله، ځکه د دغو دواړو ګاونډیو هېوادونو سیاسي اړیکې ترینګلې دي او دوی یواځې د کریکټ نړیوالې شورا په سیالیو کې له یو بل سره مخامخ کېږي.

د شل اوریز نړیوال جام دفاعي اتل هند، د یکشنبې په ورځ د نیوزیلینډ پر وړاندې بری ترلاسه کړ او په کرکټ کې یې خپل برلاسی یو ځل بیا وښود.

هند د ای سي سي په وروستیو دریو سیالیو کې یوازې یوه لوبه بایللې چې د ۲۰۲۳ نړیوال جام پایلوبه وه.

مشهور کرکټ لیکوال نیکولس بروکس رویټرز ته وویل، « دوی یوه فوق‌العاده لوبډله ده او زما په نظر له سیالانو ډېر مخکې دي، دا سیالي باید د دوی د بري جشن وای، خو د غیر عادلانه ګټو په تړاو پرله پسې پوښتنو د دوی پر ځلېدا سیوری غوړولی».

د هند په خاطر دوبۍ ته د ټولو لوبو انتقال پاکستان د پایلوبې د کوربه‌توب له ویاړه بې برخې کړ.

سویلي افریقا اړه شوه چې ۱۸ساعته سفر وکړي، څو په نیمه پایلوبه کې د هند پر وړاندې ولوبېږي او بیا پاکستان ته ستنه شي، چې له نیوزیلینډ سره لوبه وکړي.

دغه ټول وضعیت د کرکټ نړیواله شورا کمزورې وښوده، چې دا مهال یې د هند د کرکټ بورډ پخوانی منشي جې شاه رهبري کوي.

د مهال‌ویش ستونزې هم د هند په ګټه تمامې شوې، ځکه هند د خپلو وروستیو دوه ګروپي سیالیو ترمنځ یوه اونۍ استراحت درلود، په داسې حال کې چې افغانستان په دریو ورځو کې دوه لوبې وکړې.

بروکس وویل، « داسې ښکاري چې ای سي سي مالي ګټې ته تر عدالت لومړیتوب ورکوي. ځینې خلک به طبعا فکر کوي چې د واکمنې ادارې ټول تمرکز د هند په خوشاله ساتلو دی».

د پاکستان کمزوری چمتووالی

پاکستان نه یوازې د سیالیو د تنظیم په برخه کې له ستونزو سره مخ و، بلکې د دوی لوبډله هم کمزورې وه. د کراچۍ او لاهور لوبغالو وروستیو رغنیزو چارو، کم شمېر نندارچیانو او د باران له امله د دریو لوبو لغو کېدو د ټورنمنټ جذابیت ته زیان ورساوه.

پاکستانۍ لوبډله د«اې» ګروپ په وروستي مقام کې پاتې شوه او له هند سره یې بایللې سیالي د ناکامۍ لوی علت و.

استرالیا، چې د لوبغاړو د ټپونو له امله کمزورې شوې وه، په عادي لوبغاړو ولوبېده.

نیوزیلینډي راچین روېندرا د ټورنمنټ غوره لوبغاړی شو. ګلېن فیلیپس په خپلوښکلو کیچونو د فیلډینګ تعریفونه ترلاسه کړل.ویرات کولي وښوده چې لا هم ډېر څه کولای شي.

افغانستان، سره له دې چې نیمه پایلوبې ته ونه رسېد، خو په خپل لومړي اتلانو جام کې وځلېد.

برېټانیا له بې خونده لوبې وروسته د نوي لوبډلمشر په لټه کې ده، ځکه جوس بټلر له لوبډلمشرۍ لاس اخیستی.

د فوټسال ملي لوبډلې د ګرینلنډ په وړاندې د پنالټي شوټ په ګټلو سره د انټرکانټنینټل جام سیالیو کې درېیم مقام خپل کړ.

دغه سیالۍ د برازیل هېواد په کوربه توب ترسره شوې.

تر دې وړاندې افغان فوټسال ملي لوبډلې له ایران او برازیل سره په سیالیو کې ماتې تجربه کړې وې.

همدا د فوټبال فډارسیون خبر ورکړی، چې د اسيا د ساحلي فوټبال د ملتونو جام ۲۰۲۵ ته د چمتووالي او ګډون لپاره د افغانستان د ساحلي فوټبال ملي لوبغاړو روزنه پیل کړې.

د هېواد د ساحلي فوټبال ملي لوبډله په سي ګروپ کې له ایران، متحده عربي اماراتو او اندونیزیا سره ده.

د اسیا د ساحلي فوټبال د ملتونو جام به د روان کال د مارچ په ۲۰مه د تایلنډ په کوربه توب پیل شي.

د کرېکټ اتلانو جام د پایلوبې پچه د نیوزیلنډ لوبډلې وګټله او لومړی یې د توپ وهنې پرېکړه وکړه.

د نیوزیلنډ لوبډلې د پنځوس اورونو په لوبولو او د ۷ وېکټو په زیان د هند لوبډلې ته د ۲۵۲ منډو هدف ورکړ.

په توپ وهنه کې د نیوزیلنډ په ګټه ډاریل میچل ۶۳، مایکل بریسول ۵۳، راچین راویندرا ۳۷ او ګلین فیلیپس ۳۴ تر نورو لوبغاړو ډیرې منډې جوړې کړې.

د هند لوبډلې د سیالې لوبډلې له لوري ورکول شوی هدف د لوبډلمشر روهیت شرما د ۷۶، شریاس ایېر ۴۸، کې اېل راهول ۳۴ او شوبمان ګېل د ۳۱ منډو په مټ د لوبې په وروستې اور کې پوره او د اتلانو جام اتلولي یې په خپل نوم کړه.

د هند لوبډلې له ۱۲ کلونو وروسته د کرېکټ د اتلانو جام اتلولي وګټله.هند په ۲۰۱۳ کې هم د اتلانو جام اتلولي ګټلې وه.

د روهیت شرما په لوبډلمشرۍ کې ۲۰۲۴ او ۲۰۲۵ کلونه د هند د کرېکټ لوبډلې لپاره له لاسته راوړنو ډک وو.

هند د ۲۰۲۴ کال د شل اوریزو لوبو نړېوال جام اتلولي هم په خپل نوم کړې.

د لوبې د وړاندوینې له مخې، هند د دغه لوبې د ګټلو ۶۸ سلنه او نیوزیلنډ بیا ۳۲ سلنه چانس لري.

په روان اتلانو جام سیالیو کې دغه دواړه لوبډلې په اې ګروپ کې همډله وې، چې په نیمه پایلوبو کې وتوانېدې په ډېرو امتیازونو او بریاوو سره د دغه جام پایلوبې ته لار ومومي.
په اتلانو جام سیالیو کې اتو لوبډلو برخه لرله؛ خو یوازې څلور لوبډلې هند، نیوزیلنډ، اسټرالیا او سوېلي افریقا وتوانېدې، چې نیمه پایلوبې ته لار ومومي.
انګلنډ لوبډله په دغه جام ونتوانېده، چې کومه بریا خپله کړي او په نوملړ کې ترټولو وروستي کتار کې راغلې ده.

د افغانستان د کرېکټ ملي لوبډلې هم د لومړي ځل لپاره د دغو سیالیو برخه و.

دغه لوبې د تېرې فبرورۍ میاشتې په ۲۶مه نېټه پیل شوې وې، چې نن به د دغه جام له ګټلو وروسته پای ته ورسېږي.

د لوبې په لومړۍ نیمايي کې ایران افغان لوبډلې ته ۳ او افغان لوبډلې ایران ته ۱ ګول ورکړی و.

د لوبې په دوهمه نیمايي کې افغان لوبډلي د ایران په وړاندې دوه نور ګولونه ووهل او لوبه یې مساوي کړې وه، خو د ایران لوبډلې د لوبې په وروستیو شیبو کې د څلورم ګول په وهلو سره لوبه ۴ـ۳ په خپل ګټه پای ته ورسوله.

د افغانستان د فوټسال ملي لوبډلې روزونکي مجید مرتضايي له لوبې وروسته وویل:« د لوبې په دوهمه نیمايي کې ډیره ښه لوبه وشوه، سره له دې چې د لوبې په لومړیو شیبو کې مو امید کندهاری له لاسه ورکړی و او د لوبې په جریان کې اکبر کاظمي هم له لوبې وایستل شو خو بیا هم موږ ډیره ښه لوبه وکړه.»

د افغانستان د فوټسال ملي لوبډله سبا د ګرینلنډ د فوټسال ملي لوبډلې په وړاندې د سیالۍ ډګر ته ښکته کیږي.

افغانستان د فوټسال په دغه څلور اړخیزو سیالیو کې تردې مهاله درې لوبې کړې، چې یوه لوبه یې ۵ـ۴ له ګرینلنډ ګټلې او یوه یوه لوبه کې یې له برازیل او ایران ماته خوړلې ده.